ዬ ማጻፋ 3 - Geeshsha Maxaafa

Dawiti Ba Naa Abeseloomeppe Baqatishe Yexxida Mazamure

¹ GODAWU! Ta morkketi ay keena corattidoo! Ta bolla aappunati dendidoo!

² Daroti, «Xoossi iza ashshenna» giidi ta bolla haasayda.

³ Gido attiin GODAWU! Neni ta yuushon gondalle. Tana bonchchisizaynne minththeththizay nena.

⁴ Tani ta qaala dhoqqisada GODAAKKO waassana; histtiko izi ba geeshsha zuma bolla dishe ta woosa siyana.

⁵ GODAY tana naagiza gishshas, tani ichchada dhiskayssinne beegottays.

⁶ Tani tana giddoththi uttida cora morkketaska babbike.

⁷ Abeet GODAWU! Denda! Abeet ta Xoossawu! Tana ashsha! Neni ta morkketa ubbaa banqila shoca; iitata achchaaka menththa.

⁸ Maadoy GODAASSA; GODAWU ne anjjoy ne deraa bolla gido.