Mazmure 114 - Geeshsha Maxaafa

Iya Sinthan Yashshan Kokorite

¹ Isra7eele asay Gibxe biittafe keyida wode, Yayqooba sheeshay allaga qaalan, haasaya asaa aggidi bida wode,

² Yihuda asay Godaas geeshsha asi gidis; Isra7eele asay iyaw haaretis.

³ Abbay hessa be7idi baqatis; Yordaanose shaafay guye simmis.

⁴ Dereti deeshada gupidosona; zumati dorsa marada dozgidosona.

⁵ Abbaw, ne ayis baqatadii? Yordaanose, ne ayis guye simmadii?

⁶ Dereto, deeshada ayis gupidetii? zumato, dorsada ayis dozgidetii?

⁷ Neno biittaw, Godaa sinthan, Yayqooba Xoossaa sinthan kokora.

⁸ I zaalla eele haathi kessees; mino zaalla haatha pulto oothees.