Hose 3 - Geeshsha Maxaafa

Hosey Ba Machera Sigetetha

¹ Goday tana, “Isra7eele asay hara xoossatako simmidi, zabibe uythaa yarshanaw koykoka, Goday enta doseysada iyo dosa. Iya hara laggethiyabanne laymatiyaba gidikoka neeni iyo dosa” yaagis.

² Yaagin, taani iyo tammanne ichashu bira santimeninne xeetanne ishatamu kilo giraame bangan shammas.

³ Taani iyo, “Neeni laymatonnanne hara addera doonna taara daro wode daanaw koshshees. Taanika neera daana” yaagas.

⁴ Isra7eele asay kawoy woyko halaqi bayna, yarshoy woyko eeqa tuussi bayna, efuude ma7oy woyko eeqa misiley bayna daro wode daana.

⁵ Hessafe guye, Isra7eele asay Godaa banta Xoossaakonne banta kawa Dawitako simmana. Wursetha wodiyan enti kokorishe, Godaakonne iya anjuwako yaana.