भजनमैं 137 - परमेश्वरए ताँ तमु क्युइरङ्योइ याहवेहए क्वे खैले प्रिंब? 1 बेबिलोनर्बै स्योंमैंए रेर टिमा सियोनलाइ मैंसि ङ्यो क्रोइ। 2 चर्बै बैंस बिबै सिधुँमैंर ङ्योइ ह्रोंसए बीणामैं च्योइ। 3 तलेबिस्याँ ङ्योलाइ च्युबर बोब्मैंइ चर ङ्योने क्वे प्रिंबर ल्हैदिइ, धै “ङिए सैं तोंबै ल्हागिर सियोनए क्वेंमैं प्रिंन्!” बिसि ङ्योए फिर दुःख पिंब्मैंइ ङ्योने बिइ। 4 आगुए ह्युलर ङ्योइ याहवेहए क्वे खैले प्रिंब? 5 ओ यरूशलेम, ङइ क्हिलाइ म्लेयाइ बिस्याँ ङए क्योलो योइ ह्रोंसए सिपमैं म्लेयारिगे! 6 ङइ क्हिलाइ आमैंस्याँ, ङए ताँन् भन्दा सैं तोंबै सै यरूशलेम ग! बिसि ङइ आबिस्याँ, ङए ले तालुर ह्रेंयारिगे! 7 ओ याहवेह, यरूशलेम नास तबै त्हिंइर एदोमिमैंइ खैबै के लल मैंन्दि, “चु फुवाद्, चुए तें समन् फुवाद्!” बिसि चमैं चिरल। 8 ओ बेबिलोनए च्हमि, क्हि नास लवाब्मुँ। ङिए फिर क्हिइ खै लल, छाबन् खि किंबै म्हिइ आशिक योंब्मुँ। 9 क्हिए च्युगुथिरि कोलोमैंलाइ क्हासि युँमार प्योवाबै म्हिइ आशिक योंब्मुँ। |
© 2020, Wycliffe Bible Translators, Inc. All rights reserved.
Wycliffe Bible Translators, Inc.