Yesaia 63 - Ṅmãle̱ Kroṅkroṅ Le̱

¹ Namo dši moni dše̱ Edom baä, moni dše̱ Bozra ní etadei tšuo̱ fā ne̱? namo ne̱ ni ewula kĩṅkā̃ ke̱ etade, ni etšĩaä ye̱ ehewale̱ kpeteṅkple le̱ mli ne̱? “Midši *moni wieo̱ ye̱ dšale̱ mli, ní yo̱ hewale̱ ní eke̱hereo̱ yiwala le̱!” *42,1. 3.

² Mẽba omama le̱ tšuo̱ ne̱ke̱, ni otadei le̱ tamo̱ moni nāa weinṅã̀nõ no̱ ne̱? Kpods. 19,13.

³ “Weinṅãnõ le̱, mikomelõ minã no̱, ni mãdšimãdši ano̱ bii le̱ eko fataa mihe; minānā ame̱no̱ ye̱ mimlifũ le̱ṅ, ni mišimo̱ ame̱no̱ hũ ye̱ mimlila le̱ṅ, ni ame̱mlinu le̱ etšẽṅe ewo mitadei le̱ amli, ni ewú mitade le̱ mli fẽ. Kpods. 14,20. Ioel 4,13.

⁴ Edšake̱ oweletō̱ gbĩ ko ye̱ mitšuiṅ, ni mikpõmo̱ afi le̱ eše̱. 13,9; 34,8; 61,2.

⁵ Ni mikwe̱ mihe, ši bualo̱ ko be̱, ni mĩnā kpe̱ mihe ake̱ moko be̱ ní mõo̱ mli: nohewo le̱ midientše̱ minine here miyiwala, ni mimlila le mõ mli hãmi; 59,16.

⁶ ni minānā mãdšimãdši ano̱ ye̱ mimlifũ le̱ṅ, ni mĩhā *ame̱tŏ̱ro̱ dā̃ ye̱ mimlila le̱ṅ, ni mifo̱se ame̱mlinu le̱ miſie šikpoṅ.” — *51,17.

⁷ Matšī Iehowa mlihĩle̱ le̱ ke̱ Iehowa yidšiemo̱ le̱ tã matšõ, ye̱ nibii fẽ ni Iehowa efe ehãwo̱ le̱ ke̱ edšŭrõ pī ní efe Israel we le̱ ye̱ emũsũṅtšõle̱ ke̱ emlihĩle̱ ni fá le̱ nā le̱ hewo̱.

⁸ Edšake̱ ekē̱ ake̱: Mimaṅ dšiame̱, ke̱ *bii ni pasaṅ! ni etšṍ ame̱yiwalaherelo̱. *5 Mose 32,5. 20.

⁹ Ame̱haomo̱i le̱ fẽ mli le̱, le̱ hũ ehao; ni ehĩe *bo̱fo le̱ here ame̱yiwala: ekpõame̱ ye̱ esuomo̱ ke̱ emo̱bo̱nale̱ hewo̱, ni eholeame̱ ni ehĩeame̱ ye̱ blemagbĩĩ le̱ fẽ mli. *2 Mose 33,14. 15.

¹⁰ Ši ame̱ le̱, ame̱tše atũa, ni amefe Emumo̱ kroṅkroṅ le̱ nidō̱nĩi, hewo̱ le̱ etšṍ ame̱henye̱lo̱, ni le̱dientše̱ eke̱ame̱ wu.

¹¹ Ke̱ke̱ ni emaṅ le̱ kai Mose blema gbĩĩ le̱, ni ame̱kē̱: Nẽgbe̱ moni *dšieame̱ ke̱-dše̱ ṅšo̱ le̱ṅ ke̱ etōiku le̱ kwe̱lo̱ le̱ yo̱? Nẽgbe̱ moni ke̱ Emumo̱ kroṅkroṅ le̱ to ame̱teṅ le̱ yo̱? *1 Mose 14,30.

¹² moni hã enumnyam nine le̱ nyie Mose ninedšŭrõ no̱ le̱? moni gba nui le̱ amli ye̱ ame̱hĩe ni eke̱-ná nāno̱ gbe̱i ehã ehe le̱?

¹³ moni kplaame̱ ke̱-tšṍ bui ní mli kwŏ̱lo̱ le̱ amli tamo̱ okpo̱ṅo̱ ye̱ ṅãno̱, ní ame̱tĕ̱re̱e̱ le̱?

¹⁴ Iehowa Mumo̱ le̱ hã ame̱dšō̱ amehe, tamo̱ koloi ní kplekeo ši ke̱-yaä dšō̱ mli: nakai okpla omaṅ le̱, ni oke̱-ná anumnyam gbe̱i ohã ohe!

¹⁵ Mã oyi ši ke̱-dše̱ ṅwei ni odše̱ ohekroṅkroṅ ke̱ onumnyam šihĩle̱he le̱ okwe̱! Nẽgbe̱ ohĩedō̱ ke̱ ohewale̱ nitšumo̱i le̱ yo̱? otšuiṅšãle̱ ke̱ omũsũṅtšõle̱ babaō le̱, atšĩ nā ke̱-dše̱ mihe.

¹⁶ Edšake̱ bo kẽ dši wo̱tše̱: ši Abraham leewo̱, ni Israel hũ yoowo̱; bo, Iehowa, bo noṅṅ *dši wo̱-tše̱, wo̱kpõlo̱ dši ogbe̱i ke̱-dše̱ blema bēbe. *5 Mose 32,6.

¹⁷ Iehowa, mẽba ohãa wo̱dũo̱ gbe̱ ke̱-dše̱o̱ ogbè̱i le̱ ano̱, ni owadšeo̱ wo̱tšui ní wo̱kašeo gbeyei le̱? Otšũdši le̱ ke̱ ono̱yelinõ le̱ akutšei le̱ ahewo̱ le̱, kũ ose̱!

¹⁸ Be fiō ke̱ke̱ omaṅ kroṅkroṅ le̱ ye no̱; — wo̱henye̱lo̱i le̱ enānā ohekroṅkroṅ le̱ no̱. Lal. 79,1.

¹⁹ Wo̱tšṍme̱ tamo̱ mei ní oyeko ame̱no̱ pẽṅ, ke̱ mei ni ake̱ ogbe̱i tšé̱koame̱!