Zefania 2 - Ṅmãle̱ Kroṅkroṅ Le̱

¹ Nyebuaä nyehe nā ni nyesua nyehe, nye dšeṅmaṅ ni nyehĩe gboo!

² dãni akpo̱ le̱ afo̱, ni gbĩ le̱ aho tamo̱ tutū; dãni Iehowa mlifũ ni nā wa le̱ aba nyeno̱, dãni Iehowa mlifũ gbĩ le̱ aba nyeno̱!

³ Nyetaoa Iehowa se̱gbe̱, nye šikpoṅ le̱ no̱ hešibalo̱i fẽ ni nyeyeo̱ emla le̱ no̱ le̱! Nyetaoa dšale̱ se̱gbe̱, nyetaoa hešibā se̱gbe̱: ekole̱ aaṅõnye atẽ ye̱ Iehowa mlifũ gbĩ le̱ no̱!

⁴ Edšake̱ Gaza le̱, aašĩle̱ afõ ši, ni Aškelon aatšṍ amaṅfõ; Ašdod le̱, aaſiele̱ ſane fintĩṅṅ, ni Ekron hũ, aafãle̱ ke̱ ešiši.

⁵ Kpóo hã ṅšo̱nābii le̱, *Keretibii adšeṅmaṅ le̱! Iehowa wiemo̱ le̱ kã nyeno̱, Kanaan, †Filistibii ašikpoṅ le̱! makpãtã ohĩe, ni mokomoko ehĩṅ omli doṅṅ! *1 Sam. 30,14. †Ier. 47.

⁶ Ni ṅšo̱ le̱ nā niiaṅ aatšṍ koloi alḕ̱he ke̱ tōkwe̱lo̱i asesei ke̱ tōi atšũi.

⁷ Ni ṅšo̱ le̱ nā niiaṅ aatšṍ Iuda we le̱ mei ni eſe̱ le̱ anõ: dše̱i noṅṅ ame̱alē̱ ame̱koloi le̱ ye̱; gbe̱ke̱ le̱ ame̱abumo̱ ši ye̱ Aškelon šĩai le̱; edšake̱ Iehowa, ame̱-Nyoṅmo̱ le̱, aabasraame̱, ni eekpale *ame̱nomṅō̃ le̱ ke̱-aba ekoṅ! *3,20.

⁸ Minu *Moab ahorabō̱ ke̱ †Amonbii le̱ adše̱mo̱i ni ame̱ke̱-bo̱ mimaṅ le̱ ahora, ni ame̱ke̱-wó ame̱he no̱ ame̱ši ame̱kpokpai le̱. *Ier. 48. †Ies. 49,1.

⁹ Nohewo̱ le̱, gbĩĩabo̱ ní mihĩe kã ne̱, Iehowa Zebaot, Israel Nyoṅmo̱ le̱, kē̱, Moab aatšṍ tamo̱ *Sodom, ni Amonbii le̱ hũ aatamo̱ Gomora; sansrõi amā̃mo̱he ke̱ ṅõbui, ke̱ nāno̱ amaṅfõi: mimaṅ le̱ mli mei ni eſe̱ le̱ aahaame̱, ni mimaṅ le̱ mli mei ni eſe̱ le̱ aaṅõame̱ aye. *1 Mose 19,24.

¹⁰ Ene̱ ame̱aná ye̱ ame̱hewō le̱ hewo̱, edšake̱ ame̱bo̱ Iehowa Zebaot maṅ le̱ ohora, ni ame̱wó ame̱he no̱ ye̱ ame̱no̱.

¹¹ Iehowa he aaba gheyei ahãame̱, edšake̱ eekpãtã šikpoṅ le̱ no̱ nyoṅmo̱i le̱ fẽ hĩe, ni dšeṅmãdši le̱ ṅšo̱kpo̱i le̱ fẽ aadšále̱, mofẽmo ke̱-adše̱ egbe̱he.

¹² Nye *Kušbii hũ, nyeanyõnyõi ye̱ miklante nā! *Ezek. 30,9.

¹³ Ni eekpã enine mli ewo kōyigbe̱ le̱, ni eekpãtã Ašur hĩe, ni eefe Ninive amaṅfõ, ni eehã egbĩ keketẽ tamo̱ ṅãno̱, Nah. 1,1.

¹⁴ ni koloikui *aabumo̱ eteṅ, koloi sro̱toi fẽ; †kpokukpoku ke̱ koto̱ko̱ fẽ aabawo̱ ekulašĩṅi ayiteaṅkpo̱i le̱ ano̱; aanu lofõdši alala ye̱ samfe̱dši le̱ amli; gbogbo kukudši aadſere kpokui le̱ ano̱; edšake̱ adšie tšenedrui le̱. *Ies. 13,21. †Ies. 34,11.

¹⁵ Maṅ ní mli fliole̱, ní hĩo̱ ši ſeſēſe, ni kē̱o̱ ye̱ etšui mli ake̱: *Mi ni, ni mokomoko be̱ mise̱! le̱ ne̱: té tēṅ ni etšṍ amaṅfõ, koloi ašibumo̱he ne̱! mo-fēmo ni aabatšṍ he ke̱-ho le̱, eebo tšia, ni eefõ enine. *Ies. 47,8.