1ታሪኬ ማጻፋ 25 - Geeshsha Maxaafa

Xoossa Keeththan Yexxizayta

¹ Dawitinne ola gadawati Aasaafe naytappe, Hemaane naytappenne Edotaane naytappe maasinqon, diiththaninne daalan awajjishe tinbite yootizayta doori woththida; hayssa ha oosoza ooththana mala doorettida asata sunththi hayssafe kaalli dizayssa.

² Aasaafe naytappe Zakure, Yooseefe, Nataniyanne Asher7eele; hayti Aasaafe nayti kawoy azaziin tinbite yootiza Aasaafeppe garsara azazetteettes.

³ Edotaane naytappe Godoliyaasa, Xeere, Yesha7iya, Shim7e, Hashaabiyanne Matitiya; ha usuppunati maasinqon GODAA galatishenne bonchchishe tinbite yootiza ba aawa Edotaaneppe garsara azazetteettes.

⁴ Hemaane naytappe Buuqiya, Maataaniya, Uzi7eele, Shuba7eele, Yarmoote, Hanaaniya, Hanaane, El7aata, Gidolte, Eromaamte-Eezere, Yoshibaqaashe, Maalota, Hotirenne Mahizi7oote.

⁵ Hayti ubbatikka kawozas tinbite yootiza Hemaane nayta; Xoossay izas immana gida mala Hemaane dhoqqu dhoqqu histtanaas ha 14 attuma naytanne 3 macca nayta izas immides.

⁶ Hayti ubbay GODAA keeththan daala giirissishe, maasinqonne diith diixxishe bantta aawappe garsara Xoossa Keeththan ooththeettes. Aasaafey, Edotaaneynne Hemaaney kawozappe garsara azazettishe deettes.

⁷ Hayti ba dabbotara gididi GODAA sinththan shiiqiza mazamure tamaari loohidayta; istta qooday mulera nam7u xeetanne osppun tammanne osppuna.

⁸ Istti bantta ooso shaakki eranaas cimanne naa, astamaarenne tamaare gi shaakkontta issi gina saama yeggida.

⁹ Koyro saamay Aasaafe baggafe gidida Yooseefe naytassinne iza dabbotas kezides; isttas qooday 12; nam7anththo saamay Godoliyaasas, iza naytassinne iza dabbotas kezides; isttas qooday 12.

¹⁰ Heedzdzanththo saamay Zakures, iza naytassinne iza dabbotas kezides; isttas qooday 12.

¹¹ Oydanththo saamay Yexires, iza naytassinne iza dabbotas kezides; isttas qooday 12.

¹² Ichchashanththo saamay Nataniyas, iza naytassinne iza dabbotas kezides; isttas qooday 12.

¹³ Usuppunththo saamay Buuqiyas, iza naytassinne iza dabbotas kezides; isttas qooday 12.

¹⁴ Laappunththo saamay Asher7eeles, iza naytassinne iza dabbotas kezides; isttas qooday 12.

¹⁵ Osppunththo saamay Yesha7iyas, iza naytassinne iza dabbotas kezides; isttas qooday 12.

¹⁶ Uddufunththo saamay Maataaniyas, iza naytassinne iza dabbotas kezides; isttas qooday 12.

¹⁷ Tammanththo saamay Shim7es, iza naytassinne iza dabbotas kezides; isttas qooday 12.

¹⁸ Tammanne issinththo saamay Azari7eeles, iza naytassinne iza dabbotas kezides; isttas qooday 12.

¹⁹ Tammanne nam7anththo saamay Hashaabiyas, iza naytassinne iza dabbotas kezides; isttas qooday 12.

²⁰ Tammanne heedzdzanththo saamay Shebu7eeles, iza naytassinne iza dabbotas kezides; isttas qooday 12.

²¹ Tammanne oydanththo saamay Matitiyas, iza naytassinne iza dabbotas kezides; isttas qooday 12.

²² Tammanne ichchashanththo saamay Yarmootes, iza naytassinne iza dabbotas kezides; isttas qooday 12.

²³ Tammanne usuppunththa saamay Hanaaniyas, iza naytassinne iza dabbotas kezides; isttas qooday 12.

²⁴ Tammanne laappunththa saamay Yoshibaqaashes, iza naytassinne iza dabbotas kezides; isttas qooday 12.

²⁵ Tammanne osppunththa saamay Hanaanes, iza naytassinne iza dabbotas kezides; isttas qooday 12.

²⁶ Tammanne uddufunththo saamay Maalotas, iza naytassinne iza dabbotas kezides; isttas qooday 12.

²⁷ Nam7u tammanththo saamay El7aatas, iza naytassinne iza dabbotas kezides; isttas qooday 12.

²⁸ Nam7u tammanne issinththo saamay Hotires, iza naytassinne iza dabbotas kezides; isttas qooday 12.

²⁹ Nam7u tammanne nam7anththo saamay Gidoltes, iza naytassinne iza dabbotas kezides; isttas qooday 12.

³⁰ Nam7u tammanne heedzdzanththo saamay Mahizi7ootes, iza naytassinne iza dabbotas kezides; isttas qooday 12.

³¹ Nam7u tammanne oydanththo saamay Eromaamte-Eezeres, iza naytassinne iza dabbotas kezides; isttas qooday 12.