Yesaia 18 - Ṅmãle̱ Kroṅkroṅ Le̱

¹ Ao! efĩdšiaṅ gbē̱mo̱ šikpoṅ ni yo̱ Kuš fāi le̱ ase̱,

² ní tšũo̱ tšeiatše̱mei ke̱-nyieo̱ ṅšo̱ hĩe, ní tráa adā-le̱dši amli ke̱-nyieo̱ nui ahĩe le̱! Nye bo̱foi ní nyehe yo̱ oyá, nyeyaä dšeṅmaṅ ní kẽle̱ ní ame̱he yo̱ trotro le̱ aṅõ, maṅ ní ašeo̱le̱ gbeyei ke̱-yaä šoṅṅ, dšeṅmaṅ ní he wa pam ní nānāa mei ano̱, ní fãi flo̱ ešikpoṅ le̱ mli le̱!

³ Nye dše le̱ṅ bii fẽ ke̱ nye mei ní nyeyo̱ šikpoṅ le̱ no̱ le̱: ké̱ aši aflaṅã ye̱ gõdši ano̱ le̱, nyekwe̱a, ni ke̱dši ākpã te̱tre̱mantre̱ le̱, nyeboa toi!

⁴ Ši bo̱ni Iehowa kē̱mi ne̱: Mafe diṅṅ ni madše̱ mišihĩle̱he le̱ makwe̱, beni ſane fintī̃ latšã tšaä le̱, lo beni bó̱-atatu ye̱ ye̱ nikpamo̱be latšä mli le̱.

⁵ Ši dãni aše̱ nikpamo̱be le̱, beni afofro egbla momo ni fo̱fo̱i le̱ etšṍ weinyibii ní šro̱keo̱ le̱, eke̱ adedai aaflo̱ nidši le̱ aſie, ni eedšie ehe kpãi le̱ ni etšĕre̱ mli.

⁶ Ni aašĩ fẽ ahã gõdši ano̱ lofõdši ke̱ šikpoṅ le̱ no̱ koloi: ni lofõdši le̱ aayaye latšābe ye̱ dše̱i, ni šikpoṅ le̱ no̱ koloi fẽ aayaye fẽibe ye̱ dše̱i.

⁷ Nakai be le̱ mli le̱ ake̱ maṅ ní kĕ̱le̱ ní ame̱he yo̱ trotro le̱ *aabake Iehowa Zebaot, ni asaṅ ake̱ meikomei aadše̱ maṅ ní ašeo̱le̱ gbeyei ke̱-yaä šoṅṅ le̱, dšeṅmaṅ ní he wa pam ní nānāa mei ano̱, ní fāi flo̱ ešikpoṅ le̱ mli le̱, ateṅ aba heni Iehowa Zebaot gbe̱i le̱ yo̱ ní dši Zion goṅ le̱ no̱ le̱. *Lal. 68,30. 32.