1 Taarike 25 - ጌሻ ማፃፋ

ፆሳ ኬ ዛማረታ

¹ ዳዊቲነ ሌወታ ሀላቃት፥ አሳፋ፥ ሄማናነ የዱቱና ናይታፐ ሱሱልኤን፥ ዲንነ ዳላን ትንብተ ኦዳና መላ ዱማይዶሶና። ሀ ኦሱዋስ ዱማትዳ አሳ ሱንይ ሀይሳፈ ካልድ ፃፈትዳይሳ።

² አሳፋ ናይት ዛኩራ፥ ዮሰፋ፥ ናታናነ አሳርኤላ። አሳፋ ናይት አሳፋፐ ጋርሳራ ኦሶና፤ አሳፍ ካዋ ኪታን ትንብተ ኦዴስ።

³ የዱቱና ናይት ጋዳልያ፥ ፃራ፥ ያሻያ፥ ሳምአ፥ ሀሳባያነ ማትታ። ሀ ኡሱፑናት ማስንቆን ጎዳ ጋላትሸነ ቦንችሸ ባንታ አዋ፥ ናብያ የዱቱናፐ ጋርሳራ ኪተቶሶና።

⁴ ሄማና ናይት ቡቃያ፥ ማታና፥ ኡዝኤላ፥ ሳቡኤላ፥ ያርሞታ፥ ሀናንያ፥ ሀናና፥ ኤልኣታ፥ ግዳልታ፥ ኦሮማንትኤዘራ፥ ዮሽባቃሻ፥ ማሎታ፥ ሆትራነ ማዝኣታ።

⁵ ሀይሳቲ ኡባይ ካዋስ ቆንጨ በእያ ሄማና ናይታ። ፆሳይ እማና ግዳይሳዳ ሄማና ቁ ቁ ኦና መላ ሀ ታማነ ኦይዱ አደ ናይታነ ሄ ማጫ ናይታ እያዉ እሚስ።

⁶ ሀይሳቲ ኡባይ ፆሳ ኬን ዳላ ቃናዉ፥ ዲነ ማስንቆ ካእድ ጎይናናዉ ባንታ አዋፐ ጋርሳራ ደኦሶና። አሳፍ፥ የዱቱንነ ሄማን ካዉዋፐ ጋርሳራ ደኦሶና።

⁷ ሄሳት ባንታ ዳቦታራ ግድድ ፆሳስ ሺቅያ ማዝሙረን ሎህዳይሳታ፤ ኤንቲ ኩመ 288.

⁸ ኤንቲ ባንታ ኦሱዋ ሻክድ ኤራናዉ ናእ ጭም፥ አስታማረይ ታማረይ ሻሆይ ባይና ሳማ የግዶሶና።

⁹ ኮይሮ ሳማይ አሳፋ ናኣ ዮሰፋስ ከይስ። ናምአን ሳማይ ጋዳላስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹⁰ ሄን ሳማይ ዛኩራስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹¹ ኦይዳን ሳማይ ፃራስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹² እቻሻን ሳማይ ናታናስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹³ ኡሱፑን ሳማይ ቡቃያስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹⁴ ላፑን ሳማይ ይሽራኤላስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹⁵ ሆስፑን ሳማይ ያሻያስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹⁶ ኡዱፉን ሳማይ ማታናስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹⁷ ታማን ሳማይ ሳምአስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹⁸ ታማነ እስን ሳማይ ኡዝኤላስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

¹⁹ ታማነ ናምአን ሳማይ ሀሳባያስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

²⁰ ታማነ ሄን ሳማይ ሳቡኤላስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

²¹ ታማነ ኦይዳን ሳማይ ማትታስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

²² ታማነ እቻሻን ሳማይ ያርሞታስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

²³ ታማነ ኡሱፑን ሳማይ ሀናና ከይስ፤ እ፥ እያ ናይትነ እያ ዳቦት ኩመ ታማነ ናምአ።

²⁴ ታማነ ላፑን ሳማይ ዮሽባቃሻስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

²⁵ ታማነ ሆስፑን ሳማይ ሀናንያስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

²⁶ ታማነ ኡዱፉን ሳማይ ማሎታስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

²⁷ ላታማን ሳማይ ኤልኣታስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

²⁸ ላታማነ እስን ሳማይ ሆትራስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

²⁹ ላታማነ ናምአን ሳማይ ግዳልታስ ከይስ፤ እ፥ እያ ናይትነ እያ ዳቦት ኩመ ታማነ ናምአ።

³⁰ ላታማነ ሄን ሳማይ ማህዝኣታ ከይስ፤ እ፥ እያ ናይትነ እያ ዳቦት ኩመ ታማነ ናምአ።

³¹ ላታማነ ኦይዳን ሳማይ ኦሮማንትኤዘራስ ከይስ፤ እ፥ እያ ናይትነ እያ ዳቦት ኩመ ታማነ ናምአ።