Aizaaya 20 - EBƆRƐ BE KAWƆL

Ijipt nɛ Itiopia be kekɔ n tɔr be asheŋ

¹ Asiriya be efuli so be ewurgboŋ nɛ baa tre Saagɔn na e daŋ kaŋɛ mbe benapo be ejuŋkparpo fanɛ e ya kɔ n sɔ Filistiebi be kadegboŋ nɛ baa tre Ashdɔd na.

² Nfɛ asa pɔɛŋ nɛ loŋ wora na, Enyɛnpe Ebɔrɛ na daŋ kaŋɛ Aizaaya nɛ e la Amɔz pibinyɛn na nna fanɛ e gbaŋ mbe asɛbta nɛ keeli be kusɔbuuso nɛ e daŋ buu na n nase. Ndoŋ nna nɛ e wora kasonu nseŋ gbaŋ amo kikɛ n nase nseŋ delge so a nite aya fuloŋ.

³ B ka kɔ n sɔ Ashdɔd be kadegboŋ n loge na nɛ Enyɛnpe Ebɔrɛ na kaŋɛ le: “Nfɛ nsa nna na nɛ ma keyɛrbi Aizaaya delge so a nite aya fuloŋ. Kusɔ nɛ k beeŋ wora Ijipt nɛ Itiopia nna na.

⁴ Asiriya be ewurgboŋ na beeŋ delge basa nɛ e beeŋ pɛ kena to ashi efuli anyɔ na so n shin nɛ b nite aya fuloŋ n yɔ kenyaya to. Mbifɔlbi nɛ benimu kikɛ nɛ e beeŋ delge so n shin nɛ bumo be aperbi e baa dese, nɛ Ijiptebi e ŋaba.

⁵ Ndoŋ nna nɛ bekama nɛ b ta bumo be yirda n deŋi Itiopia so nseŋ daa puchi Ijipt so na be nfɛra mel to nɛ b pɔ aba.

⁶ Loŋ be jemanɛ na kaŋ fo, basa nɛ b wɔ Filisti be efuli so be teku be ekarso na beeŋ kaŋɛ le: ‘Keni kusɔ nɛ k wora basa nɛ an ta anyi be amu to so fanɛ b baa kuŋ anyi ashi Asiriya be ewurgboŋ be enɔ to na! Nuso nɛ anyi alɛ beeŋ wora n nya anyi be amu?’ ”