Mazmure 4 - ጌሻ ማፃፋ

ኡባ ዎደ ዎሳ

ዲን የፀትያ ማዝሙረ

¹ አቤት ታና ፅልስያ ፆሳዉ፥ ታኒ ነና ፄግያ ዎደ ታዉ ኮያ። ታኒ ኡንኤትዳ ዎደ ነ ታና ላአ ከሳዳሳ፤ ታዉ ቃታ፤ ታ ዎሳ ስአ።

² ህንተኖ አሳዉ፥ ህንተ አዉደ ጋካናዉ ታ ቦንቹዋ ካዉሼቲ? አዉደ ጋካናዉ ፓናባ ዶሴቲ? አዉደ ጋካናዉ ዎርዶ ካሌቲ? ሳላህ

³ ጎዳይ አማነትያ አሳታ ባዉ ዱማይድ ዎዳይሳ ኤርተ፤ ታኒ ጎዳ ፄግያ ዎደ እ ታና ስኤስ።

⁴ ሀንቀትተ፥ ሽን ናጋራ ኦፕተ፤ ህንተ ዝንእያ ዎደ ህንተ ዎዛና ቆርተ፤ ስእ ጊተ። ሳላህ

⁵ ጎዳስ ልከ ያርሾ ያርሽተ፤ እያን አማነትተ።

⁶ “ኑና ሎኦባ በሳናይ ኦኔ?” ያግድ ዳሮት ኦይቾሶና፤ አቤት ጎዳዉ፥ ነ ኑና ኬሀ አይፈን ፄላ።

⁷ ዳሮ ግስተፈነ ዎይነ ኡሻፈ ነ ታ ዎዛናን ዎዳ ግታ ኡፋይሳይ አስ።

⁸ አቤት ጎዳዉ፥ ነ ፃላል ታና ሳሮ ዎያ ግሾ፥ ታኒ ዝንአዳ ዎፑ ጋዳ ስካይስ።