Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Yesaia 20 - Ṅmãle̱ Kroṅkroṅ Le̱

1 Afi ní Ašur maṅtše̱ Sargon tšũ *Tartan ke̱-ba ní eke Ašdod bawu ni eṅõle̱ le̱; *2 Maṅ. 18,17.

2 no be le̱ mli noṅṅ Iehowa tšṍ Amoz bi Iesaia no̱ ekē̱: Ya ní oyadšie kpekpe le̱ ye̱ ohe̱ ni odšie otokotai le̱ hũ ye̱ onane. Ni efe nakai ni enyie ehe yayai ke̱ enane flo. Ezek 34,24.

3 Ni Iehowa kē̱: Bo̱ni mitšũlo̱ Iesaia nyie ehe yayai ke̱ enane flo afii etẽ ni etšṍ okadi ke̱ nākpe̱nõ ehã Mizraim be̱ Kuš le̱:

4 nakai noṅṅ Ašur maṅtše̱ le̱ aakpla Mizraim nomi le̱ ke̱ Kušmei ní afã le̱, gbekẽbii ke̱ onukpai fẽ, ni ame̱anyie ame̱he yayai ke̱ ame̱nane flo, ni ame̱dũnā aakã, ni Mizraim hĩe aaſĩe ši.

5 Ni ame̱he aakpokpo ni ame̱hĩe aagboi ye̱ Kuš ní ame̱hĩe kã eno̱ le̱ ke̱ Mizraim ni dši ame̱hĩe nyam le̱ hewo̱.

6 Ni nakai gbĩ le̱ ne̱ke̱ ṅšo̱ ne̱ nā bii le̱ aakē̱ ake̱: Na, moni wo̱hĩe kã eno̱ ni wo̱dšo foi wo̱yaba abo ye̱ eṅṍ, koni aherewo̱ ye̱ Ašur maṅtše̱ le̱ deṅ le̱ ne̱! Bĕle̱ wo̱ le̱, té wo̱o̱fe tẽṅ wo̱dše mliṅ?

The Bible in Ga © Bible Society of Ghana, 1896, 1992.

Bible Society of Ghana
ကြှနျုပျတို့နောကျလိုကျပါ:



ကြော်ငြာတွေ