Yoel 4 - Ṅmãle̱ Kroṅkroṅ Le̱

¹ Ši na, nakai gbĩĩ le̱ amli ke̱ nakai be le̱ mli, beni makpale Iuda ke̱ Ierusalem nomṅō̃ le̱ ke̱-aba ekoṅ le̱, Hos. 6,11.

² mabna dšeṅmãdši le̱ fẽ nā, ni mike̱ame̱ aakpleke ši ke̱-aba *Iehošafat dšŏ̱ le̱ mli, ni mike̱ame̱ aakodšo ye̱ dše̱i ye̱ mimaṅ ke̱ migbe̱fāṅnõ Israel, ni ame̱gbe̱ ame̱ſā dšeṅmãdši le̱ amli, ni ame̱dša mišikpoṅ le̱ mli le̱ hewo̱; *K. 13. 14.

³ ši *ame̱fō mimaṅ le̱ no̱ ošiki, ni ame̱ke̱ gbekẽnū tšake adſamaṅ, ni ame̱hõ gbekẽyō ame̱he wein ame̱nu. *Nah. 3,10.

⁴ Ni asaṅ, meni nyetaoe̱ nyefemi, Tiro ke̱ Zidon ke̱ nye Filistia šikpõdši le̱ fẽ? Ani noni afenye le̱ eko nyebafemi nyeto nãdšiaṅ, alo nyebafemi noko? Amrõ noṅṅ mahã nyenifemo̱nii le̱ akũ se̱ abua nyeyiteṅ.

⁵ Edšake̱ nyeṅõ midſie̱te̱i ke̱ mišika le̱, ni minibii fe̱fe̱dši le̱ nyelõ ke̱-te nyedšámo̱wei le̱!

⁶ Ni Iudabii ke̱ Ierusalembii le̱, nyehõame̱ nyehã Helabii le̱, beni afe ni nyeke̱ame̱ adše̱ ame̱kpokpai le̱ ano̱ ke̱-ya šoṅṅ.

⁷ Na, mi le̱ matšĩe ame̱hĩe ni ame̱dše heni nyehõame̱ ke̱-te le̱, ni mahã nyenifemo̱nii le̱ akū se̱ abua nyeyiteṅ.

⁸ Ni mabõ nyebihĩĩ ke̱ nyebiyei le̱ mahã Iudabii le̱, ni ame̱ahõame̱ ame̱bã Šebabii ní dši maṅse̱ šoṅṅ bii le̱; edšake̱ Iehowa ewie!

⁹ Nyešie̱a ene̱ ye̱ dšeṅmãdši le̱ ateṅ: Nyefea ta kroṅkroṅ nyetoa! nyetšĩea hĩĩ kãkãloi le̱ ahĩe! nyehãa tabilo̱i le̱ flā atšia abe̱ṅke̱a, ame̱fã ke̱-ba!

¹⁰ Nyeke̱ nyekō̱ii asõa klantei, ni nyeke̱ nyededai asõa akplo̱i! gbomo ni yo̱ wudo̱wudo̱ tete akē̱ ake̱: Ekālo̱ dšimi! Ies. 2,4.

¹¹ Nyehe afea oyá ni nyebaä, nye dšeṅmãdši fẽ ni dſere ši ke̱-kpe le̱, nyebabuaä nyehe nā! Iehowa, hã okãkãlo̱i le̱ aba dše̱i!

¹² Dšeṅmãdši le̱ ate ši ni ame̱fã ke̱-ba *Iehošafat dšō̱ le̱ mli; edšake̱ dše̱i mibatá makodšo dšeṅmãdšimãdši fẽ ni dſere ši ke̱-kpe le̱. *K. 2.

¹³ *Nyeke̱ nikpamo̱-kakla awoa mli, edšake̱ nikpamo̱nii le̱ egbĩ; Nyebaä ni nyebanānāa no̱, edšake̱ †weintšõne le̱ eyi to̱, weinbui le̱ hũ mīho; edšake̱ ame̱-nõfõṅfemo̱ le̱ fà! *Kpods. 14,15. 18. †Ies. 63,3. 6.

¹⁴ Asafoi, asafoi ye̱ atẽṅbū dšō̱ le̱ mli; edšake̱ Iehowa gbĩ le̱ eše̱ ši etã, ye̱ atẽṅbü dšō̱ le̱ mli.

¹⁵ Hũlũ ke̱ nyoṅtšĕre ewo duṅ, ni ṅulamii efõ kpe̱mo̱. 2,10; 8,4.

¹⁶ Ni *Iehowa aahũ ke̱-adše̱ Zion, ni eewo egbẽ ke̱-adše̱ Ierusalem, ni ṅwei ke̱ šikpoṅ aahoso; ši Iehowa aatšṍ abobāhe ehã emaṅ le̱ ke̱ mõ ni wa hũ ehã Israelbii le̱. *Amos 1,2.

¹⁷ Ni *nyeaná nyele ake̱ midši Iehowa, nye-Nyoṅmo̱ le̱, mihlo̱ Zion, migoṅ kroṅkroṅ le̱, no̱, ni Ierusalem aatšṍ he-kroṅkroṅ, ni gbo̱i hũ tšṍṅ mli ke̱-hoṅ doṅṅ. *Ezek. 34,30.

¹⁸ Ni aaba mli ake̱ nakai gbĩ le̱ no̱ le̱ *gõdši le̱ amli aatšere wein do̱ko̱do̱ko̱, ni goṅkpo̱i le̱ amli aaho fufo̱, ni Iuda dšō̱i le̱ fẽ mli aaho nu, ni †nuhĩṅme̱i aadše̱ Iehowa we le̱ adše kpo, ni eeyahã Šitim dšō̱ le̱ nu. *Amos 9,18. †Ezek. 47,1. Zak. 14,8.

¹⁹ Mizraim aatšṍ amaṅfõ, ni Edom bũ aatšṍ ṅã kpatã ye̱ *yi ni awa Iuda bibĩĩ le̱ hewo̱, edšake̱ ame̱fo̱se lá ni efeko noko ame̱ſie ši ye̱ ame̱šikpoṅ le̱ no. Obad. 10.

²⁰ Ši Iuda aahĩ ši ke̱-ate nāno̱, ni Ierusalem hũ aahĩ ši ke̱-ate yino̱i ayino̱!

²¹ Ni mabu *ame̱lá ni mibukole̱ bem le̱ bem, edšake̱ †Iehowa hĩo̱ ši ye̱ Zion! *5 Mose 32,48. †Ezek. 48,35.