Yesaia 3 - Ṅmãle̱ Kroṅkroṅ Le̱

¹ Ši na, Nuṅtšo̱, Iehowa Zebaot aafãmo̱ *se̱tšo ke̱ waomo̱tšo ke̱-adse̱ Ierusalem ke̱ Iuda, abolo-tšo-fẽ-abolo-tšo ke̱ nu-tšo-fẽ-nu-tšo, *3 Mose 26,26. Ezek. 4,16.

² ekãlo̱ ke̱ tabilo̱, kodsolo̱ ke̱ gbalo̱, ke̱ okõmfo ke̱ onukpa fẽ,

³ mei nyonmai-enumo̱ no̱ asafoiatše̱ ke̱ gbomo ní hĩe yo̱ nyam ke̱ adšinafonyo ke̱ ṅālo̱ ní le ṅā dšogbāṅ, ke̱ nkũnyāyelo̱ ní he esa fẽ.

⁴ Ni mahã gbekẽbii aye ame̱no̱ lume̱i, ni abifabii aaye ame̱no̱. Dsads. 10,15.

⁵ Ni maṅ le̱ aawawā amehe yi, ni mofẽmo aawa enanyo yi: gbekẽ aawo ehe ahã onukpa, ni moni abuule̱ aawo ehe ahã moni hĩe yo̱ nyam.

⁶ Kē̱ moko mõ enyemi ní dše̱ etše̱ we ake: Oye̱ atade, baye wo̱no̱ lumo̱, ni ne̱ke maṅ ni edſa ne̱ ahĩ odeṅ! le̱,

⁷ eewó egbē no̱ ye̱ nakai gbĩ le̱ no̱ ake̱: Dšee tšálo̱ dšimi, ni miwe le̱, abolo be̱ dše̱i, atade hũ be̱ dše̱i, nyekawoami maṅ le̱ no̱ lumo̱!

⁸ Ši Ierusalem edſa, ni Iuda hũ ebutu, edšake̱ ame̱ke̱ ame̱lile̱i ke̱ ame̱nifemo̱nii ete ši ewo Iehowa, koni ame̱tše enumnyam hĩṅme̱ii le̱ ahĩe atũa.

⁹ Ame̱hĩe su yeo̱ odase šio̱ame̱, ni ame̱gbaä amehe ešai hũ tamo Sodom, ame̱ke̱-tēē. Kpóo hã ame̱susuma! edšake̱ *amefe ame̱dientše̱ amehe efõṅ. *Hos. 13,9.

¹⁰ Nyekē̱a dšalo̱i le̱ ake̱ aahĩ ahãame̱, edšake̱ ame̱aye ame̱nifemo̱nii le̱ amli yibii. 32,17.

¹¹ Kpóo hã efõṅfelo̱ le̱! ehĩṅ hãṅle̱; edšake̱ eninenā nitšũmo̱ le̱ noṅṅ he nyõmo̱ abawole̱.

¹² Mimaṅ le̱ yiwalo̱i le̱, gbekẽbii ni, ni yei miyeo̱ eno̱! Mimaṅ! ogbe̱tšōlo̱i le̱ hãa odũo̱ gbe ni ame̱fiteo̱ gbe̱ ní onyie no̱ le̱.

¹³ Iehowa ete ši ebaye sane, edamo̱ ši ebakodšo mãdšimãdši le̱.

¹⁴ Iehowa miba eke̱ emã le̱ṅ onukpai ke̱ lume̱i le̱ abakodšo: Ši nye le̱ nyeye weintrom le̱ mli nii; ohĩafoi anii ni ašõ ye̱ nyewe le̱.

¹⁵ Té nyedſẽṅo̱ tẽṅ ni nyemĩaä mimaṅ le̱, ni nyeke̱ ohĩafoi ahĩe ſiſiaä ši ne̱? Boni Nuṅtšo̱, Iehowa Zebaot, kē̱ ne̱.

¹⁶ Ni Iehowa sā kē̱ ake̱: Edšake̱ Zion biyei le̱ woo̱ amehe, ni ame̱nyieo̱ ke̱ kue̱ kūmo̱ ke̱ ahoſïbō̱ hĩṅme̱ii, ni kē̱ amenyie le̱, tšĩamo̱ ame̱tšĩaä ni ame̱hãa ame̱nane-sigai le̱ gbē̱o̱, Abe̱i 31,30. 1 Tim. 2,9.

¹⁷ nohewo le̱ Nuṅtšo̱ le̱ aabá Zion biyei le̱ ayiteaṅ aſie gbẽi, ni Iehowa aaba ame̱yayaiaṅ adše kpo.

¹⁸ Nakai gbĩ le̱ no̱ le̱ Nuṅtšo̱ le̱ aadšie ame̱nanešigai ní ame̱ke̱-wulaä ame̱he le̱, ke̱ ntãṅi ke̱ nyoṅtšēre-fãfãi le̱,

¹⁹ toiiaṅnii ke̱ ninešinii ke̱ hĩehãnii le̱,

²⁰ yitšofĩnii fe̱fe̱dši ke̱ naneši-kõsõṅkõsõi ke̱ mlifĩnii ke̱ tšofã-ke̱-ṅma to̱i ke̱ se̱be̱i le̱,

²¹ ninešigai ke̱ gugõṅgai le̱,

²² wulamo̱ atadei ke̱ atadei wuyawuyāi ke̱ mamai ke̱ kotokui le̱,

²³ aſiſe̱i ke̱ se̱kii ke̱ dukui ní aṅōfĩo̱ yitšo ke̱ no̱hānii le̱.

²⁴ Ni aaba mli ake̱ fũdšē aabaye tšofã-ke̱-ṅma nãdšiaṅ, ni tãnkpē aabaye mlifĩnii nãdšiaṅ, ni yikpatā aabaye yi ní aho nãdšiaṅ, ni kpekpe aabaye atade wuyā nãdšiaṅ, ni lafladoku aabaye hefe̱o nãdšiaṅ.

²⁵ Ohĩĩ le̱ aanyõnyõi ye̱ klante nā, ni okãkãlo̱i le̱ hũ aanyõ ye̱ ta mli.

²⁶ Ni egbói le̱ aaye ṅko̱mo̱ ni ame̱-afe yāra, ni le̱dientše̱ le̱, eeſe̱le̱ eflo ni eeſata šikpon.