Yesaia 38 - Ṅmãle̱ Kroṅkroṅ Le̱

¹ Nakai gbĩĩ le̱ amli le̱ Hezekia he mīye ní ebagbo. Ni gbalo̱ Iesaia, Amoz bi le̱, ba eṅõ ni ebakē̱le̱ ake̱: Boni Iehowa kē̱ ne̱: Te owe le̱ gbe̱dšiano̱, edšake̱ obagbo ni oyi náṅ wala!

² Ke̱ke̱ ni Hezekia tšṍ ehĩe ehã gbogbo, ni ekpa Iehowa fai,

³ ni ekē̱: Ō Iehowa, mīkpao fai, kaimo̱ bo̱ni minyie ye̱ ohĩe ye̱ ano̱kwale ke̱ *tšui ní eye emū mli, ní mife noni hĩ ye̱ ohĩe le̱! Ni Hezekia fó babaō dientše̱. *2 Maṅ. 18,3-6.

⁴ Ke̱ke̱ ni Iehowa wiemo̱ ba Iesaia ṅõ ake̱:

⁵ Ya ni oyakē̱ Hezekia ake̱: Bo̱ni Iehowa, otše̱ David Nyoṅmo̱ le̱, kē̱ ne̱: Minu ofaikpamo̱ le̱, ni mina oyāfónui le̱; na, maṅõ afii nyoṅma ke̱ enumo̱ mafata ogbĩĩ le̱ ahe;

⁶ ni asaṅ mahere bo ke̱ ne̱ke̱ maṅ ne̱ yiwala ke̱-adše̱ Ašur maṅtše̱ le̱ deṅ, ni mabu ne̱ke̱ maṅ ne̱ he.

⁷ Ni ene̱ aafe okadi ní dše̱ Iehowa deṅ ahão ake̱ Iehowa bafe nii ní ekē̱ le̱:

⁸ Na, mahã hũlũ ṅmle̱ le̱ no̱ susuma, ní hũlũ ehã enyie ye̱ Ahaz hũlũ ṅmle̱ le̱ no̱ le̱, akũ ese̱ mlidšãi nyoṅma. Ni hũlũ kũ ese̱ mlidšāi nyoṅma ni enyie momo le̱ ye̱ hũlũ ṅmle̱ le̱ no̱.

⁹ Iuda maṅtše̱ Hezekia nii ní eṅmã, beni ehe ye ni ehe wale̱ ke̱-dše̱ ehela le̱ṅ le̱, ne̱:

¹⁰ Mi le̱ mikē̱ ake̱: Migbĩĩ le̱ ateṅ tū̃ntũ le̱ mate gbohĩĩadše agbói le̱ anã, āšõ mifii ní eſe̱ le̱ ye̱ mideṅ.

¹¹ Mikē̱: Minaṅ Iehowa doṅṅ, minaṅ Iehowa ye̱ *hĩekãlo̱i ašikpoṅ le̱ no̱; mikwe̱ṅ gbomei hũ doṅṅ ye̱ mei ní yo̱ yaka dše le̱ṅ le̱ ateṅ. *Lal. 27,13.

¹² Akpa mibū le̱ ni awó ke̱-dše mihe ke̱-te tamo̱ tōkwe̱lo̱ bū ko; mikota miwala tamo̱ mamalòlo̱ feo̱ le̱; ētšemi ke̱-dše̱ kpã le̱ nā: ōgbe nā ohãmi gbĩ kome dsenamo̱! Hiob 7,6.

¹³ Mimla mihĩe ke̱-yaši dšetše̱remo̱; ekũmo̱ miwui fẽ *tamo̱ dšata; ōgbe nā ohãmi gbĩ kome dšenamo̱! *Hiob 10,16.

¹⁴ Midõmo̱ ntšo̱i tamo̱ nyoṅmo̱bite̱te lo kpokukpoku, miye ṅko̱mo̱ tamo̱ okpo; mihĩṅme̱ii šiu ke̱ ṅwei so̱ṅṅ ni mikwe̱o̱ ake̱: Iehowa! efĩmi, damo̱ mli ohãmi!

¹⁵ Té makē̱ tēṅ? Ewomi ši, ni efe hũ! Miwala afii le̱ fẽ mli le̱ manyie so̱kē ye̱ misusuma aw̌ere̱hō le̱ hewo̱.

¹⁶ Nuṅtšo̱, ene̱mei ano̱ mei tšṍo̱ ni ame̱yi náa wala, ni ene̱mei fẽ mli mimumo̱ wala yo̱; edšake̱ otšámi, ni ohã miyi ená wala!

¹⁷ Na, mihedso̱le̱-námo̱ hewo̱ mina dšōmo̱ babaō! ši suomo̱ ní osumoo̱ misusuma hewo̱ le̱, odšiele̱ ke̱-dše̱ fitemo̱ bu le̱ mli; edšake̱ *oše̱re̱ mihe ešai le fẽ oſie ose̱! *Lal. 32,1. 2. Mika 7,18. 19.

¹⁸ Edšake̱ gbohĩĩadše edšieṅ oyi, ni gbĕle hũ kafoṅ bo; mei hũ ní kplekeo̱ ši ke̱-yaä bu le̱ mli le̱ ame̱ṅõṅ ame̱hĩe ame̱fōṅ ono̱kwale le̱ no̱; Lal. 6,6.

¹⁹ hĩekãlo̱, hĩekãlo̱ moṅ dšieo̱ oyi, tamo̱ bo̱ni mifeo̱ ṅme̱ne̱ ne̱; tše̱ hãa bii leo̱ ono̱kwale le̱.

²⁰ Iehowa here miyiwala, nohewo̱ le̱ wo̱wala gbĩĩ fẽ mli le̱ wo̱ke̱ saṅkũ aala milalai le̱ ye̱ Iehowa we le̱!

²¹ Ši Iesaia ekē̱ ake̱ aṅō agbãmi-tatale ko ato asãne le̱ no̱, ni ehe aawale̱.

²² Ni Hezekia hũ kē̱: Mẽ dši okadi ake̱ mate Iehowa we le̱?