Mazmure 111 - ጌሻ ማፃፋ

ፆሳ ጋላትተ

¹ ጎዳ ጋላትተ፤ ሱረታ ሺቆን ታ ኩመ ዎዛናን ጎዳ ጋላታና።

² ጎዳ ኦሶት አይ መላ ግተ! ኤንታን ኡፋይትያ ኡባይ ኤንታ ቆፔስ።

³ እያ ኦሶት ቦንቾንነ ቴማን ኩምስ፤ እያ ፅሎተይ መርናዉ ደኤስ።

⁴ እያ ማላልስያ ኦሶይ ሀሳየትሸ ዳናዳ ኦስ፤ እ ኬሀነ ቃትያ ጎዳ።

⁵ ባዉ ያየይሳታስ ካ እሜስ፤ ባ ጫቆ ቃላ መርናዉ ባለተና።

⁶ አላጋታ ቢታ ባ አሳስ አድ እምድ፥ ባ ግታ ዎልቃ ባ አሳ በስስ።

⁷ እያ ኩሸ ኦሶት ቱማነ ሱረ፤ እያ ዎጋ ኡባይ አማነትዳይሳ።

⁸ ኤንቲ መርናዉ ኤቅድ ደኦሶና፤ ቱማተንነ ሱረተን እመትዶሶና።

⁹ እ ባ አሳ ዎዝስ፤ ጫቁዋ ኤንታራ መርናዉ ኤስስ፤ እያ ሱንይ ጌሽነ ያሸይሳ።

¹⁰ ጭንጫተስ ኮይሮይ ጎዳስ ያሽ፤ እያ ዎጋ ናገይሳታስ ሎኦ አኬክ ደኤስ። ጎዳይ መርናዉ ጋላተቶ!