Yesaia 36 - Ṅmãle̱ Kroṅkroṅ Le̱

¹ Ni eba mli ake̱ maṅtše̱ Hezekia yino̱ afi ní dši nyoṅma ke̱ edſe̱ le̱ no̱ le̱, Sanherib, Ašur maṅtše̱ le̱, fã batua Iuda mãdši ní atſa gbogboi awo he le̱ fẽ ni eṅõame̱.

² Ni Ašur maṅtše̱ le̱ tšũ Rabšake ke̱-dše̱ Lakiš ke̱-ba Ierusalem ye̱ maṅtše̱ Hezekia ṅõ ke̱ ta babaō; ni ebadamo̱ ṅweigbe̱ kpākpo le̱ nudšō̱ le̱ mase̱i, ye̱ niiahefo̱lo̱i abō̱ le̱ tempõṅ le̱ no̱.

³ Ni Hilkia bi *Eliakim ni kwe̱o̱ maṅtše̱ šīa le̱, ke̱ Šebna, woloṅmãlo̱ le̱, ke̱ Ioa, Asaf bi ni dši sãdšiaṅmãlo̱ le̱, dše kpo te eṅõ. *22,20.

⁴ Ni Rabšake kē̱ame̱ ake̱: Agbe̱ne̱ nyeyakē̱a Hezekia ake̱: Bo̱ni *maṅtše̱ kpeteṅkple le̱ ni dši Ašur maṅtše̱ le̱ kē̱ ne̱: Meni no̱ po ohĩe kã ne̱? *K. 13.

⁵ Mĩkē̱ ake̱: Otawū he ṅāwō ke̱ hewale̱ le̱, nābu flo wiemo̱ ni! Agbe̱ne̱ namo no̱ po ohĩe kã, hewo̱ ni otše mihīe atũa ne̱?

⁶ Na, ohĩe kã ne̱ke̱ gălã ní amla ní dši Mizraim ne̱ no̱, noni ke̱dši moko kpasa ní egbuo̱ edẽ ke̱-dšeo̱ kpo le̱. Nakai Farao, Mizraim maṅtše̱ le̱, feo̱ mei fẽ ní ṅõo̱ ame̱hĩe ame̱fõo̱ eno̱ le̱.

⁷ Ši ke̱dši ookē̱mi ake̱: Iehowa, wo̱-Nyoṅmo̱ le̱, no̱ moṅ wo̱hĩe kã le̱! ani dšee le̱ ehei groṅṅi ke̱ efo̱lešãlate̱i Hezekia dšie ni ekē̱ Iuda ke̱ Ierusalem ake̱: Ne̱ke̱ afo̱lešãlate̱ ne̱ hĩe nyedšáa ye̱! le̱?

⁸ Nohewo̱ le̱ agbe̱ne̱ oke̱ minuṅtšo̱, Ašur maṅtše̱ le̱, ata abasa ko, ni madšie okpo̱ṅo̱i akpei-enyo̱ mahão, ake̱ ooná bodientše̱ omei otrá ame̱no̱ lo?

⁹ Ni té oofe tẽṅ ni oonyẽ ohã minuṅtšo̱ tšũdšĩ bibii le̱ ateṅ asafoiatše̱ kome etšṍ ese̱ ahão hũ? Ni ohĩe kã Mizraim no̱ ye̱ ſīlii ke̱ okpo̱ṅo̱iatše̱mei ahewe̱, be̱?

¹⁰ Ši ani Iehowa se̱ midše mifã mibatua šikpoṅ ne̱, ni mibakpãtã ehĩe ne̱? Iehowa moṅ kē̱mi ake̱: Fã ni oyatua šikpoṅ le̱ ni okpãtã ehĩe!

¹¹ Ke̱ke̱ ni Eliakim ke̱ šebna ke̱ Ioa kē̱ Rabšake ake̱: Ofai ne̱, oke̱ otšũdši awie Aram wiemo̱, edšake̱ wo̱nuo̱; ši oke̱wo̱ akawie Iuda wiemo̱ ye̱ maṅ ní dſere gbogbo le̱ no̱ le̱ atoiiaṅ.

¹² Ši Rabšake kē̱: Ani onuṅtšo̱ ṅõ alo bo oṅõ minuṅtšo̱ tšūmi ake̱ mibawie ne̱-ke̱ wiemo̱i ne̱? ani dšee hũ le̱ ní trá gbogbo le̱ no̱ le̱ aṅõ etšũmi, koni ame̱kenye aye ame̱dientše̱ ame̱wamo̱ ni ame̱nu ame̱dientše̱ ame̱šãmo̱?

¹³ Ke̱ke̱ ni Rabšake ho damo̱ ši ni ebo ke̱ gbē wāle̱ ye̱ Iuda wiemo̱ le̱ mli ni ekē̱: Nyeboa *maṅtše̱ kpeteṅkple le̱ ni dši Ašur maṅtše̱ le̱ gbẽ toi! *K. 4.

¹⁴ Bo̱ni maṅtše̱ le̱ kē̱ ne̱: Nyekahãa Hezekia mīlakaänye; edšake̱ enyẽṅnye edšie.

¹⁵ Ni asaṅ nyekahãa Hezekia mīhã nyeke̱ nyehĩe mīfõ Iehowa no̱ ake̱: Iehowa bahere wo̱yiwala kẽ, ni atuṅ maṅ ne̱ awoṅ Ašur maṅtše̱ le̱ deṅ!

¹⁶ Nyekaboa Hezekia toi! Edšake̱ bo̱ni Ašur maṅtše̱ le̱ kē̱ ne̱: Nyeke̱mi aba-kpãtãa ni nyedšea kpo nyebaä miṅõ, koni nyeteṅ *mofẽmo aye eweintšo ke̱ egbãmitšo yibii, ni nyeteṅ mofẽmo anu enubu mli nu, *1 Maṅ. 5,5. Mika 4,4.

¹⁷ ke̱-yaši beyino̱ ní maba ni mabalōnye ke̱-ya šikpoṅ ní tamo̱ nyedientše̱ nyešikpoṅ le̱ no̱, able ke̱ wein šikpoṅ, abolo ke̱ weintromi ašikpoṅ ni.

¹⁸ Nyekahãa Hezekia mīlakaãnye ake̱: Iehowa bahere wo̱yiwala! Ani *dšeṅmãdši le̱ anyoṅmo̱i le̱ eko ehere ešikpoṅ yiwala ke̱-dše̱ Ašur maṅtše le̱ deṅ pẽṅ? *10,10; 37,12.

¹⁹ Nẽgbe̱ Hamat ke̱ Arpad nyoṅmo̱i le̱ yo̱? Nẽgbe̱ Sefarvaim nyoṅmo̱i le̱ yo̱? ani ame̱here Samaria yiwala ke̱-dše̱ mideṅ?

²⁰ Ne̱ke̱ šikpõdši ne̱ anyoṅmo̱i le̱ fẽ ateṅ namei ehere ame̱šikpoṅ yiwala ke̱-dše̱ mideṅ, hewo̱ ni Iehowa le̱, le̱ le̱ eehere Ierusalem yiwala ke̱-adše̱ mideṅ le̱?

²¹ Ši ame̱tſaa ame̱sẽṅ ni ame̱foo edāṅ; edšake̱ maṅtše̱ le̱ kitã dši ake̱: Nyekafoa edāṅ!

²² Ke̱ke̱ ni Eliakim, Hilkia bi le̱, ni kwe̱o̱ maṅtše̱ šīa le̱, ke̱ Šebna, woloṅmãlo̱ le̱, ke̱ Ioa, Asaf bi le̱, ní dši sãdšiaṅmãlo̱ le̱, ba Hezekia ṅõ ke̱ ametadei ní ame̱gbla, ni ame̱bagbale̱ Rabšake wiemo̱i le̱.