Mazmure 129 - Geeshsha Maxaafa

Na7atethafe Doomidi Tana Un7ethidosona

Pudethe keyishe yexiya mazmure

¹ Isra7eeley haysada yaago; “Ta na7atethafe doomidi, ta morketi tana un7ethidosona.

² Ee, enti ta na7atethafe doomidi, tana un7ethidosona; shin enti tana xoonibookona.

³ Ta zokuwa xurqafen shocidi, goshsha gade daanisidosona.”

⁴ Shin Goday xillo gidiya gisho iitata wodoruwa duuserethi yeggis.

⁵ Xiyoone ixiya ubbay yeellatidi guye simmo.

⁶ Keetha huuphen dolida, dicconna melida maata mela gido.

⁷ He maata buucanaw kushen dankey woyko mirqanaw oykey baawa.

⁸ Ogera aadheysati, “Goday wolqa immo” gin, cakeysati “Godi anjo” giyabay deenna.