Yesaia 21 - Ṅmãle̱ Kroṅkroṅ Le̱

¹ Ṅšo̱nā ṅã le̱ kodšomo̱ he gbale̱: Bo̱ni wuoyigbe̱ ahum tſaä hā le̱, nakai ebadše̱ ṅã le̱ no̱ ke̱ šikpoṅ ko ní he yo̱ gbeyei no̱ ke̱-ba. Y. 13; 14.

² Adšie ninā ko ní mli wa atšõmi: Halo̱ le̱ mīha nii, fitelo̱ le̱ mīfite nii. Elam, ba! Media, babo̱ nsra owo ehe! Mahã ame̱kē̃mo̱ fẽ se̱ afo.

³ Nohewo̱ le̱ mihe̱ mli eyi obõ ke̱ pĩmo̱; kō̃mo̱ eta mihe tamo̱ yō ní bafo̱ kō̃mo̱; mišõ kwekwēkwe, hewo̱ le̱ minuu nii; midšidšã, hewo̱ le̱ minaa nii.

⁴ Mitšui mītſa kplakpla, ṅmiṅmi emõ-mi; hĩebule̱ ní mifeo le̱ etšṍ hekpokpomo̱ ehãmi.

⁵ Ame̱ṅmẽ okplõ, ame̱to bulo̱i, ame̱-mīye nii, ame̱mīnu dā̃i. Nye lume̱i, nyetea ši, nyefo̱a tše̱ṅ le̱ mũ!

⁶ Edšake̱ bo̱ni Nuṅtšo̱ le̱ kē̱mi ne̱: Ya ní oyato bulo̱: noni enaä le̱, hã edšadše!

⁷ Ni ena ſīlii, okpo̱ṅo̱iatše̱mei enyo̱nyo̱, ſīlii ke̱ tedšii, ke̱ ſīlii ke̱ yomai; ni eka etoi, ebo toi dšogbāṅ.

⁸ Ni ebo tamo̱ dšata ake̱: Nuṅtšo̱, dšenamo̱ ne̱ fẽ le̱ *midamo̱ būhe le̱, ni nyōṅnyōṅ fẽ le̱ midamo̱ mibū no̱. *Hab. 2,1.

⁹ Ni na, ſīli ke̱ gbomei ke̱ okpo̱ṅo̱iatše̱mei enyo̱nyo̱ mība! Ni *ehere no̱ ekē̱: Egbē ši ēéi! Babel egbē ši! Ni enyoṅmo̱i le̱ amãgãi le̱ fe akũmo̱ aſie ši! *Kpods. 18,2.

¹⁰ Minii ní agbē, miṅmā̃gbēmo̱he le̱ bi! Noni minu ke̱-dše̱ Iehowa Zebaot ni dši Israel Nyoṅmo̱ le̱ nā le̱, no noṅṅ midšadšeo̱ mitšṍo̱nye ne̱.

¹¹ *Duma kodšomo̱ he gbale̱: Abo atšé̱mi ke̱-dše̱ †Seir ake̱: Bulo̱, nyōṅ mi be ne̱? Bulo̱, nyōṅ mẽ be ne̱? *Ier. 49,7. †5 Mose 2,5.

¹² Bulo̱ le̱ kē̱: Dše mītše̱re, ši dše hũ mīna, ké̱ nyeabi le̱, nyebia! nyekũa nyese̱, ni nyebaä!

¹³ Arabia kodšomo̱ he gbale̱: Nye Dedanim gbe̱nyielo̱i asafoi, nyewo̱a Arabia kō le̱ṅ!

¹⁴ Nye Tema šikpoṅ le̱ no̱ bii, nyeke̱ nu ayakpea mei ní kũmai yeo̱ame̱ le̱! Nyeke̱ abolo hũ ayakpea foidšelo̱i le̱!

¹⁵ Edšake̱ klante nā foi ame̱dšoo̱, klante ní agbla ke̱ gãi ní ado̱ ke̱ ta ní mli wa.

¹⁶ Ši bo̱ni Nuṅtšo̱ le̱ kē̱mi ne̱: Bie̱ afi ni tamo̱ *apāfonyo afi le̱ Kedar anumnyam le̱ aatã kwrā, *16,14.

¹⁷ ni Kedarbii le̱ ateṅ gãitšẽlo̱i ekãloi ní aaſe̱ le̱ ayi fáṅ; edšake̱ Iehowa, Israel Nyoṅmo̱ le̱, ekē̱.