Yeremia 48 - Ṅmãle̱ Kroṅkroṅ Le̱

¹ *Moab nõ. Bo̱ni Iehowa Zebaot, Israel Nyoṅmo̱ le̱, kē̱ ne̱: Kpóo hã Nebo! edšake̱ afitele̱; ahã Kiriataim hĩe eſie ši ni aṅõle̱; ahã mō̃ ní kwo̱ le̱ hĩe eſie ši ni akũmo̱le̱! *Ies. 15. 16. Ezek. 25,8-11. Amos 2,1-3. Zef. 2,8-11.

² Moab yidšiemo̱ le̱ be̱ doṅṅ; ame̱to ehe ṅā fõṅ ye̱ Hešbon ake̱: “Nyebaä ní wo̱plenēale̱ ní ekafe dšeṅmaṅ doṅṅ!” Bo Madmen hũ, aakpãtã ohĩe; klante aanyie ose̱!

³ Blo̱mo̱ gbē dše̱ Horonaim, fitemo̱ ke̱ hĩekpãtãmo̱ kpeteṅkple!

⁴ Akpãtã Moab hĩe: ebii bibii le̱ hãa anuo̱ blo̱mo̱;

⁵ yāfó so̱ṅṅ ake̱-kwo̱ö̱ Luhit ṅmeṅme le̱; edšake̱ anuo̱ hĩekpãtãmo̱ mli gbeyeišemo̱ blo̱mo̱ ye̱ Horonaim šikplekemo̱-he le̱:

⁶ Nyedšoa foi, nyeherea nyeyiwala, ni nyetamo̱a *tšo ní bāi be̱ yi ye ṅãno! *17,6.

⁷ Edšake̱ ake̱-ní oṅõ ohĩe ofõ onitšumo̱i ke̱ odſetrii ano̱ hewo̱ le̱, bo hũ aaṅõo; ni Kemoš *aate nomṅō̃ mli ke̱ eso̱foi ke̱ elumei le̱ fẽ-tfẽm. *1 Maṅ. 11,7.

⁸ Ni hĩekpãtãlo̱ aaba maṅ-fẽ-maṅ no̱, ni maṅ ko maṅ ko edšeṅ mli; ni dšō̱ le̱ aafite; ni ṅã kpatā le̱ hĩe aakpãtã, bo̱ni Iehowa kē̱ le̱.

⁹ Nyehãa Moab fĩdši ní efliki ní eya; ši emãdši le̱ aatšṍmo̱ amaṅfõ, ni anáṅ mokomoko ahĩ mli!

¹⁰ Alomo̱ moni tšuo̱ Iehowa nitšumo̱ dšabedšabe, ni alomo̱ moni tšĩo̱ eklante le̱ nā ke̱-dse̱o̱ lá he! 1 Sam. 15,8. 9. 11.

¹¹ Moab ná hedšo̱le̱ ke̱-dše̱ egbekẽbii-aši, ni edſere ešiši atutru le̱ hĩe, ni atšṍkole̱ ke̱-dše̱ko nõ mli awoko nõ mli, ni asaṅ eyako nomṅō̃ mli dã: nohewo̱ ni eṅõmo̱ eka emli, ni ṅma le̱ tšake-ko le̱.

¹² Hewo le̱, na, gbĩĩ mība, Iehowa kē̱, ni matšũ fo̱selo̱i ke̱-aba eno̱, ni ame̱afo̱sele̱ ni ame̱atšṍmo̱ enibii le̱ amli nii, ni ame̱adſăradſărā eto̱i le̱ hũ.

¹³ Ni Moab hĩe aagbo ye̱ Kemoš he, take̱ bo̱ni Israel we le̱ hĩe gbo ye̱ Betel, ame̱hĩeno̱kãmo̱ le̱, he le̱.

¹⁴ Mẽba nyekē̱o̱ ake: Hĩĩ kãkãlo̱i ke̱ tabiloi ní sa tawū dši wo̱ le̱?

¹⁵ Afite Moab, ni akwo̱ ke̱bote emãdši le̱ amli, ni eblahĩĩ nī ahala le̱ ekpleke ši ke̱-te gbẽ, maṅtše̱ le̱, mo gbe̱i ní dši Iehowa Zebaot le̱ kē̱.

¹⁶ Moab plenēmo̱ le̱ mībe̱ṅke̱ ke̱-mība, ni emanehũlũ le̱ miye oyai naakpa.

¹⁷ Nyeyea ṅko̱mo̱ nyehãale̱, nye mei ní nyeyo̱ ehewo̱ le̱ fẽ, ke̱ nye mei fẽ ní nyele egbe̱i le̱! ni nyekē̱a ake̱: Té aye tēṅ ní maṅtše̱tšo ní wa le̱, dẽhĩemo̱tšo fe̱fe̱o le̱ ekũ ne̱!

¹⁸ Bo biyō ni ohĩe̱ Dibon, dše̱ onumnyam le̱ mli okpleke ši, ni obatá ši ye̱ kũmai mli! edšake̱ Moab hĩekpãtãlo̱ le̱ efã ke̱-ba ono̱, ebafite omõdši le̱.

¹⁹ Yadamo̱ gbe̱ le̱ he ní osra, bo Aroernyo! bi foidšelo̱ ke̱ yō ko ní edše mli ni okē̱ ake̱: Mẽ sane eba?

²⁰ Ahã Moab hĩe eſie ši, edšake̱ akũmo̱le̱: wo̱ lele ni oblo̱! Nyegbaä ye̱ Arnon ake̱ akpãtã Moab hĩe!

²¹ Ni kodšomo̱ eba šikpoṅ kplanā le̱ no̱, eba Holon ke̱ Iaza ke̱ Mefaat

²² ke̱ Dibon ke̱ Nebo ke̱ Bet-Diblataim

²³ ke̱ Kiriataim ke̱ Bet-Gamul ke̱ Bet-Meon

²⁴ ke̱ Keriot ke̱ Bozra ke̱ Moab šikpoṅ le̱ no̱ mãdši le̱ fẽ, nii ní yo̱ šoṅṅ ke̱ nii ní be̱ṅke̱ le̱ ano̱.

²⁵ Akpo̱ Moab aklonto le̱, ni enine hũ ekũ! Iehowa kē̱.

²⁶ Nyehãa *eto̱a dā̃, edšake̱ ewó ehe no̱ eši Iehowa, ni Moab aakoklo ši ye̱ eſē mli, ni le̱ hũ eetšṍ ṅmlõnõ! *25,15.

²⁷ Nto Israel tšṍ ṅmlõnõ hão! Ani dšulo̱i ateṅ aanale̱ ye̱? edšake̱ befẽbe ní owieo̱ ehe le̱, ohosoo̱ oyitšo.

²⁸ Nyešĩa mãdši le̱, ni nyeyahĩa te̱sāi amli, nye Moab-bii, ni nyetamo̱a okpo ní feo̱ etšũ ye̱ buiaṅ fo̱dši amli!

²⁹ Wo̱nu Moab hewō le̱ he, ewó ehe no̱ tšṍ! ke̱ eheno̱wómo̱ ke̱ ehewō ke̱ ehenámo̱ ke̱ etšuiṅ hetšõmo̱ le̱.

³⁰ Mile emlifũ ke̱ eſā̃ ní esaa le̱, Iehowa kē̱; nii ní esaa ame̱fe.

³¹ Nohewo̱ le̱ mawo lele ye̱ Moab hewo̱, ni mablo̱ ye̱ Moab fē hewo̱: aaye ṅko̱mo̱ ye̱ Kir-Heres hĩĩ le̱ ahewo̱!

³² Yāfó ní fè Iazer nõ le̱ mafó mahão, bo Sibma weintšo; onidši le̱ eteke ṅšo̱ le̱ tete, ame̱yaše̱ Iazer ṅšo̱ le̱ nā tō̃: hĩekpãtãlo̱ ebaſie otšeiayibii ke̱ oweinyibii le̱ ano̱.

³³ Ni nyã́mo̱ ke̱ mliflimo̱ se̱ efo ye̱ ṅmõdšiaṅ ke̱ Moab šikpoṅ le̱ no̱, ni mi-hã wein bũ se̱ efo ye̱ weinbui le̱aṅ: aṅã̀ṅ wein ke̱ lala, lala le̱ dšee lala doṅṅ!

³⁴ Ke̱-dše̱ Hešbon blo̱mo̱ le̱ no̱ le̱ ame̱wóo̱ amegbē ke̱-yašío̱ Eleale ke̱ Iahaz tō̃, ke̱-dše̱ Zoar ke̱-yaši Horonaim, ní dši tšinayō ní eye afii etẽ le̱; edšake̱ Nimrim nui le̱ tete aatšṍmo̱ ole̱ṅle̱.

³⁵ Ni mahã moni šãa šā̃-afo̱le ye̱ he groṅṅ ke̱ moni šãa tšofã-ke̱-ṅma ehãa enyoṅmo̱i le̱ se̱ afo ye̱ Moab, Iehowa kē̱.

³⁶ Hewo̱ le̱ mitsui mli hū̃o̱ tamo̱ be̱dši ye̱ Moab hewo̱, ni mitsui mli hū̃o̱ tamo̱ be̱dši ye̱ Kir-Heres hĩĩ le̱ ahewo̱; edšake̱ enii babaō ní ená le̱ elādše. 4,19. Ies. 16,7; 18.11.

³⁷ Edšake̱ mofẽmo yiteṅ ekpa, ni aku mofẽmo tšẽṅ; *abãmo̱ mofẽmo nidši ahe, ni mofẽmo ke̱ kpekpe eṅmõ ehe. *47,5.

³⁸ Nko̱mo̱yeli so̱ṅṅ yo̱ Moab tšũiayiteaṅ fẽ ke̱ eblohũi le̱ amli; edšake̱ midſăra Moab dukuduku, tamo̱ šō̃nõ ko ní asumo̱o̱, Iehowa kē̱.

³⁹ Kwe̱ bo̱ni ekũmo̱! Nyewo̱a lele! Kwe̱ bo̱ni Moab etšṍ ekue̱! Eye̱ hĩegbĕle! Ni Moab aatšṍ ṅmlõnõ ko̱ tšuifā̃ fẽ ehã mei fẽ ní ebo̱lele̱ ke̱-kpe le̱.

⁴⁰ Edšake̱ bo̱ni Iehowa kē̱ ne̱: Na, eefliki ke̱-aba tamo̱ okropoṅ, ni eegbe̱ efidšiaṅ ewo Moab. 49,22.

⁴¹ Aṅõ mãdši ní wa le̱, atua mõdši le̱, ni nakai gbĩ le̱ Moab hĩĩ kãkãlo̱i le̱ etšui aatšṍ tamo̱ yō ní kõmoo̱ tšui.

⁴² Ni aakpãtã Moab hĩe ní ekafe maṅ doṅṅ, edšake̱ ewó ehe no̱ eši Iehowa.

⁴³ Gbeyei ke̱ bu ke̱ tšõne kã ši hão, bo moni oyo̱ Moab, Iehowa kē̱.

⁴⁴ Moni aadšo gbeyei le̱ nā foi le̱, eeyagbē bu le̱ mli, ni moni aate ši ke̱-dše̱ bu le̱ mli le̱, eeyadũ tšõne le̱; edšake̱ mike̱ ame̱sramo̱ afi le̱ aaba le̱ Moab eno̱, Iehowa kē̱. Ies. 24,17. 18.

⁴⁵ Hešbon hō̃ le̱ṅ foidšelo̱i ní be̱ hewale̱ le̱ badamo̱; edšake̱ *la aadše̱ Hešbon aba, ni lalilei aadše̱ Sihon teṅ aba, ni ebašã Moab kóṅ le̱ ke̱ mei ní feo̱ hō le̱ ayiteṅ pampam. *5 Mose 21,28. 29.

⁴⁶ Kpóo hão, Moab! Olādše, Kemoš maṅ! edšake̱ aṅõ obihĩĩ le̱ nom, ni obiyei le̱ ete nomṅō̃ mli.

⁴⁷ Ši makpale Moab nomṅō̃ le̱ ke̱-aba ekoṅ ye̱ nāgbē gbĩĩ le̱ amli, Iehowa kē̱. Heni Moab kodšomo̱ le̱ ebaše̱ ne̱.