Yeremia 30 - Ṅmãle̱ Kroṅkroṅ Le̱

¹ Wiemo̱ ní dše̱ Iehowa ṅõ ba Ieremia ṅõ ne̱:

² Bo̱ni Iehowa, Israel Nyoṅmo̱ le̱, kē̱ ne̱: Ṅmã wiemo̱i ní mike̱o wie le̱ fẽ owo wolo mli ohã ohe!

³ Ši na, gbĩĩ mība, Iehowa kē̱, ni *makpale mimaṅ Israel ke̱ Iuda nomṅō̃ le̱ ke̱-aba ekoṅ, Iehowa kē̱, ni mahã ame̱kũ ame̱se̱ ke̱-ba šikpoṅ ní miṅõ-hã ame̱tše̱mei le̱ no̱, ni ame̱abaṅõ ake̱ amenõ. *29,14.

⁴ Ni wiemo̱i ni Iehowa wie ye̱ Israel ke̱ Iuda he ne̱:

⁵ Bo̱ni Iehowa kē̱ ne̱: Wo̱nu hekpokpomo̱ gbē ke̱ gbeyeišemo̱ nõ, ni dšee hedšo̱le̱ nõ!

⁶ Nyebia ni nyekwe̱a ake̱ nū ekõmo̱ efo pẽṅ lo? Mẽhewo̱ mo̱ ni minaä nū-fẽ-nū ke̱ enidši mõmoo̱ ehe̱ *tamo̱ yō ní bafo, ni hĩeaṅ fẽ ešale ne̱? *Ies. 13,8.

⁷ Kpóo! edšake̱ *nakai gbĩ le̱ gbĩ kple ni, ni eko tamo̱o̱le̱, ni edši amane-hũlũ be hã Iakob; ši aahere eyiwala ke̱-adše̱ mli! *Ioel 2,11. Zef. 1,15.

⁸ Ni aaba mli ye̱ nakai gbĩ le̱ no̱, Iehowa Zebaot kē̱, ake̱ makũmo̱ *epã le̱ ke̱-adše̱ okue̱, ni matšere̱ okpãi le̱, ni meikpõdši yeṅo nyṍṅ doṅṅ; *27,12.

⁹ ši ame̱asúmo̱ Iehowa, ame̱-Nyoṅmo̱ le̱, ke̱ *David, ame̱maṅtše̱ le̱, moni matēle̱ ši mahãame̱ le̱! *23,6. Ezek. 34,23.

¹⁰ Nohewo̱ le̱, *kāše gbeyei, mitšũlo̱ Iakob, Iehowa kē̱, ni otšui akafã, Israel; ši na, mahere oyiwala ke̱-adše̱ šoṅṅ, ke̱ oseši hũ ke̱-adše̱ ame̱nomṅō̃ šikpoṅ le̱ ne̱, ni Iakob aakũ ese̱ ke̱-aba ekoṅ, ni eebahĩ ši kpō, ni ehe aadšo̱le̱, ni moko woṅ ehe gbeyei. *46,27. Ies. 44,2.

¹¹ Edšake̱ mike̱o ye̱, Iehowa kē̱, ko-ni mahere oyiwala. Edšake̱ mafite dšeṅ-mãdši ní migbe̱o miſã ame̱teṅ le̱ fẽ ke̱-mõ ši; ši bo le̱ mifiteṅo ke̱-mõṅ ši, ši moṅ magbla otoi *bo̱ni sa ke̱ke̱, ni mihãṅ oṅõ ohe oye kwrā. *10,24.

¹² Edšake̱ bo̱ni Iehowa kē̱ ne̱: *Ohedšramo̱ le̱ ewo wu, ni opilame̱ le̱ wa. *15,18.

¹³ Moko be̱ ní yeo̱ osane le̱ hãao; opilamo̱ le̱ be̱ tšábā!

¹⁴ Osuolo̱i le̱ fẽ ahĩe ekpa ono̱, ame̱-bii oši doṅṅ; edšake̱ mipilao tamo̱ henye̱lo̱ pilaä mo, tamo̱ yiwalo̱ gblaä mo toi, ye̱ onišaianii le̱ afále̱ hewo̱, edšake̱ ohe ešai le̱ dăra naakpa.

¹⁵ Mẽba oblo̱ö̱ ye̱ ohedšramo̱ ke̱ opĩmo̱ ní ehĩĩ tšáme̱ le̱ hewo̱? Onišaianii le̱ afále̱ ke̱ ohe ešai ni dăra naakpa le̱ ahewo̱ mifeo ne̱ke̱ nii ne̱!

¹⁶ Nohewo̱ le̱ mei fẽ ní yeo̱o le̱, aaye-ame̱, ni ohenye̱lo̱i le̱ fẽ, ame̱fẽ-kwa, ame̱-ate nomṅō̃ mli, ni mei ni tſaä bo odšo le̱, aatſaame̱ odšo, ni mei fẽ ní haäo le̱, mike̱ame̱ aahã ní ahaame̱! Ies. 33,1.

¹⁷ Ši mafĩmo̱ *ofadši le̱ ano̱, ni matšá opilamo̱i le̱, Iehowa kē̱; edšake̱ ame̱-tšé̱o̱o ake̱ moni aſiele̱, Zion ní moko bii eši! *33,6.

¹⁸ Boni Iehowa kē̱ ne̱: *Na, makpale Iakob būi le̱ anomṅō̃ le̱ ke̱-aba ekoṅ, ni mimũsũṅ aatšõmi ye̱ ešihĩle̱hei le̱ ahewo̱, ni aato maṅ le̱ ye̱ egoṅkpo̱ le̱ no̱, ni mō̃ le̱ aamã emā̃he le̱! *K. 3.

¹⁹ Ni šidā ke̱ mei ni mli efliame̱ le̱ agbẽ aadše̱ mli, ni mahã ame̱yi afá, ni ame̱no̱ gbo̱ṅ, ni mawo ame̱hĩe nyam, ni ame̱feṅ fiō.

²⁰ Ni ame̱bii aatšṍmo̱ tamo̱ sá le̱, ni ame̱safo le̱ aamã ši šiṅṅ ye̱ mihĩe, ni mawo mei ní waäame̱ yi le̱ fẽ nyõmo̱.

²¹ Ni *ame̱lumo le̱ aadše̱ ame̱dientše̱ ame̱teṅ, ni ame̱teṅ noṅṅ ame̱no̱yelo̱ le̱ aadše̱, ni mahã etši ebe̱ṅke̱mi; ši namo aaši etšitši ni ebe̱ṅke̱mi? Iehowa kē̱. *K. 9.

²² Ni ame̱atšṍ mimaṅ, ni mi hũ matšṍ ame̱-Nyoṅmo̱. 24,7.

²³ Na, Iehowa lasũogbele ní dši emlifũ le̱ edše kpo, lasũogbĕle ní tšõ̀moo̱ ni, ni eebo̱le meifõdši ayitšei ahe. 23,19.

²⁴ Iehowa mlifũ ní nā wa le̱ kpaleṅ ke̱-yaši beyino̱ ní eefe egbe nā ni eehã etšui mli yiṅtōi le̱ aba mli, ni nāgbē gbĩĩ le̱ amli le̱ nyeana šiši!