Yeremia 8 - Ṅmãle̱ Kroṅkroṅ Le̱

¹ No be le̱ mli le̱, Iehowa kē̱, ni aalō Iuda maṅtše̱mei le̱ awui ke̱ elumei le̱ awui ke̱ oso̱foi le̱ awui ke̱ gbaloi le̱ awui ke̱ Ierusalembii le̱ awui ke̱-adše̱ ame̱gbohĩĩabui le̱ amli,

² ni aagbe mli aka hũlũ ke̱ nyoṅtšĕre ke̱ ṅwei asafo le̱ fẽ, nii ni *ame̱sumo̱ ni ame̱úṅmo̱ hũ, ni amenyie ame̱se̱ ni ame̱tao ame̱se̱gbe̱, ni ame̱dšáame̱ le̱: abuaṅ ame̱nā, †asaṅ afũṅame̱; ni ame̱atšṍ tumu ye̱ šikpoṅ le̱ no̱. *5 Mose 5,19. †Ier. 14,16.

³ Ni ne̱ke̱ weku fõṅ ne̱ mli mei fẽ ni aaſe̱ ye̱ hei fẽ ní miſieame̱ ke̱-te le̱, aasumo̱ gbĕle moṅ fè wala, Iehowa Zebaot kē̱.

⁴ Ni osā okē̱ame̱ ake̱: Bo̱ni Iehowa kē̱ ne̱: Aso ké̱ agbē ši le̱, etee ši? alo ké̱ adũ gbe̱ le̱, akũũ se̱?

⁵ Mēhewo̱ mo̱ ni ne̱ke̱ maṅ Ierusalem ne̱ ekpale ni ame̱ka mli kwrā ne̱? ame̱hĩe šišiumo̱ mli gbãgbā̃gbã, ame̱kplẽẽ se̱kū̃.

⁶ Mibo toi ni minu: ame̱wiee noni dša. Mokomoko be̱ ní ſaä ehe ye̱ enifõdšianifemo̱ le̱ he ake̱: Meni mife ne̱? mofẽmo ewó ṅmo̱i tamo̱ okpo̱ṅo̱ šaã foi kitikiti ke̱-boteo̱ ta mli.

⁷ Klitšo tete ni nyie ṅwei le̱, ele ebe, kose̱-okpo hũ ke̱ nyoṅmo̱bite̱te ke̱ kpokukpoku sraä ame̱bā-be; ši mimaṅ le̱ lee Iehowa gbe̱nānii le̱! Ies. 1,8.

⁸ Té tēṅ ni nyekē̱o̱ ake̱: Nilelo̱i dšiwo̱, ni Iehowa mla le̱ ye̱ we̱deṅ le̱? Ši na, woloṅmãlo̱i le̱ amale-pen le̱ etšṍle̱ amale!

⁹ Nilelo̱i le̱ ahĩe egboi, ame̱dšidšā, ni amõmo̱ame̱; na, Iehowa wĩemo̱ le̱ ame̱kwa ne̱: ni mẽ nilē sro̱to yo̱ ame̱mli?

¹⁰ Nohewo̱ le̱ mike̱ ame̱ṅāmei aahã meikrokomei, ni ame̱ṅmõdši le̱ mike̱-ahã mei ni baye ame̱no̱ le̱; *edšake̱ ke̱-dše̱ ame̱teṅ bibiō no̱ ke̱-yaši agbo ne̱ ame̱fẽkwa ame̱hĩe dšōo̱, ni ke̱-dše̱ gbalo̱ ne̱ ke̱-yaši oso̱fo no̱ ame̱fẽ-kwa ame̱yeo̱ kũtũmpo̱o. *6,13-15. Ies. 56,11.

¹¹ Ni ame̱tšáa mimaṅ biyō le̱ pilamo̱ le̱ hĩeaṅhĩeaṅ, ni ame̱kē̱o̱ ake̱: Omanye, omanye! ši omanye ko be̱!

¹² Kē̱ ame̱fe nihĩnii le̱, agbeo̱ ame̱hĩe: ši ame̱hĩe gboii komeflo, ni ame̱lee noni dši hĩegbĕle; hewo̱ le̱ ame̱anyõnyõi ye̱ mei ní enyōnyõi le̱ ateṅ: be mli ni mabasraame̱ le̱ ame̱agbēgbē ši, Iehowa kē̱.

¹³ Matšere̱ame̱ ni malōame̱ ke̱-ate, Iehowa kē̱, ní weinyibii akaſe̱ ye̱ weintšo le̱ no̱, ní agbãmii akaſe̱ ye̱ agbãmitšo le̱ no̱, ní bāi le̱ tete aṅălã; ni nii ní mihãame̱ le̱, aadše ame̱deṅ.

¹⁴ Mẽba mo̱ ni wo̱trá ši lolo ne̱? Nyebuaã nyehe nā ní wo̱yabotea mãdši ní atſa gbogboi awo he le̱ amli, ní wo̱yaplenẽ ye̱ dše̱i; edšake̱ Iehowa, wo̱-Nyoṅmo̱ le̱, ehã wo̱plenẽ, ni ehãwo nu ni *ebō̱ yo̱ mli wo̱nu, edšake̱ wo̱fe esa wo̱ši Iehowa! *9,15.

¹⁵ Wo̱kwe̱ *hedšo̱le̱ gbe̱, ši nõkpakpa ko baa, ke̱ tšámo̱-be hũ, ši na, gbeyei so̱ṅṅ! *14,19.

¹⁶ Anuo̱ ekpo̱ṅo̱i le̱ atšinemo̱ ke̱-dše̱o̱ Dan, ekpo̱ṅo̱hĩĩ le̱ ablo̱mo̱ le̱ gbē̱mo̱ hãa šikpoṅ mū le̱ fẽ hosoo̱; edšake̱ ame̱mība ní ame̱baye šikpoṅ le̱ ke̱ eno̱ nii fẽ, maṅ lo̱ ke̱ mei ní yo̱ mli le̱ hũ.

¹⁷ Edšake̱ na, matšũ onũfũi ke̱ blesaṅai ni *ṅkũnyāyeli ko nyẽẽame̱ ke̱-aba nyeteṅ, ní ame̱bakõmo̱nye, Iehowa kē̱. *Dšadš. 10,11.

¹⁸ Miná ní kũle̱ manyẽ mihe mī maše̱dše ye̱ miw̌ere̱hō le̱ mli! mitšui egbo̱dšo̱ ye̱ mimli! 4,19.

¹⁹ Na, mimaṅ le̱ biyō le̱ blo̱mo̱ gbē le̱ dše̱ maṅse̱ šoṅṅ: “Aso Iehowa be̱ Zion? alo emaṅtše̱ le̱ be̱ emli doṅṅ?” “Mẽba mo̱ ni ame̱ke̱ ame̱mãgãi ke̱ maṅse̱ yakayakanii le̱ woo̱ mimli la ne̱?”

²⁰ “Nikpamo̱be le̱ eho, ni yibii atšemo̱be efo mli, ši ahereko wo̱yiwala!”

²¹ Mimaṅ le̱ biyō le̱ hedšramo̱ le̱ hewo̱ lo̱ mi hũ mihe mīdšrami; mīye ṅko̱mo̱, mihe edšõ mihe.

²² Ani *tšofã be̱ Gilead, alo tšofãtše̱ ko be̱ dše̱i? mẽhewo̱ mo̱ ni atšáko mimaṅ le̱ biyō le̱? *46,11.