Yoshua 21 - Ṅmãle̱ Kroṅkroṅ Le̱

¹ Ke̱ke̱ ni Levibii le̱ atše̱mei awei le̱ ano̱ nukpai le̱ tši be̱ṅke̱ oso̱fo *Eleazar ke̱ Iošua, Nun bi le̱, ke̱ Israelbii le̱ akutšei ano̱ lume̱i le̱, *14,1.

² ni ame̱ke̱ame̱ bawie ye̱ Šilo ye̱ Kanaan šikpoṅ le̱ no̱ ake̱: *Iehowa tšṍ Mose no̱ ewo kitã ake̱ abawo mãdši ni wo̱hĩ mli, ke̱ ame̱he šikpõdši wo̱hā wo̱šĩa koloi. *4 Mose 35,2-8.

³ Ni Israelbii le̱ agbe̱fãṅnii le̱ amli mãdši ke̱ ame̱he šikpõdši ni ame̱ṅo-hã Levibii le̱ ye̱ Iehowa wiemo̱ le̱ nā ne̱:

⁴ Ni ošiki le̱ kpe̱ hã Kahatbii le̱ awekui le̱; ni oso̱fo Aaron bii le̱ ní dše̱ Levibii le̱ ateṅ le̱ ná mãdši nyoṅma ke̱ etẽ ye̱ ošikifõ nā ye̱ Iuda akutšo le̱ ke̱ Simeon akutšo le̱ ke̱ Benyamin akutšo le̱ mli.

⁵ Ni Kahatbii ní eſe̱ le̱ ná mãdši nyoṅma ye̱ ošikifõ nā ye̱ Efraim akutšo le̱ mli wekui le̱ ke̱ Dan akutšo le̱ ke̱ Manase akutšo fã le̱ mli.

⁶ Ni Geršonbii le̱ ná mãdši nyoṅma ke̱ etẽ ye̱ ošikifõ nā ye̱ Isakar akutšo le̱ mli wekui le̱ ke̱ Ašer akutšo le̱ ke̱ Naftali akutšo le̱ ke̱ Manase akutšo fã ní yo̱ Bašan le̱ mli.

⁷ Meraribii le̱ ná mãdši nyoṅma ke̱ enyo̱ ye̱ ame̱wekui le̱ anä ye̱ Ruben akutšo le̱ ke̱ Gad akutšo le̱ ke̱ Zebulon akutšo le̱ mli.

⁸ Ni Israelbii le̱ ṅõ ne̱ke̱ mãdši ne̱ ke̱ ame̱he šikpõdši le̱ ame̱hã Levibii le̱ ye̱ ošikifõ nā, take̱ bo̱ni Iehowa tšó Mose no̱ wo kitã le̱.

⁹ Ni mãdši ní ame̱ṅõ-hã ye̱ Iudabii le̱ akutšo le̱ mli ke̱ Simeonbii le̱ akutšo le̱ mli dši nii ni atšé̱ ame̱gbe̱i atã ne̱.

¹⁰ Ni ame̱tšṍmo̱ Aaronbii le̱ ní dše̱ Kahat wekui le̱ amli ye̱ Levibii le̱ ateṅ le̱ anii; edšake̱ ame̱nõ dši kleṅkleṅ ošiki le̱.

¹¹ Ni ame̱ṅõ Kiriat-Arba, ní dši Anak tše̱ le̱ maṅ le̱, ame̱hãame̱, no dši Hebron, ní yo̱ Iuda gõdši le̱ ano̱ le̱ ke̱ ehe šikpodši ní bo̱lele̱ le̱. 20,7.

¹² Ši maṅ le̱ he ṅmõdši le̱ ke̱ ehe akrowai le̱ ame̱ṅõ-hã Iefune bi *Kaleb ake̱ enõ. *14,14; 15,13.

¹³ Ši oso̱fo Aaron bii le̱ ame̱ṅõ Hebron maṅ le̱ dientše̱ ni dši gbomogbelo̱i abobāmaṅ le̱ ke̱ ehe šikpõdši le̱ ame̱hãame̱, ke̱ Libna ke̱ ehe šikpõdši le̱,

¹⁴ ke̱ Iatir ke̱ ehe šikpõdši le̱, ke̱ Eštemoa ke̱ ehe šikpõdši le̱,

¹⁵ ke̱ Holon ke̱ ehe šikpõdši le̱, ke̱ Debir ke̱ ehe šikpõdši le̱,

¹⁶ ke̱ Ain ke̱ ehe šikpõdši le̱, ke̱ Iuta ke̱ ehe šikpõdši le̱, ke̱ *Bet-Šemeš ke̱ ehe šikpõdši le̱: mãdši ne̱hũ ye̱ ne̱ke̱ akutšei enyo̱ ne̱ mli. *1 Sam. 6,12. 16.

¹⁷ Ni Benyamin akutšo le̱ mli le̱ ame̱ṅõ Gibeon ke̱ ehe šikpõdši le̱, ke̱ Geba ke̱ ehe šikpõdši le̱,

¹⁸ ke̱ *Anatot ke̱ ehe šikpõdši le̱, ke̱ Almon ke̱ ehe šikpõdši le̱, mãdši edſe̱ ne̱, ame̱hã. *Ier. 1,1.

¹⁹ Mãdši fẽ ní Aaronbii ní dši oso̱foi le̱ ná dši mãdši nyoṅma ke̱ etẽ ke̱ ame̱he šikpõdši.

²⁰ Ni Kahatbii le̱ awekui le̱ ni dši Levibii le̱, ame̱teṅ mei ní ſe̱ le̱ ná ame̱mãdši ye̱ ošikifõ nā ye̱ Efraim akutšo le̱ mli.

²¹ Ni ame̱ṅõ *Šekem ni dši gbomogbele̱i abobā-maṅ le̱ ke̱ ehe šikpõdši le̱ ye̱ Efraim gõdši le̱ ano̱, ke̱ Gezer ke̱ ehe šikpõdši le̱, *20,7.

²² ke̱ Kibzaim ke̱ ehe šikpõdši le̱, ke̱ Bet-Horon ke̱ ehe šikpõdši le̱, mãdši edſe̱ ne̱, ame̱hã.

²³ Ni Dan akutšo le̱ mli le̱: Elteke ke̱ ehe šikpõdši le̱, Gibeton ke̱ ehe šikpodši le̱,

²⁴ Ayalon ke̱ ehe šikpõdši le̱, ke̱ Gat-Rimon ke̱ ehe šikpõdši le̱: mãdši edſe̱.

²⁵ Ni Manase akutšo fã le̱ mli le̱: Taanak ke̱ ehe šikpõdši le̱, ke̱ Gat-Rimon ke̱ ehe šikpõdši le̱: mãdši enyo̱.

²⁶ Mãdši fẽ ni tšã́mo̱ Kahatbii ní ſe̱ le̱ awekui le̱ anii dši mãdši nyoṅma ke̱ ame̱he šikpõdši.

²⁷ Ni Geršonbii ní dše̱ Levibii le̱ awekui le̱ amli le̱ ná gbomogbelo̱i obobā-maṅ *Golan ni yo̱ Bašan le̱ ke̱ ehe šikpõdši le̱, ke̱ Beeštera ke̱ ehe šikpõdši le̱, ye̱ Manase akutšo fã le̱ mli: mãdši enyo̱. *20,8.

²⁸ Ni Isakar akutšo le̱ mli le̱ ame̱ná Kišion ke̱ ehe šikpõdši le̱, Daberat ke̱ ehe šikpõdši le̱,

²⁹ Iarmut ke̱ ehe šikpõdši le̱, ke̱ En-Ganim ke̱ ehe šikpõdši le̱: mãdši edſe̱.

³⁰ Ni Ašer akutšo le̱ mli le̱: Mišal ke̱ ehe šikpõdši le̱, Abdon ke̱ ehe šikpõdši le̱,

³¹ Helkat ke̱ ehe šikpõdši le̱, ke̱ Rehob ke̱ ehe šikpõdši le̱: mãdši edſe̱.

³² Ni Naftali akutšo le̱ mli le̱: gbomogbele̱i abobā-maṅ *Kedeš ní yo̱ Galilea le̱ ke̱ ebe šikpõdši le̱, ke̱ Hamot-Dor ke̱ ehe šikpõdši le̱, ke̱ Kartan ke̱ ehe šikpodši le̱: mãdši etẽ. *20,7.

³³ Geršonbii le̱ amãdši fẽ ní ame̱ná ye̱ ame̱wekui le̱ anā dši mãdši nyoṅma ke̱ etẽ ke̱ ame̱he šikpõdši.

³⁴ Ni Meraribii le̱ awekui le̱, ni dši Levibii ni eſe̱ le̱, ná ye̱ Zebulon akutšo le̱ mli: Iokneam ke̱ ehe šikpõdši le̱, Karta ke̱ ehe šikpõdši le̱,

³⁵ Dimna ke̱ ehe šikpõdši le̱, ke̱ Nahalal ke̱ ehe šikpõdši le̱: mädši edſe̱.

³⁶ Ni Ruben akutšo le̱ mli le̱: *Bezer ke̱ ehe šikpõdši le̱, Iahaz ke̱ ehe šikpõdši le̱. *20,8.

³⁷ Kedemot ke̱ ehe šikpõdši le̱, ke̱ Mefaat ke̱ ehe šikpõdši le̱: mãdši edſe̱.

³⁸ Ni Gad akutšo le̱ mli le̱: Gbomogbelo̱i abobā-maṅ *Ramot ni yo̱ Gilead le̱ ke̱ ehe šikpõdši le̱, Mahanaim ke̱ ehe šikpõdši le̱. *20,8.

³⁹ Hešbon ke̱ ehe šikpõdši le̱, ke̱ Iazer ke̱ ehe šikpõdši le̱: ſẽ dši mãdši edſe̱.

⁴⁰ Meraribii le̱ awekui sro̱toi le̱, ni dši Levibii le̱ awekui ní eſe̱ le̱, amãdši fẽ ni ame̱ní ye̱ ošikifō̃ nā dši mãdši nyoṅma ke̱ enyo̱.

⁴¹ Levibii le̱ amãdši fẽ ní ame̱ná ye̱ Israelbii le̱ agbe̱fãṅnii le̱ amli dši mãdši nyoṅmai-edſe̱ ke̱ kpānyo̱ ke̱ ame̱he šikpõdši.

⁴² Ne̱ke̱ mãdši ne̱ amli maṅ-fẽ-maṅ ye̱ ehe šikpõdši ní bo̱lele̱ ke̱-kpe; nakai mãdši ne̱ fẽ yo̱.

⁴³ Ni Iehowa ke̱ šikpoṅ le̱ fẽ ní *ekã he kitã ake̱ eeṅõ-hã ame̱tše̱mei le̱ hã Israel, ni ame̱ṅõ ni ame̱hĩ no̱. *1 Mose 12,7.

⁴⁴ Ni Iehowa hãame̱ hedšē̱mo̱ ke̱-kpe, take̱ bo̱ni ekã ame̱tše̱mei le̱ akitã le̱ pe̱pē̱pe̱; ni ame̱henye̱lo̱i le̱ ateṅ mokomoko nyẽẽ ame̱hĩe adamo̱; ame̱henye̱lo̱i le̱ fẽ le̱, Iehowa tuame̱ ewo ame̱deṅ.

⁴⁵ *Nibii kpakpai fẽ ní Iehowa wo Israel we le̱ ši ye̱ he le̱, emli ekomeflo ekaa ši; fẽ kwa ba mli. *23,14.