Mazmure 24 - ጌሻ ማፃፋ

ቦንቾ ካዋ

ዳዊታ ማዝሙረ

¹ ሳአይነ ሳአን ደእያ ኡባይ ጎዳባ፤ አላመይነ እያን ደእያ አሳ ኡባይ እያሳ።

² እ ሳኣ ግታ አባ ቦላ ሂፅስ፤ ጪሞ ሃ ቦላ ምንድ ኤስስ።

³ ጎዳ ዙማ ቦላ ከያናዉ ዳንዳኤይ ኦኔ? እያ ጌሻ በሳን ኤቃናይ ኦኔ?

⁴ እያ ኩሸይነ እያ ዎዛናይ ጌሽ ግድዳይሳ፤ ኤቃ ጎይኖናይሳ፥ ዎርዶ ጫቆናይሳ።

⁵ እ ጎዳፐ አንጆ ኤካና፤ አሽያ ፆሳፈ ፅሎ ፕርዳ ደማና።

⁶ ፆሳኮ ፄልያ አስነ ያይቆባ ፆሳ ሶምኡዋ ኮይያ አስ ሄሳ መላ አሰ። ሳላሀ

⁷ ቦንቾ ካዎይ ገላና መላ፥ ህንተኖ ፐንገቶ ዶየትተ፤ በን ፐንገት እያ ኡፋይሳን ሞክተ።

⁸ ሄ ቦንቾ ካዎይ ኦኔ? ምኖነ ዎልቃማ ግድዳ ጎዳ፤ ኦላን ዎልቃማ ግድዳ ጎዳ።

⁹ ቦንቾ ካዎይ ገላና መላ፥ ህንተኖ ፐንገቶ ዶየትተ፤ በን ፐንገት እያ ኡፋይሳን ሞክተ።

¹⁰ ሀ ቦንቾ ካዎይ ኦኔ? ሀ ቦንቾ ካዎይ ሳሎ መተታ ጎዳ! ሳላሀ።