Jɛnesis 5 - EBƆRƐ BE KAWƆL

Adam be kaman to ebi be asheŋ

¹ Adam be kanaŋ to ebi be atre nɛ b sibɛ n nase nde. Ebɔrɛ ka to dimɛdi na e daŋ to mo nna nɛ e du fanɛ mo Ebɔrɛ gbagba.

² Enyɛn nɛ eche nɛ e daŋ to n nɛfa bumo nsaa tre bumo edimɛdi.

³ Adam wɔtɔ loŋ m ba fo nfɛ kalfa nɛ adesa pɔɛŋ nseŋ kurge ebinyɛn nɛ e duli mo n nase mo ketre Sɛt.

⁴ B ka kurge Sɛt be kaman nɛ Adam naŋ ji nfɛ alfa aburwa durnya to n nya bibinyɛnsobi nɛ becheso n ti mo so pɔɛŋ nseŋ wu.

⁵ Nfɛ nɛ Adam daŋ ji durnya to kikɛ nseŋ wu daa wɔ nfɛ alfa akpanu nɛ adesa nna.

⁶ Sɛt malɛ ka fo nfɛ kalfa nɛ anu nɛ e kurge Inɔsh.

⁷ B ka kurge Inɔsh be kaman Sɛt daŋ naŋ ji nfɛ alfa aburwa nɛ ashunu durnya to nna n nya bibinyɛnsobi nɛ becheso ko n ti mo so pɔɛŋ nseŋ wu.

⁸ Nfɛ nɛ Sɛt daŋ ji durnya to kikɛ pɔɛŋ nseŋ wu daa wɔ nfɛ alfa akpanu nɛ kuduanyɔ.

⁹ Inɔsh malɛ daŋ ji nfɛ adekpanu nna pɔɛŋ nseŋ kurge Kenan.

¹⁰ B ka kurge Kenan be kaman nɛ Inɔsh naŋ ji nfɛ alfa aburwa nɛ kuduanu durnya to, n nya bibinyɛn nɛ becheso ko n ti mo so pɔɛŋ nseŋ wu.

¹¹ Nfɛ nɛ Inɔsh daŋ ji durnya to kikɛ nseŋ wu daa wɔ alfa akpanu nɛ anu.

¹² Kenan malɛ daŋ ji nfɛ adushunu nna pɔɛŋ nseŋ kurge Mahalalɛl.

¹³ B ka kurge Mahalalɛl be kaman nɛ Kenan naŋ ji nfɛ alfa aburwa nɛ adena durnya to, n nya bibinyɛn nɛ becheso ko n ti mo so pɔɛŋ nseŋ wu.

¹⁴ Nfɛ nɛ Kenan daŋ ji durnya to kikɛ nseŋ wu daa wɔ nfɛ alfa akpanu nɛ kudu.

¹⁵ Mahalalɛl malɛ daŋ ji nfɛ adeshe nɛ anu nna pɔɛŋ nseŋ kurge Jarɛɛd.

¹⁶ B ka kurge Jarɛɛd be kaman nɛ Mahalalɛl naŋ ji nfɛ alfa aburwa nɛ adesa durnya to n nya bibinyɛn nɛ becheso n ti mo so pɔɛŋ nseŋ wu.

¹⁷ Nfɛ nɛ Mahalalɛl daŋ ji durnya to kikɛ nseŋ wu daa wɔ nfɛ alfa aburwa nɛ adekpanu nɛ anu nna.

¹⁸ Jarɛɛd malɛ daŋ ji nfɛ kalfa nɛ adeshe nɛ anyɔ nna pɔɛŋ nseŋ kurge Inɔk.

¹⁹ B ka kurge Inɔk be kaman Jarɛɛd daŋ naŋ ji nfɛ alfa aburwa durnya to nna n nya bibinyɛn nɛ becheso n ti mo so pɔɛŋ nseŋ wu.

²⁰ Nfɛ nɛ Jarɛɛd daŋ ji durnya to kikɛ pɔɛŋ nseŋ wu daa wɔ nfɛ alfa akpanu nɛ adeshe nɛ anyɔ.

²¹ Inɔk malɛ ka ji nfɛ adeshe nɛ anu nɛ e kurge Mɛtusela.

²² B ka kurge Mɛtusela be kaman nɛ Inɔk nɛ Ebɔrɛ luri kɔnɔkoŋwule be kebaawɔtɔ to n ji keteri nfɛ alfa asa. Kumo be jemanɛ so nɛ mo nɛ mbe eche naŋ kurge bibinyɛn nɛ becheso ko n ti mo so.

²³ Nfɛ nɛ Inɔk daŋ ji durnya to kikɛ daa wɔ nfɛ alfa asa nɛ adeshe nɛ anu.

²⁴ Inɔk nɛ Ebɔrɛ daa ji keteri nna loŋ m ba fo saŋko nɛ Ebɔrɛ ta mo n yɔ ebɔrɛso nɛ e maŋ wu.

²⁵ Mɛtusela malɛ daŋ ji nfɛ kalfa nɛ aduburwa nɛ ashunu nna pɔɛŋ nseŋ kurge Lamɛk.

²⁶ B ka kurge Lamɛk be kaman nɛ Mɛtusela naŋ ji nfɛ alfa ashunu nɛ aduburwa nɛ anyɔ durnya to nseŋ naŋ nya bibinyɛn nɛ becheso n ti mo so pɔɛŋ nseŋ wu.

²⁷ Nfɛ nɛ Mɛtusela daŋ ji durnya to kikɛ nseŋ wu daa wɔ nfɛ alfa akpanu nɛ adeshe nɛ akpanu.

²⁸ Lamɛk malɛ daŋ ji nfɛ kalfa nɛ aduburwa nɛ anyɔ nna pɔɛŋ nseŋ kurge ebinyɛn.

²⁹ E daŋ nase ebinyɛn na ketre Nowa nna. E yɛ: “N nase mo loŋ nna, ŋkpal manɛ so, mo e naaŋ baa kaa leŋ anyi to ashi anyi be ashuŋ nɛ kegben damta nɛ anyee gben ashi kasawule mo nɛ Ebɔrɛ sho kɔnɔ ere so.”

³⁰ B ka kurge Nowa be kaman Lamɛk daŋ naŋ ji nfɛ alfa anu nɛ adekpanu nɛ anu nna n naŋ nya bibinyɛn nɛ becheso ko n ti so pɔɛŋ nseŋ wu.

³¹ Nfɛ nɛ Lamɛk daŋ ji durnya to kikɛ nseŋ wu daa wɔ nfɛ alfa ashunu nɛ adushunu nɛ ashunu.

³² Nowa daŋ ji nfɛ alfa anu nna pɔɛŋ nseŋ kurge Shɛm nɛ Ham nɛ Jafɛf.