2 Taarike 3 - ጌሻ ማፃፋ

ሶሎሞነይ ፆሳ ኬ ኬፁዋ

¹ ሶሎሞነ አዋይ ዳዊቲ ፆሳ ኬይ ኬፀታና በሳ ሞረ ደርያን የሩሳላመን ጊግስስ። ሄ በሳይ ጎዳይ ዳዊታስ ቆንጭዳ ያቡሰ አድያ ኦርና ዉዱማ።

² ሶሎሞነይ ባ ካዎትዳ ኦይዳን ላይን፥ ናምአን አጌናን ፆሳ ኬ ኬፃናዉ ዶምስ።

³ ሶሎሞነይ ፆሳ ኬ ኬፃናዉ ባስዳ ባሱዋ አዱሳተይ ኡሱፑን ታሙ ዋ፤ ጎምፓይ ላታሙ ዋ።

⁴ ፆሳ ኬ ገልያ በሳን ደእያ ባራንዳ ጎምፓይ ፆሳ ኬ ጎምፓዳ ላታሙ ዋ፤ አዱሳተይ ላታሙ ዋ።

⁵ ፐንገ ጎዳ ፂዳ ፃላላን ልጭድ ካምስ፤ ጌሻ ዎርቃን ትይስ፤ ዛምባ ምስለነ ሳንላታ ምስለን አሌቅስስ።

⁶ ፆሳ ኬ አልኦ ሹቻን አሌቅስስ፤ እ አሌቅስዳ ዎርቃይ ፓርዋይማ ቢታፈ ይዳ ዎርቃ።

⁷ ጎዳታ፥ ቱቀታ፥ ጎባነታነ ፐንገታ ዎርቃን ትይስ፤ ጎዳ ቦላ ክሩበ ምስለ መስ።

⁸ ሶሎሞነይ ኡባፈ ጌሻ በሳ ኬፅስ። ሄ በሳ አዱሳተ ፆሳ ኬ ጎምፓዳ ላታሙ ዋ፤ ጎምፓይ ላታሙ ዋ። ሄ በሳ ጎዳ ላታሙ ሙኩሉ ክሎ ግራመ ሙሩቶ ዎርቃን ትይስ።

⁹ ኤንቲ ጎኤትዳ ምስማረይ እቻሹ ፄታነ ላፑን ታሙ ግራመ ዎርቃፈ መትስ። ፖቀን ደእያ ክፍለታካ ዎርቃን ትይስ።

¹⁰ ሶሎሞነይ ኡባፈ ጌሻ በሳን ናምኡ ክሩበ ምስለታ ጊግስድ ዎርቃን ትይስ።

¹¹ ሄ ክሩበታ ቀፈይ ምጨትድ፥ ላታሙ ዋ፤ ኮይሮ ክሩብያ ኮይሮ ቀፈይ እቻሹ ዋ ግድድ፥ ፆሳ ኬ ጎዳ ቦቼስ፤ ናምአን ቀፈይ እቻሹ ዋ ግድድ፥ ሀራ ክሩብያ ቀፍያ ቦቼስ።

¹² ናምአን ክሩብያ ኮይሮ ቀፈይ እቻሹ ዋ ግድድ፥ ፆሳ ኬ ጎዳ ቦቼስ፤ ናምአን ቀፈይ እቻሹ ዋ ግድድ፥ ኮይሮ ክሩብያ ቀፍያ ቦቼስ።

¹³ ሀ ናምኡ ክሩበታ ቀፈይ ምጨትድ፥ ላታሙ ዋ ግድስ፤ ኤንቲ ባንታ ሶምኡዋ ጌሻ በሳኮ ዛሪድ፥ ባንታ ቶሆን ኤቅዶሶና።

¹⁴ ሶሎሞነይ ካሎሰ ማኡዋ፥ ኦቻ ቴራ ዳንያ ማኡዋፐነ፥ ዞኦ ማኡዋፐ ሊኖፐ ዳደትዳ ማኡዋፐ ማጋራጆ ኦድ፥ እያ ቦላ ክሩበታ ምስለ መስ።

¹⁵ ሶሎሞነይ ፆሳ ኬ ስንን እሱዋ እሱዋ አዱሳተይ ሀስታማነ እቻሹ ዋ ግድዳ ናምኡ ቱሳታ ኦስስድ፥ ኤንታ ሁጰን እቻሹ ዋ ጉምቦታ ዎስ።

¹⁶ ቃስ ሳንላታ ግተዳ መስድ፥ ቱሳታ ሁጰን ዎስ፤ ፄቱ ኦሮማነ ቴራ ምስለታ መስድ፥ ሳንላታ ቦላ ዎስ።

¹⁷ ቱሳታፐ እሱዋ ፆሳ ኬ ስንን ኡሻቻ ባጋራ፥ ናምአንዋ ቃስ ሀድርሳ ባጋራ ኤስስ። ኡሻቻ ባጋራ ደእያ ቱሳ ያክና ሱንድ፥ ሀድርሳ ባጋራ ደእያ ቱሳ ቦኤዛ ሱንስ።