Yesaia 16 - Ṅmãle̱ Kroṅkroṅ Le̱

¹ Nyeke̱ šikpoṅ le̱ no̱yelo̱ le̱ *gwanteṅbii le̱ adše̱a †Sela amãdšea ke̱-tšṍa ṅã le̱ no̱, ke-yaä Zion biyō le goṅ le̱ no. *2 Maṅ. 3,4. †2 Maṅ. 14,7.

² Ni aaba mli ake̱, bo̱ni loflõ ní tšomloo̱ ke̱ loflõtšũ ní atšĕre̱ mli aſã yo̱ le̱, nakai Moab biyei le̱ aatšṍ ye̱ Arnon fā fohei le̱.

³ Nyewoa ṅā, nyeyea sane le̱! Hã ohō̃ṅ le̱ afe tamo̱ nyōṅ ſane fintī̃, ni oke̱ mei ní aſieame̱ le̱ atē, kātšõ foidšelo̱i le̱ ase̱gbe̱!

⁴ Hã Moabbii ni aſie le̱ abahĩ oṅõ; tšṍ tēmo̱he ohãame̱ ye̱ hĩekpãtãlo̱ le̱ hĩe, edšake̱ haolo̱ le̱ be̱ doṅṅ, ni fitemo̱ se̱ efo, nāgbalo̱i le̱ aata ye̱ šikpoṅ le̱ no̱.

⁵ Ni ake̱ maṅtše̱sẽi ko aamã ši ye̱ mo̱bo̱nale̱ mli, ni moko aatá no̱ ye̱ ano̱kwale mli, ye̱ David bū le̱ mli; ni eenyie dšale̱ sane se̱ ekodšo, ni eehã dšale̱ aba oyá!

⁶ Wo̱nu Moab hewõ le̱ he, ēwo ehe tšṍ, ehetšṍme̱ ke̱ ehewō ke̱ emlifũ le̱ ke̱ eſã-wiemo̱i ni be̱ mli le̱.

⁷ Nohewo̱ le̱ Moab aawo̱ lele ye̱ Moab hewo̱, ame̱fẽ ame̱awo̱ lele, nyeaye ṅko̱mo̱ ni nyeafe yeyēye ye̱ Kir-Hareset weinyibii atatalei le̱ ahewo̱.

⁸ Edšake̱ Hešbon ṅmõdši le̱ eṅãlã; Sibma weintšo le̱, dšeṅmãdši le̱ anuṅtšo̱mei le̱ ekũmo̱ enidši kpakpai le̱ kwrā; ame̱še̱ Iazer tō̃ ni ame̱kpa ṅã le̱ no̱, enidši le̱ eha ši ke̱-fo ṅšo̱ le̱!

⁹ Nohewo̱ le̱ raike̱ Iazer fẽ *aafó Sibma weintšo le̱; mafó yāfónui maſie ono̱, Hešbon ke̱ Eleale! †edšake̱ ta-ošebō̱ ebagbẽ oweinyibii atšemo̱ ke̱ onikpamo̱ le̱ no̱, *15,5. †Ier. 4,19. Amos 2,2.

¹⁰ ni nyã́mo̱ ke̱ mliflimo̱ se̱ efo ye̱ ṅmõdšiaṅ, ni alaa ni ablo̱o̱ ye̱ weintromi amli doṅṅ. Weinṅãlo̱ eṅã̀ã̀ wein doṅṅ ye̱ ṅã̀he le̱, ni lala hũ, mihã ese̱ efo.

¹¹ Hewo̱ le̱ mimlinii gbē̱o̱ tamo̱ saṅkũ ye̱ Moab hewo̱, mimũsũṅ hũ šãamĩ ye̱ Kir-Heres hewo̱. K. 9.

¹² Ni aaba mli ake̱, ké̱ Moab yapue ni eyagbo deṅme ye̱ he groṅṅ le̱ ni eba ehekroṅkroṅ le̱ ebaso̱le le̱, ehoṅ.

¹³ Ene̱ dši wiemo̱ ni Iehowa wie ši Moab tšutšu le̱;

¹⁴ ši agbe̱ne̱ Iehowa mīwie ake̱: Bie̱ afii eti ní *tamo̱ apāfonyo afii le̱, Moab anumnyam le̱ he guo̱ agbo ke̱ emei babaō le̱ fẽ, ni mei ní aaſe̱ le̱ še̱ṅ noko, ni ame̱dšee meikomei. *21,16.