Mazmure 46 - ጌሻ ማፃፋ

ፆሳይ ኑራ ደኤስ

“ጌላኦ ናይታ የ” ጌተትያ ጩን የፀትዳ ማዝሙረ

¹ ፆሳይ ኑ ቆሰትድ አትያ፥ በሰነ ኑ ዎልቃ። ኑና መቶይ ጋክያ ዎደ፥ እ ኑና ማዳናዉ ኡባ ዎደ ኑ ማታን ደኤስ።

² ሄሳ ግሾ፥ ቢታይ ቃፅያኮካ፥ ደረት አባን ኩንድያኮካ፥ ኑኒ ያዮኮ።

³ አባይ ጉምድ ጎፖንትኮካ፥ እያ ዎልቃማ ዙልያን ደረት ኮኮርያኮካ፥ ኑኒ ዳጋሞኮ። ሳላሀ።

⁴ ኡባፈ ቃ ፆሳይ ደእያ፥ ፆሳ ካታማ፥ ጌሻ በሳ፥ ኡፋይስያ እስ ሻፍ ደኤስ።

⁵ ፆሳይ እያ ግዶን ደእያ ግሾ፥ ሄ ካታማይ ቃፀና፤ ዎንታ ጉራ ፆሳይ እያ ማዳና።

⁶ ደረይ ዳጋምስ፤ ካዎተት ቃፆሶና፤ ፆሳይ ባ ቃላ ስስስ፤ ቢታይ ትልእስ።

⁷ ኡባፈ ዎልቃማ ጎዳይ ኑራ ደኤስ፤ ያይቆባ ፆሳይ ኑ ቆሰትድ አትያ በሰ። ሳላሀ

⁸ ሃ ዪተ፤ ጎዳ ኦሱዋ ፄልተ፤ ቢታ ዋትድ ይስዳኮ በእተ።

⁹ እ ቢታ ቦላ ደእያ ኦላ ኡባ ተቄስ፤ ዶንገነ ቶራ መንስ፤ ጎንዳልያ ታማን ፁጌስ።

¹⁰ ዎፑ ጊተ፤ ታኒ ፆሰ ግደይሳ ኤርተ፤ ታኒ ካዎተታ ግዶን ቁ ቁ ጋና፤ ቢታ ቦላካ ቁ ቁ ጋና።

¹¹ ኡባፈ ዎልቃማ ጎዳይ ኑራ ደኤስ፤ ያይቆባ ፆሳይ ኑ ቆሰትድ አትያ በሰ። ሳላሀ።