Yoonasa 3 - ጌሻ ማፃፋ

ዮናስ ናናወ ቡሳ

¹ ጎዳ ቃላይ ናምአን ዮናሳኮ ሀይሳዳ ያግድ ይስ።

² “ደንዳዳ ግታ ካታማ ናናወ ባ፤ ታ ነዉ ኦድያ ቃላ ኤንታዉ አዋጃ” ያግስ።

³ ዮናስ ጎዳስ ኪተትድ ናናወ ብስ። ናናወይ ዳሮ ግታ ካታማ። ሀ ጋፃፐ ህን ጋፃ ጋካናዉ ሄ ቃማ ሄመስ።

⁴ ዮናስ ካታማ ገልድ እስ ጋላሳ ኦገ ሄመትድ፥ “ናናወይ ኦይታሙ ጋላሳፐ ጉየ ያና” ያግድ አዋጅስ።

⁵ ናናወ አሳይ ፆሳ አማንዶሶና። ፆማ አዋጅዶሶና፤ ጉፈ ግታ ጋካናዉ አስ ኡባይ ካዮ ማኦ ማእዶሶና።

ናናወ አሳይ ጎዳኮ ስሙዋ

⁶ ናናወ ካዎይ ሄ ኦዳ ስእዳ ዎደ ባ ካዎተ አራታፐ ዎድ፥ ካዎተ ማኡዋ ቃርድ ካዮ ማኦ ማእድ ብዶ ቦላ ኡትስ።

⁷ ናናወ ደርያስ ሀይሳዳ ያግድ አዋጅስስ፦ “ካዋፐነ እያ ሞርናታፐ ከይዳ ኪታዳ ሀችፈ ዶምድ ህንተራነ ህንተ መሄታራ፥ አይብባካ ሞና መላ ኡዮና መላ።

⁸ አስነ መሄ ኡባይ ካዮ ማኦ ማኦ። እስ እስ አስ ምንድ ፆሳኮ ዋሶ። ባ ኢታ ኦግያፐ ስሞ፥ ባ ኢታ ኦሱዋካ አጎ።

⁹ ፆሳይ ኑስ ቃትድ፥ ኑኒ ዮና መላ ባ ዎልቃማ ሀንቁዋፈ ስማነኮ ኦን ኤር!” ያግስ።

¹⁰ ኤንቲ ባንታ ኢታ ኦግያፐ ስምዳይሳ ፆሳይ በእዳ ዎደ ኤንታዉ ቃትድ ኤንታ ቦላ ኤሀና ግዳ ኢታባ አጋግስ።