Yesaia 6 - Ṅmãle̱ Kroṅkroṅ Le̱

¹ Afi no̱ ni maṅtše̱ Uzia gbo le̱, mina Nuṅtšo̱ le̱ ni etá maṅtše̱sẽi ní kwo̱ godšō ko no̱, ni etade nāmūi le̱ eyi so̱lemo̱we le̱ obõ. Ioh 12,41.

² Serafim damo̱ ehewo̱, ame̱teṅ mofẽmo ye̱ fĩdši ekpa ekpa; eke̱ enyo̱ haä ehĩe, ni eke̱ enyo̱ haã enãdši ahe, ni eke̱ enyo̱ hũ flikio̱.

³ Ni mone̱ *boo̱ kē̱o̱ mone̱ ake̱: Kroṅkroṅ, kroṅkroṅ, kroṅkroṅ dši Iehowa Zebaot le̱; †šikpoṅ mū le̱ fẽ eyi obõ ke̱ enumnyam le̱! *Kpods. 4,8. †Hab. 3,8.

⁴ Ni šĩnāi le̱ ašišii hoso ye̱ moni boo̱ le̱ gbē le̱ hewo̱, ni tšũ le̱ *yi to̱ ke̱ lasũ. *Ezek. 10,4. Kpods. 15,8.

⁵ Ke̱ke̱ ni mikē̱: Kpóo hãmi! ši milādše; edšake̱ gbomo ní nābu he tšee dšimi, ni maṅ ní ame̱nābui ahe tšee teṅ miyo; edšake̱ mihĩṅme̱ii ena maṅtše̱ le̱ ní dši Iehowa Zebaot le̱! 2 Mose 33,20.

⁶ Ke̱ke̱ ni serafim le̱ ateṅ mokome ní hĩe ṅãi ni tšoo̱ ní eke̱ abē̱le yako̱ ye̱ afo̱lešãlate̱ le̱ no̱ ye̱ edeṅ fliki ke̱-ba miṅõ;

⁷ ni eṅõ-sa minābu ni ekē̱: Na, ní ene̱ esa onābu ne̱, *adšie onõša le̱, ni atšumo̱ ohe eša le̱! *Zak. 3,4.

⁸ Ni minu Nuṅtšo̱ le̱ gbē ní ekē̱: Namo matšũ? ni namo aate ahãwo̱? Ni mikē̱: Nami, tšũmi!

⁹ Ni ekē̱: Ya ni oyakē̱ maṅ ne̱ ake̱: Nyenua, ši nyekanaã šiši, ni nyenaä, ši nyekayoa se̱! Mat. 18,11-15. Ioh. 12,40. Bo̱f 22,36. 37.

¹⁰ Hã ne̱ke̱ maṅ ne̱ tšui akplim, ni ohã ame̱toii awa, ni oſila ame̱hĩṅme̱ii, koni ame̱kana ke̱ ame̱hĩṅme̱ii, ni ame̱kanu ke̱ ame̱toii, ni ame̱tšui hũ akana šiši ni ame̱kakpale, ni atsáame̱! 5 Mose 29,3.

¹¹ Ni mikē̱: Nuṅtšo̱, ke̱-yaši mẽ beyino? Ni ekē̱: Ke̱-yaši beyino ní mãdši le̱ aatšṍmo̱ amaṅfõ, ní mokomoko be̱ mli, ni šĩai le̱ hũ mokomoko be̱ mli, ni šikpoṅ le̱ aatšṍ amaṅfõ kwrā,

¹² ni Iehowa aakpla mei le̱ ke̱-ate šoṅṅ, ní hei pī aakãmo̱ efodṍi ye̱ šikpoṅ le̱ no̱!

¹³ Ši ké̱ ſe̱ emlidšāi nyoṅma mli ekome ye̱ no̱ tete le̱, aakũ se̱ akpãtã ame̱hĩe; tamo̱ tšo kple ko lo odum ko ni atō agbē ši ní eſe̱ ekuku; seši *kroṅkroṅ dši ekuku le̱, *4,8.