Yeremia 39 - Ṅmãle̱ Kroṅkroṅ Le̱

¹ Ni eba mli ake̱, beni aṅõ Ierusalem le̱, (Zedekia, Iuda maṅtše̱ le̱, yino̱ afi ni dši ne̱hũ le̱ no̱ nyōṅ ní dši nyoṅma le̱ no̱ Nebukadnezar, Babel maṅtše̱ le̱, ke̱ eta le̱ fẽ ba Ierusalem, ni ame̱babo̱ nsra ame̱wo ehe;

² Zedekia yino̱ afi ní dši nyoṅma ke̱ ekome le̱ no̱ ṅyōṅ ní dši edſe̱ le̱ no̱ gbĩ ní dši ne̱hũ le̱ no̱ agbu maṅ le̱ awo mli,)

³ ke̱ke̱ ni Babel maṅtše̱ le̱ lume̱i le̱ fẽ ba ni ame̱batrá teṅ koi le̱ ši: Nergal-Šarezer, Samgár-Neho, Sarsekím, piafoi le̱ atše̱ le̱, Nergal-Šarezer, Magifoi le̱ atše̱ le̱, ke̱ Babel maṅtše̱ le̱ lume̱i ní eſe̱ le̱ fẽ.

⁴ Ni eba mli ake̱, beni Zedekia, Iuda maṅtše̱ le̱, ke̱ tabiloi le̱ fẽ naame̱ le̱, ame̱dšo foi ni ame̱dše kpo ke̱-dše̱ mã le̱ṅ nyōṅ ke̱-tšṍ maṅtše̱ trom le̱ gbe̱ le̱ no̱ ye̱ agbó ni yo̱ gbogboi enyo̱ le̱ teṅ le̱ mli. Ni edše kpo ke̱-tšṍ ṅã kplanā le̱ no̱ gbe̱ le̱ no̱.

⁵ Ši Kaldeabii le̱ ata le̱ tiuame̱, ni ame̱yanina Zedekia ye̱ Ieriko ṅãi kplanāi le̱ ano̱, ni ame̱mõle̱ ni ame̱ke̱le̱ te Nebukadnezar, Babel maṅtše̱ le̱, ṅõ ye̱ Ribla ye̱ Hamat šikpoṅ le̱ no̱, ni ekodšole̱ ye̱ dše̱i.

⁶ Ni Babel maṅtše̱ le̱ gbe Zedekia bii le̱ ye̱ Ribla ye̱ ehĩe, ni Iuda abladei le̱ fẽ hũ, Babel maṅtše̱ le̱ gbeame̱.

⁷ Ni edſăra Zedekia hĩṅme̱ii, ni ehã awole̱ gbokle̱i, koni akele aya Babel.

⁸ Ni maṅtše̱ we le̱ ke̱ maṅbii le̱ awei le̱ Kaldeabii le̱ ke̱ la šã, ni ame̱kũmo̱ Ierusalem gbogboi le̱.

⁹ Ni maṅbii le̱ ateṅ mei ní ašĩ ye̱ mã le̱ṅ le̱, ke̱ tšelo̱i ní tše ke̱-ba eṅõ ke̱ maṅbii le̱ ateṅ mei ní ſe̱ le̱, Nebuzaradan, oblafoi atše̱ le̱, ṅõame̱ nom ke̱-te Babel.

¹⁰ Ši Nebuzaradan, oblafoi atše̱ le̱, šĩ maṅ le̱ mli ohĩafoi ní be̱ nokonoko le̱ ateṅ meikomei ye̱ Iuda šikpoṅ le̱ no̱, ni ehãame̱ weintromi ke̱ abō̱i nakai gbĩ le̱ noṅṅ.

¹¹ Ni Nebukadnezar, Babel maṅtše̱ le̱, wo Nebuzaradan, oblafoi atše̱ le̱, kitã ye̱ Ieremia hewo̱, ake̱:

¹² Ṅõle̱ ni okwe̱le̱ dšogbāṅ, ni oka-fele̱ efõṅ, ši moṅ bo̱ni eekē̱o le̱, femo̱ nakai ohãle̱.

¹³ Ke̱ke̱ ni Nebuzaradan, oblafoi atše̱ le̱, ke̱ Nebušazban, piafoi atše̱ le̱, ke̱ Nergal-Šarezer, Magifoi atše̱ le̱, kē̱ Babel maṅtše̱ le̱ onukpai le̱ fẽ tšũ,

¹⁴ ni ayaṅõ Ieremia ke̱-dše̱ *bulo̱i le̱ akpo le̱ no̱ ke̱-ba, ni ame̱ke̱le̱ baha †Gedalia, Šafan bi Ahikam bi le̱, koni eke̱le̱ aya ewe le̱; ni ehĩ maṅbii le̱ ateṅ. *38,28. †40,5. 6.

¹⁵ Ši beni aṅã́ Ieremia yi ye̱ bulo̱i le̱ akpo le̱ no̱ le̱, Iehowa wiemo̱ ba eṅõ ake̱:

¹⁶ Ya ni oyakē̱ *Ebed-Melek, Kušnyo le̱, ake̱: Bo̱ni Iehowa Zebaot, Israel Nyoṅmo̱ le̱, kē̱ ne̱: Na, mahã miwiemo̱i le̱ aba maṅ ne̱ no̱ ye̱ efõṅ gbe̱ ni dšee ekpakpa gbe̱, ni ame̱aba mli ye̱ ohĩe ye̱ no gbĩ le̱ no̱. *38,7.

¹⁷ Ši madšieo ye̱ nakai gbĩ le̱ no̱, Iehowa kē̱, ni aṅõṅ bo awoṅ hĩĩ ní ošeo̱ le̱ adeṅ;

¹⁸ ši mahã odše mli kẽ, ni *onyõṅ ye̱ klante nā; ši osusuma aatšṍ hānõ ahão, edšake ohĩe kã mino̱, Iehowa kē̱. *Hiob 5,20.