Yeremia 35 - Ṅmãle̱ Kroṅkroṅ Le̱

¹ Wiemo̱ ní dše̱ Iehowa ṅõ ba Ieremia ṅõ ye̱ Iuda maṅtše̱ Iehoiakim, Iosia bi le̱, yino̱ ne̱:

² Ya *Rekab-bii le̱ awe le̱, ní oke̱ame̱ ayawie, ni oke̱ame̱ aba Iehowa we le̱ ye̱ piai le̱ eko mli, ni ohãame̱ wein amenu! *1 Kron. 2,55.

³ Ke̱ke̱ ni miyaṅõ Iaazania, Habazinia bi Ieremia bi le̱, ke̱ enyemimei ke̱ ebihĩĩ le̱ fẽ ke̱ Rekab-bii le̱ awe le̱ bii fẽ,

⁴ ni mikeame̱ ba Iehowa we le̱ ye̱ Nyoṅmo̱ gbomo Igdalia bi Hanan bii le̱ epia le̱ mli, ye̱ lume̱i le̱ apia le̱ mase̱i, ye̱ Šalum, šinākwe̱lo̱ le̱, bi Maaseia le̱ pia le̱ yiteṅ;

⁵ ní miṅõ kpudši ni eyimo̱ obõbõ ke̱ wein ke̱ tšenei mimāmo̱ Rekab-bii le̱ awe le̱ bii le̱ ahĩe, ni mikē̱ame̱ ake̱: Nyenua wein!

⁶ Ni ame̱kē̱: Wo̱nuu wein! edšake̱ wo̱tše̱ *Ionadab, Rekab bi le̱, wowo̱ kitã ake̱: Nyekanua wein gbĩkogbĩko, nye ke̱ nyebii fẽ, *2 Maṅ. 10,15. 23.

⁷ ni nyekamãmo̱a tšũi, ni nyekadũa nii, ni nyekafea weintrom, ni eko hũ akatšṍ nyeno; ši moṅ, nyegbĩĩ fẽ mli le̱ nyehĩa būi amli, koni nyeye gbĩĩ pī ye̱ šikpoṅ ní nyebato gbo ye̱ no̱ le̱ no̱!

⁸ Ni wo̱bo wo̱tše̱ Ionadab, Rekab bi le̱, gbē toi ye̱ nibii fẽ ni ewowo̱ he kitã le̱ mli, ni wo̱gbĩĩ fẽ mli le̱ wo̱nuu wein, wo̱ ke̱ wo̱ṅãmei ke̱ wo̱bihĩĩ ke̱ wo̱biyei fẽ;

⁹ ni asaṅ wo̱mãmo̱o̱ tšũi wo̱hĩĩ mli, ni wo̱be̱ weintrom lo abō̱ lo nidũmo̱nii ko;

¹⁰ hewo̱ le̱ būi amli wo̱hĩo̱, ni wo̱boo̱ toi ni wo̱feo̱ bo̱ni wo̱tše̱ Ionadab wowo̱ kitã le̱ pe̱pē̱pe̱.

¹¹ Ši eba mli ake̱, beni Nebukadnezar, Babel maṅtše̱ le̱, fã ke̱-ba šikpoṅ le̱ no̱ le̱, wo̱kē̱ ake̱: Nyebaä ní wo̱dšea Kaldeabii ata le̱ ke̱ Arambii ata le̱ hĩe wo̱yaä Ierusalem! no dši Ierusalem ni wo̱yo̱ ne̱.

¹² Ke̱ke̱ ni Iehowa wiemo̱ ba Ieremia ṅõ ake̱:

¹³ Bo̱ni Iehowa Zebaot, Israel Nyoṅmo̱ le̱, kē̱ ne̱: Ya ní oyakē̱ Iudahĩĩ le̱ ke̱ Ierusalembii le̱ ake̱: Aso nyekplẽṅ tšo̱semo̱ ní nyebo miwiemo̱i le̱ atoi? Iehowa kē̱.

¹⁴ Aye Ionadab, Rekab bi le̱, wiemo̱i ní eke̱-wo ebii le̱ akitã ake̱ ame̱kanu wein le̱ no̱, ni ame̱nuu eko ke̱-baši ṅme̱ne̱, edšake̱ ame̱bo ame̱tše̱ kitã le̱ toi: ši mi le̱ miwieo̱ mitsõo̱nye, miteo̱ ši lebi mā̃ṅkpa ni miwieo̱ mitšõo̱nye, ši nyeboomi toi.

¹⁵ Ni mitšũo̱ mitšũdši ni dši gbalo̱i le̱ fẽ ke̱-baä nyeṅõ, miteo̱ ši lebi mā̃ṅkpa mitšũo̱ame̱ ake̱: Agbe̱ne̱ nyeteṅ mofẽmo *akpale ke̱-dše̱ egbe̱ fõṅ le̱ no̱, ni nyesāa nyenifemo̱nii le̱, ni nyekanyiea ṅyoṅmo̱i krokomei ase̱, ní nyesúmo̱ame̱, ni nyeahĩ šikpoṅ ni miṅõ-hãnye ke̱ nye-tše̱mei le̱ ne̱! ši nyehãã nyetoi aba no̱ ni nyeboomi toi. *25,4-7.

¹⁶ Ši Ionadab, Rekab bi le̱, bii le̱ eye ame̱tše̱ kitã ní ewoame̱ le̱ no̱; ši ne̱ke̱ maṅ ne̱ boomi toi.

¹⁷ Nohewo̱ le̱ bo̱ni Iehowa, Zebaot Nyoṅmo̱, ní dši Israel Nyoṅmo̱ le̱, kē̱ ne̱: Na, mike̱ efõṅ fẽ ní miwie ye̱ Iuda ke̱ Ierusalembii le̱ fẽ he le̱ aaba ame̱no̱, edšake̱ *miwie mitšõame̱, ni ame̱boo toi, ni mitšé̱ame̱ ni ame̱heree no̱. *7,13.

¹⁸ Ši Rekab-bii le̱ awe le̱, Ieremia kē̱ame̱ ake̱: Bo̱ni Iehowa Zebaot, Israel Nyoṅmo̱ le̱, kē̱ ne̱: Ake̱-ní nyebo nyetše̱ Ionadab kitã le̱ toi ni nyeye ekpoi le̱ fẽ no̱ ni nyefe bo̱ni ewonye kitã le̱ pe̱pē̱pe̱

¹⁹ hewo̱ le̱, bo̱ni Iehowa Zebaot, Israel Nyoṅmo̱ le̱, kē̱ ne̱: Nū ní aadamo̱ mihĩe ebo̱ṅ Ionadab, Rekab bi le̱, gbĩkogbĩko.