Nshɛ 93 - EBƆRƐ BE KAWƆLEbɔrɛ ka la ewura be asheŋ 1 Enyɛnpe Ebɔrɛ na e la ewura. Kemaŋkuragboŋ nɛ eleŋ buu mo nna fanɛ kuwurpiŋi. Mo e tɔl durnya n yili kpakpa, nɛ shɛŋ shɛŋ maaŋ tiŋ n fifir kumo. 2 Dra na kikɛ nɛ fee ji kuwura, fo alɛ wɔtɔ nna mbaanaayɔ. 3 Enyɛnpe Ebɔrɛ, etekuana bee baga to nna a wora awɔr fanɛ e ka bugi ebɔl a boŋ nshɛ na! Atiligboŋ bee koso etekuana so nna pasaa! 4 Teku so be atili bee wora awɔr nna nsaa kɔ eleŋ ga, ama Enyɛnpe Ebɔrɛ na be eleŋ shi a chɔ amo be eleŋana. 5 O Enyɛnpe Ebɔrɛ, fo mbraana wɔtɔ nna mbaanaayɔ, jemanɛ kikɛ fo bɔrɛlambu na du cheembi nna nsaa walɛ kebita. |
© 2015 GILLBT Ghana Institute of Linguistics, Literacy and Bible Translation