Yesaia 10 - Ṅmãle̱ Kroṅkroṅ Le̱

¹ Kpóo hã akpo̱wolo̱i ní woo̱ akpoi ní edšaa, ke̱ woloṅmãlo̱i hũ ni ṅmãa musu nibii le̱,

² koni ame̱tšṍ ohĩafoi akodšomo̱ hĩe ame̱bu ši, ni ame̱šõ mimaṅbii le̱ ateṅ nõnalo̱i le̱ agbe̱nā le̱ ye̱ ame̱deṅ, ní okũlafoi atšṍmo̱ ame̱nomṅõnii ni awusãi hũ atšṍmo̱ ame̱hānii!

³ Ni sramo̱ gbĩ le̱ no̱, kē̱ fitemo̱ ní badše̱ šoṅṅ aba le̱ mli le̱, té nyebafe tẽṅ? Namo ṅō nyeadšo foi ke̱-ate nyeyaba abo? Ni nẽgbe̱ nyeašĩ nyenii le̱ ye̱?

⁴ Eſe̱ṅ nokonoko ake̱ dša ame̱ba ame̱he ši ye̱ gbokle̱foi le̱ ateṅ, ni ame̱gbēgbē ši ye̱ mei ní enyõnyõi le̱ ateṅ! Fẽ le̱ emlifũ le̱ edšo̱ko, ní enine le̱ ekpã mli lolo. 5,35.

⁵ Kpóo hã Ašur ní dši *mimlifũ tšo le̱, ame̱dẽhĩemo̱tšo dši mimlila le̱! *7,20.

⁶ Matšũle̱ ke̱-ate dšeṅmaṅ fõṅ ko no̱, ni mafã́le̱ mawo maṅ ni mimli efũame̱ le̱ he, koni eyaha nii ni eṅō nom, ni enănā ame̱no̱ tamo̱ anāa blohũiaṅ ṅmiamo̱ no̱.

⁷ Ši le̱ le̱, dšee nakai esusu, ni dšee nakai edſẽṅ ye̱ etšui mli; ši noni yo̱ etsui mli dši ake̱ eekpãtã hĩe ni ebutu dšeṅmãdši ni dšee fiō ko. Zak. 1,15.

⁸ Edšake̱ ekē̱o̱ ake̱: Nto milumei le̱ fẽ le̱ maṅtše̱mei so̱ṅṅ ni?

⁹ Nto Kalno tamo̱ Karkemiš, ni Hamat hũ-tamo̱ Arpad, ni Samaria tamo̱ Damasko?

¹⁰ Bo̱ni minine še̱ wo̱dši amaṅtše̱yelii ní ame̱mãgãi le̱ fè Ierusalem ke̱ Samaria nii le̱ ano̱ le̱: 36,18-20.

¹¹ aso bo̱ni mife Samaria ke̱ ewo̱dši le̱, mifeṅ Ierusalem ke̱ emãgãi le̱ hũ nakai noṅṅ?

¹² Nohewo̱ le̱ aaba mli ake̱, ké̱ Nuṅtšo̱ le̱ tšu enii egbe nā ye̱ Zion goṅ le̱ no̱ ke̱ Ierusalem le̱: *mabawo Ašur maṅtše̱ le̱ hewō dſẽṅmo̱ yibii le̱ ke̱ ehewō hĩṅme̱ii anumnyam le̱ he nyõmo̱. *37,36.

¹³ Edšake̱ ekē̱: Mininešiwale̱ ke̱ minilē mike̱-fe, edšake̱ mihĩe tẽ; ni mitšire̱ mãdšimãdši le̱ ahũsũi le̱, ni miha ame̱dſetrii le̱, ni mitšire̱ mei ní trá maṅtše̱sēii ano̱ le̱ mitſia ši tamo̱ oblaṅ ko;

¹⁴ ni minine eše̱ mãdšimãdši le̱ anii le̱ ano̱ tamo̱ loflõtšũ, ni milõ šikpoṅ le̱ fẽ tamo̱ alōo̱ wo̱dši ni ašĩ, ni moko be̱ ni tſaä efĩdši amli lo egbleo̱ edãṅ lo eblo̱ō̱ fĩ fĩ!

¹⁵ Aso lema ſãa woo̱ moni hĩele̱ ke̱-foo̱ nii le̱? alo sāo wóo̱ ehe no̱ ye̱ moni gblaäle̱ le̱ no̱? tamo̱ noni *tšo aatsi mei ni wóo̱ eno̱ le̱, alo dẽhĩemo̱tšo aawo moni dšee tšo le̱ no̱! *K. 5.

¹⁶ Nohewo̱ le̱ Nuṅtšo̱, Iehowa Zebaot, aatšũ lōtā̃ ke̱-aba emei ní eſiſī le̱ ateṅ, ni eesu la ewo enumnyam le̱ šiši tamo̱ la ní tšoo̱.

¹⁷ Ni Israel kane le̱ aatšṍ la, ni e-Mokroṅkroṅ le̱ aatšṍ lalilei, ni eetšo ni eešã eṅmeii ke̱ ekpitikpitii le̱ gbĩ kome. 5 Mose 4,24.

¹⁸ Ni eekpãtã ekō ke̱ eṅmõ kpakpa anumnyam le̱ hĩe, susuma ke̱ gbomotšo fẽ, tamo̱ helatše̱ ní yeo̱ gbĕle-hela gboo̱!

¹⁹ Ni tšei ní aaſe̱ ye̱ ekõ le̱ mli le̱-eše̱e̱ noko, ni gbekẽ aanyẽ ame̱yibo̱ aṅmã.

²⁰ Ni aaba mli ake̱ nakai gbĩ le̱ no̱ le̱, mei ní eſe̱ ye̱ Israel le̱, mei ni edše mli ye̱ Iakob we le̱ eṅõṅ amehe ame̱-kpasaṅ moni yiame̱ le̱ doṅṅ, ši ame̱aṅõ amehe ame̱kpasa Iehowa, Israel Mokroṅkroṅ le̱, ye̱ ano̱kwale mli.

²¹ Mei ní eſe̱ le̱ aakũ ame̱se̱ aba, Iakob mei ní eſe̱ le̱ aaba Mawu hewalo̱ le̱ ṅõ.

²² Ši *ké̱ omaṅ Israel yifále̱ tamo̱ ṅšo̱nã šia po, mei ní eſe̱ le̱ ke̱ke̱ aakũ ame̱se̱ aba! Amã hĩekpãtãmo̱ no̱ mí, eyi eteke no̱ ke̱ dšale̱. *Rom. 9,27.

²³ Ši hĩekpãtãmo̱ ke̱ noni amã no̱ mí le̱, *Nuṅtšo̱, Iehowa Zebaot, aafe ye̱ šikpoṅ mũ le̱ fẽ no̱. *28,23.

²⁴ Nohewo le̱ bo̱ni Nuṅtšo̱, Iehowa Zebaot, kē̱ ne̱: Mimaṅ ní hĩo̱ Zion, kāše Ašur gbeyei! eke̱ tšo aayio, ní eewó edẽhĩemo̱tšo le̱ no̱ ye̱ ono̱, tamo̱ bo̱ni Mizraim fe le̱;

²⁵ ši eſe̱ bibiō ke̱ke̱, ní mlila le̱ se̱ aafo, ni mimlifũ le̱ aatšṍ ahã ame̱hĩekpãtãmo̱.

²⁶ Ni Iehowa Zebaot aatē kplebi ši awole̱, tamo̱ bo̱ni efe, *beni egbe Midian ye̱ Oreb te̱sā le̱ no̱ le̱, ni etšo †ní ewó no̱ ye̱ ṅšo̱ le̱ no̱ le̱, eewó no̱ tamo̱ bo̱ni efe Mizraim le̱. *Kodš. 7,25. †2 Mose 14.26.

²⁷ Ni aaba mli ye̱ nakai gbĩ le̱ no̱ ake̱ aadšie edšatšu le̱ ye̱ okõṅ ne̱ ke̱ epã le̱ hũ ke̱-adše̱ okue̱ no̱; ni apã le̱ aafite ye̱ fo̱ ní ewo le̱ hewo̱.

²⁸ Eše̱ Ayat, efoṅ ye̱ Migron; eyato ši ye̱ Mikmaš.

²⁹ Ame̱tšṍ gõdši ateṅ gbe̱ le̱ no̱: ame̱-yawo̱ Geba; Rama he mīkpokpo, Saul-Gibea mīdšo foi.

³⁰ Wó ogbẽ no̱ ni oblo̱, Galim biyō! bo toi, Laiša! onii ye̱ mo̱bo̱, Anatot!

³¹ Madmana mīdšo foi; Gebimbii le̱ mīfã.

³² Eyawa Nob ṅme̱ne̱ noṅṅ, eehoso enine etšṍ Zion biyō le̱ goṅ ni dši Ierusalem goṅkpo̱ le̱.

³³ Na, Nuṅtšo̱, Iehowa Zebaot, ke̱ hewale̱ ni yo̱ gbeyei aaflo̱ tšeianidši le̱: nii ni kwō̱lo̱ godšogodšõ le̱, aaflo̱ame̱ aſie ši, ni nii ni ehole amehe no̱ le̱, aaba ame̱ ši.

³⁴ Ni eke̱ ededa aagba kō-hayī le̱, ni Lebanon aatšṍ hewalo̱ le̱ nine no̱ agbẽ ši.