Mazmure 54 - Geeshsha Maxaafa

Xoossay Ta Shempuwa Naagees

Ziifa asati Saa7olako bidi, “Dawiti nu biittan qosetis” yaagidi odin, Dawiti xaafida mazmure

¹ Abeeti Xoossaw, ne sunthan tana ashsha; ne wolqan taw pirda.

² Abeeti Xoossaw, ta woosa si7a; ta doona qaala hayza.

³ Allaga asati ta bolla dendidosona; daganthiya asati tana wodhanaw koyoosona; enti Xoossaa qopokona. Salaha

⁴ Xoossay taw maade; Goday taw zempo.

⁵ Abeeti Xoossaw, ta morketa iitatethaa enta bolla zaara; ne tumatethaa gisho enta dhaysa.

⁶ Abeeti Godaw, taani ta dosan new yarshana; ne keeha gidiya gisho ne sunthaa galatana.

⁷ Ne tana, ta meto ubbaafe ashshadasa; ta morketa xoonetethaa ta ayfen be7as.