Zefania 3 - Ṅmãle̱ Kroṅkroṅ Le̱

¹ Kpṍo hã maṅ ni tšeo̱ atũa ni abule-le̱, maṅ ní yi wa le̱!

² Eboo gbē ko gbē ko toi, ekplẽẽ tšo̱semo̱; eke̱ ehĩe efõõ Iehowa no̱, ni etšii ebe̱ṅke̱e̱ e-Nyoṅmo̱ le̱.

³ Elumei ni yo̱ emli le̱, dšatai ni hũo̱ ni; ekodšolo̱i le̱ hũ, gbe̱ke̱ klãdši ni; ame̱ſe̱e̱ nokonoko ni dše atše̱re no̱. Ezek. 22,27.

⁴ Egbalo̱i le̱, yiṅfle̱fle̱tše̱mei ke̱ kũtũmpo̱foi so̱ṅṅ ni; eso̱foi le̱ ebule he-kroṅkroṅ le̱, ame̱tšṍo̱ mla le̱ hĩe ame̱buo̱ ši. Mika 5,11.

⁵ Iehowa ni yo̱ eteṅ le̱, dšalo̱ dšile̱: efeṅ nõša ko; eke̱ ekodšomo̱ le̱ baä la hĩe dā lebi, efõõ; ši nõšafelo̱ le̱ lee hĩegbĕle!

⁶ Miplenẽ dšeṅmãdši, ame̱mõdši ni kwō̱lo̱ le̱ etšṍmo̱ amaṅfõ; mihã ame̱blohũi le̱ amli ekãmo̱ efodši, ni mokomoko hoo ye̱ dše̱i: afite ame̱mãdši le̱, ni mokomoko be̱ mli, ni mokomoko ehĩṅ mli doṅṅ!

⁷ Mike̱ ake̱: Šemi gbeyei ke̱ke̱, kplẽmo̱ tšo̱semo̱! koni plenẽmo̱ ni mito mihãle̱ le̱ fẽ akaba ešibĩle̱he le̱ no̱; kẽle̱ amete ši mrã, ni ame̱fite amenifemonii le̱ fẽ!

⁸ Nohewo̱ le̱ nyekwe̱ami gbe̱, Iehowa kē̱, kē̱-yaši gbĩ no̱ ni mate ši ake̱ odasefonyo! edšake̱ miyiṅtō dši ake̱ *mabua dšeṅmãdši le̱ anā, ni makpē maṅtše̱yelii le̱ ke̱-akpe, koni †mafo̱se mimlila ke̱ mi-mlifũ ni nā wa le̱ fẽ maſie ame̱no̱; edšake̱ miwuṅãyeli la le̱ aašã šikpoṅ mū le̱ fẽ. *Ioel 4,2. †Lal. 79,6.

⁹ Edšake̱ no mli le̱ maṅõ nābu kro̱ṅṅ mabã mãdšimãdši, koni ame̱-fẽ-kwa ame̱tšē̱ Iehowa gbe̱i le̱, ko-ni ame̱ke̱ gbē kome asúmo̱le̱.

¹⁰ *Kuš fāi le̱ ase̱ tō̃ midšálo̱i le̱ ni dši mimei ni egbe̱ eſã le̱ asafo le̱ ke̱ ni-kēnii aadše̱ abahãmi. *Lal. 68,82. Bo̱f. 8,27.

¹¹ Nakai gbĩ le̱ no̱ le̱ ohĩe gboṅ ye̱ onifemo̱nii fẽ ní oke̱-tõ mino̱ le̱ hewo̱ doṅṅ; edšake̱ no mli le̱ madšie mei ni mli flio̱ame̱ ke̱ hewō le̱ ke̱-adše̱ oteṅ, ni owóṅ ohe no̱ ye̱ migoṅ kroṅkroṅ le̱ ṅo̱ doṅṅ.

¹² Ni *maſe̱ maṅ ni dši nõnalo̱i ke̱ ohĩafoi ye̱ oteṅ, ni ame̱ke̱ ame̱hĩe aafō Iehowa gbe̱i le̱ no̱. *Ezek. 6,8.

¹³ Israel ſē̱nõ le̱ efeṅ nišaianii, ni ame̱maleṅ doṅṅ, ni asaṅ anaṅ šišinmo̱ lile̱i ye̱ ame̱dāṅ; edšake̱ ame̱aye nii ni ame̱abumo̱ ši, ni mokomoko woṅ ame̱he gbeyei.

¹⁴ *La nyã́ma lala, Zion biyō! Be̱ oše, Israel! Nyã́ ni omli aflio ke̱ otšui fẽ, Ierusalem biyō! *Zak. 9,9.

¹⁵ Iehowa edšie okodšomo̱i le̱ ke̱-te, eſie ohenye̱lo̱ le̱ ke̱-dše̱ ohe; Israel maṅ-tše̱ Iehowa le̱ ye̱ oteṅ: ošeṅ nõfõṅ ko gbeyei doṅṅ!

¹⁶ Nakai gbĩ le̱ no̱ le̱ aakē̱ Ierusalem akē̱: Kāše gbeyei! Zion, kāhã onidšiaṅ mīgbo̱dšo̱!

¹⁷ Iehowa, o-Nyoṅmo̱ le̱, ye̱ oteṅ, nū ekãlo̱ ní aanyẽ oyiwala ahere ni; *eenyã́ ohe ke̱ mīše̱, eefe diō ye̱ esuomo̱ le̱ mli, emli aaflile̱ ye̱ ohe ke̱ nyã́mo̱ lala. *Ies. 62,5.

¹⁸ Mei ni w̌ere̱ eho ame̱he ye̱ kpē le̱ hewo̱, ake̱-ní ame̱ke̱ kpē le̱ teṅ edšeke̱ le̱: mabua ame̱nā ke̱-akpe, mei ni ahorabō̱ kã ame̱no le̱, onii dšiame̱.

¹⁹ Na, mike̱ ohaolo̱i le̱ fẽ aaye ye̱ nakai be le̱ mli, ni mahere *mei ni tšo̱ö̱ le̱ ayiwala, ni mabua mei ní aſieame̱ le̱ anā, ni maṅõame̱ mafe yidšiemo̱ ke̱ gbe̱i ye̱ šikpõdši fẽ ni agbeame̱ be guo̱ ye̱ no̱ le̱ ano̱. *Mika 4,7.

²⁰ Nakai be le̱ mli le̱ maṅõnye ke̱-aba ekoṅ, ni nakai be le̱ mli le̱ mabua nyenã; edšake̱ maṅõnye mafe gbe̱i ke̱ yidšiemo̱ ye̱ sikpoṅ le̱ no̱ mãdšimãdši fẽ mli, beni *makpale nyenomṅō̃ le̱ ke̱-aba ekoṅ ye̱ nyehĩṅmeiiaṅ le, Iehowa kē̱. *Ier. 29,14. Zef. 2,7.