ዬ ማጻፋ 113 - Geeshsha Maxaafa

¹ GODAY galatetto! Intteno GODAA oosanchchatoo! GODAA galatite! Iza sunththaaka sabbite!

² GODAA sunththi hachchife mernaa gakkanaas galatetto!

³ Arshey mokkizasoppe biidi wullizaso gakkanaaska GODAA sunththi galatetto!

⁴ GODAY kawoteththata ubbaafe gita; iza bonchchoyka salotappe dhoqqa.

⁵ GODAA nu Xoossa malay oonee? Izi bolla dhoqqan kawoteththa araatan uttides.

⁶ Izi salotaninne sa7an dizayta duge xeellees.

⁷ Izi hiyeesa gudullafe dhoqqu dhoqqu histtees; metotanchchaka bidinththafe denththees.

⁸ Histtidi istta gita asataranne dere shuumetara issife utisees;

⁹ Mayneyo nayta aayo ooththees; bonchchidikka izison izo ufayssan woththees; GODAY galatetto!