Yeremia 42 - Ṅmãle̱ Kroṅkroṅ Le̱

¹ Ke̱ke̱ ni tai le̱ ano̱ asafoiatše̱mei le̱ fẽ ke̱ Iohanan, Karea bi le̱, ke̱ Iezania, Hošaia bi le̱, ke̱ maṅ mū le̱ fẽ ke̱-dše̱ mo bibiō no̱ ke̱-yaši mo wulu no̱ tši be̱ṅke̱,

² ní ame̱bakē̱ gbalo̱ Ieremia ake̱: Agbe̱ne̱ hã wo̱faikpamo̱ asa ohĩe, ni *okpa Iehowa, o-Nyoṅmo̱ le̱, fai ohãwo̱ ke̱ mei ní eſe̱ ne̱ fẽ (edšake̱ mei babaō ne̱ ateṅ le̱, wo̱yi fiō pe̱ eſe̱, take̱ bo̱ni ohĩṅme̱ii naäwo̱ ne̱), *37,3.

³ koni Iehowa, o-Nyoṅmo̱ le̱, atšõwo̱ gbe̱ ní wo̱nyie no̱, ke̱ noni wo̱fe.

⁴ Ke̱ke̱ ni gbalo̱ Ieremia le̱ kē̱ame̱ ake̱: Minu; na, mibakpa Iehowa, nye-Nyoṅmo̱ le̱, fai tamo̱ bo̱ni nyekē̱ le̱, ni aaba mli ake̱, wiemo̱-fẽ-wiemo̱ ní Iehowa ke̱-ahãnye hetō le̱, magbanye, mišiuṅnye sane ko no̱.

⁵ Ni ame̱ hũ ame̱kē̱ Ieremia ake̱: Iehowa afe ano̱kwale odasefonyo ní aheo̱le̱ ayeo ašiwo̱, ke̱dši wo̱yee wiemo̱-fē-wiemo̱ ní Iehowa, o-Nyoṅmo̱ le̱, ke̱-atšũo obahãwo̱ le̱ no̱ le̱!

⁶ Ekpakpa ni dšio, efõṅ ni dšio, Iehowa, wo̱-Nyoṅmo̱ le̱, mo ṅõ ní wo̱tšũo̱o ne̱ gbē toi wo̱o̱bo, beni afe ní ahĩ ahãwo̱, ké̱ wo̱bo Iehowa, wo̱-Nyoṅmo̱ le̱, gbē toi le̱.

⁷ Ni eba mli ake̱ gbĩĩ nyoṅma se̱ le̱ Iehowa wiemo̱ ba Ieremia ṅõ;

⁸ ni etšé̱ Iohanan, Karea bi le̱, ke̱ tai le̱ ano̱ asafoiatše̱mei le̱ fẽ ke̱ maṅ mū le̱ fẽ ke̱-ba ke̱-dše̱ mo bibiō no̱ ke̱-yaši mo wulu no̱,

⁹ ni ekē̱ame̱ ake̱: Bo̱ni Iehowa, Israel Nyoṅmo̱ le̱, mo ṅõ ní nyetšũmi, koni mike̱ nyefaikpamo̱ ayaṅmẽ ehĩe le̱, kē̱ ne̱:

¹⁰ Ké̱ nyeahĩ ne̱ke̱ šikpoṅ ne̱ no̱ le̱, no le̱ mamãmo̱nye ši, ni mikũmo̱ṅnye, ni mate̱onye, ni mifãmo̱ṅnye; edšake̱ miſa mihe ye̱ efõṅ ní mifenye le̱ he.

¹¹ Babel maṅtše̱ le̱ ní nyešeo̱le̱ gbeyei le̱, nyekašeale̱; nyekašeale̱ gbeyei, Iehowa kē̱; edšake̱ mike̱nye ye̱, koni mahere nyeyiwala, ni madšienye ke̱-dse̱ edeṅ!

¹² Ši mahã nyena mũsũṅtšõle̱ ni emũsũṅ atšõle̱ ye̱ nyehewo̱, ní ehã nyekũ nyese̱ ke̱-ba nyešikpoṅ le̱ no̱.

¹³ Ši ke̱dši nyeke̱ ake̱: Wo̱hĩĩ ši ye̱ ne̱ke̱ šikpoṅ ne̱ no̱! ni nyeboo Iehowa, nye-Nyoṅmo̱ le̱, gbē toi,

¹⁴ ni nyekē̱ ake̱: Dabi! ši wo̱e̱te Mizraim šikpoṅ le̱ no̱, heni wonaṅ ta ye̱, ni wo̱nuṅ te̱tre̱mantre̱ gbē̱mo̱, ni asaṅ abolo hõmo̱ yeṅwo̱, ní wo̱yahĩ ši ye̱ dše̱i le̱!

¹⁵ no le̱ agbe̱ne̱ nyeboa Iehowa wiemo̱ le̱ toi, nye Iuda mei ni eſe̱: Bo̱ni Iehowa Zebaot, Israel Nyoṅmo̱ le̱, kē̱ ne̱: Ké̱ nyedšie nyehĩe nyeka Mizraim ake̱ nyemīya dše̱i ní nyeyato gbo̱ ye̱ dše̱i le̱:

¹⁶ no le̱ klante ní nyešeo̱ le̱ aabaninanye ye̱ dše̱i ye̱ Mizraim šikpoṅ le̱ no̱, ni hõmo̱ ní nyetšui yeo̱ no̱ le̱ aatū akpe̱te̱ nyese̱ ye̱ dše̱i ye̱ Mizraim, ni dše̱i noṅṅ nyeagboi ye̱.

¹⁷ Ni aaba mli ake̱ hĩĩ fẽ ní edšie ame̱hĩe eka Mizraim ake̱ ame̱mīya dše̱i ní ame̱yato gbo̱ ye̱ dše̱i le̱, ame̱agboi ye̱ klante ke̱ hõmo̱ ke̱ gbĕle-hela nā, ni ame̱teṅ moko eſe̱ṅ lo edšeṅ efõṅ ní mike̱-aba ame̱no̱ le̱ mli. 29,17. 18.

¹⁸ Edšake̱ bo̱ni Iehowa Zebaot, Israel Nyoṅmo̱ le̱, kē̱ ne̱: Take̱ bo̱ni afo̱se mi-mlifũ ke̱ mimlila le̱ aſie Ierusalembii le̱ ano̱ le̱, nakai noṅṅ ké̱ nyete Mizraim ni aafo̱se mimlila le̱ aſie nyeno̱, ni nyeatšṍ kitãkãmo̱nõ ke̱ nākpenõ ke̱ lōmo̱ ke̱ ahorabō̱, ni nyenaṅ bie̱ ne̱ doṅṅ!

¹⁹ Nye Iuda mei ní eſe̱, Iehowa ewie ye̱ nyehe ake̱: Nyekayaä Mizraim! Nyenáa nyelea kre̱dē̱ ake̱ miye odase mitšõnye ṅme̱ne̱!

²⁰ Ši nyeye nyedientše̱ nyesusumai le̱ akũtũmpo̱o; edšake̱ nye noṅṅ nyetšũmi Iehowa, nye-Nyoṅmo̱ le̱, ṅõ nyekē̱: Kpa Iehowa, w̌o̱-Nyoṅmo̱ le̱, fai ohãwo̱, ni *bo̱fẽbo̱ ní Iehowa, wo̱-Nyoṅmo̱ le̱, aakē̱-wo̱ le̱, nakai ogbawo̱, ni wo̱o̱fe! *K. 5.

²¹ Ni migbanye ṅme̱ne̱, ši nyeboo Iehowa, nye-Nyoṅmo̱ le̱, gbē toi ye̱ nii fẽ ní eke̱-tšũmi nyeṅõ le̱ eko eko gbe̱fãṅ.

²² Hewo̱ le̱ agbe̱ne̱ nyenáa nyelea kre̱dē̱ ake̱ klante ke̱ hõmo̱ ke̱ gbĕle-hela nā nyeagboi ye̱, ye̱ heni nyefeo̱ ake̱ nyeafã ke̱-ya ní nyeyato gbo̱ ye̱ dše̱i le̱!