Yeremia 17 - Ṅmãle̱ Kroṅkroṅ Le̱

¹ Iuda be eša le̱ aṅmã ke̱ dade pen ke̱ diamente nā pĩo̱pĩo̱, akpe̱ ye̱ ame̱tsuiiaṅ tāo le̱ no̱ ke̱ nyefo̱lešãlate̱i le̱ aklontoi le̱ ano̱,

² bo̱ni ame̱bii le̱ kaio̱ ame̱fo̱lešãlate̱i le̱ ke̱ ame̱krabatšai le̱ ye̱ tšei kusukusui le̱ ašiši ye̱ goṅkpo̱i groṅṅi le̱ ano̱ le̱.

³ Migoṅ ni yo̱ ṅãno̱, maṅõ onii ke̱ odſetrii le̱ fẽ ke̱ ohei groṅṅi le̱ hũ ma-hã nī aha, ye̱ eša ní ofe ye̱ okpokpai fẽ no̱ le̱ hewo̱.

⁴ Ni bodientše̱ ooṅmē̃, ono̱yelinõ ní miṅõhão le̱ he ofõ ši, ni mahã osúmo̱ ohenye̱lo̱i ye̱ šikpoṅ ko ní olee no̱; edšake̱ nyeše̱re *la ye̱ mimlifũ le̱ mli, ni eetšo ke̱-ate nāno̱! *15,14.

⁵ Bo̱ni Iehowa kē̱ ne̱: Alomo̱ gbomo ní ṅõo̱ ehĩe efõo̱ ádesã ne̱, ní eṅõo̱ helo efeo̱ enine, ní etšui edše Iehowa he le̱! Lal. 118,8; 146,3.

⁶ Eetamo̱ *tšo ní bāi be̱ yi ye̱ ṅã kpatā no̱, ni enaṅ ekpakpa ko ní aaba; ši eehĩ ši ye̱ ṅãno̱ hei ní egbĩ keketē ke̱ ṅō šikpoṅ no̱ heni ahĩĩ. *48,6.

⁷ Adšō̱ gbomo ní ṅõo̱ ehĩe efõo̱ Iehowa no̱, ní Iehowa dši ehĩeno̱kãmo̱ le̱! Lal. 146,5.

⁸ Edšake̱ eetamo̱ tšo ní ate̱o ye̱ nui ahe ni lē̱o̱ ešišifãi amli ke̱-yaä fāi atoi; ni ké̱ latšā ba le̱, ešeṅ gbeyei, ši eyi-bāi le̱ aahĩ ſrõfrõ; nnhõmo̱ afi mli hũ ehaoṅ, ni asaṅ efõṅ yibiiwō. Lal. 1,3.

⁹ Tšui yo̱ ne̱, eyi to̱ ke̱ kũtũmpo̱o fè nii fẽ, ni esane ehĩĩ kwrā; namo aanyẽ ale?

¹⁰ Mi, *Iehowa, mitaoo̱ tšuiṅ, mikaã sabai mikwe̱o̱, koni †mahã mofẽmo ye̱ egbè̱i ke̱ enifemo̱nii ayibii le̱ anā! *Lal. 7,10. †Rom. 2,6.

¹¹ Moni taoo̱ nii ye̱ gbe̱ ní edšaa no̱ le̱, etamo̱ afi ní buo̱ wo̱dši ní dšee le̱ eṅmẽ no̱: ešĩle̱ ye̱ egbĩĩ le̱ ateṅ, ni enã-gbē mli le̱ eetšṍ kwašia. Lal. 39,7.

¹² Bo anumnyam maṅtše̱sẽi ní mã ši godšō ke̱-dše̱ tetēte, wo̱hekroṅkroṅ le̱ mā̃he:

¹³ Iehowa, Israel hĩeno̱kãmo̱! mei fẽ ní šĩo̱o le̱ ahĩe aagboi! mei ní kpaleo̱ ye̱ mise̱ le̱, aaṅmã ame̱gbe̱i ye̱ šikpoṅ, edšake̱ *ame̱šĩ Iehowa ní dši wala nubu le̱. *2,13.

¹⁴ Tšámi, Iehowa, ni mihe aatã; heremo̱ miyiwala, ni miyi aaná wala; ši bo dši miyidšiemo̱!

¹⁵ Na, ame̱kē̱o̱mi ake̱: Nẽgbe̱ Iehowa wĩemo̱ le̱ yo̱? hā ní eba ko! Ies. 5,11.

¹⁶ Ši mi le̱, midšieko mihe ye̱ tōkwe̱-mo̱ nitšumo̱ ní mitšuo̱ ke̱-nyieo̱ ose̱ le̱ mli, ni musu gbĩ le̱ hũ miſee, bodientše̱ ole! noni dšee̱ minā le̱, edſere ohĩe!

¹⁷ Kātšṍ hegbeyeiwōnõ ohāmi, bo dši mibobāhe ye̱ gbĩ fõṅ no̱!

¹⁸ Hã mei ní waämi yi le̱ ahĩe agboi, ši mi le̱, kāhã mihĩe mīgbo kwrā; hã ame̱tšui afã, ši mi le̱ kāhã mitsui mīfã: oke̱ gbĩ fõṅ le̱ aba ame̱no̱, oke̱ hĩekpãtãmo̱ toi enyo̱ akpãtã ame̱hĩe!

¹⁹ Bo̱ni Iehowa kē̱mi ne̱. Ya ni oya-damo̱ maṅbii le̱ agbó le̱ nā, heni Iuda maṅtše̱mei le̱ tšṍo̱ ke̱-baä mli ni ame̱tšṍo̱ ke̱-dšeo̱ kpo le̱, ke̱ Ierusalem agbói le̱ fẽ nā,

²⁰ ni okē̱ame̱ ake̱: Nyeboa Iehowa wiemo̱ toi, nye Iuda maṅtše̱mei ke̱ Iuda fẽ ke̱ Ierusalembii le̱ fẽ ní tšṍo̱ ne̱ke agbói ne̱ amli ke̱-baä mli le̱!

²¹ Boni Iehowa kē̱ ne̱: Nyehĩe ahĩa nyehe ne̱, ní nyekatĕre dšatšu ko ye̱ hedšō̱mo̱gbĩ le̱ no̱, ni nyeke̱-katšṍ Ierusalem agbói le̱ amli ke̱-mība mli!

²² ni nyesā nyekatĕre dšatšu ko ke̱-mīdše̱ nyewei ke̱-mīdše kpo ye̱ hedšō̱mo̱gbĩ le̱ no̱, ni nyekatšua nitšumo̱ ko nitšumo̱ ko, ši moṅ nyefea hedšō̱mo̱gbĩ lo̱ kroṅkroṅ, *take̱ bo̱ni miwo nyetše̱mei le̱ kitã le̱! *Ies. 55,2; 58,13.

²³ Ši ame̱boo toi, ni ame̱hãã ame̱toi aba no̱ hũ, ši ame̱fe ame̱he kue̱ṅtilo̱i, ni ame̱kanu, ni ame̱kakplẽ tšo̱semo̱. 11,8.

²⁴ Ni aaba mli ake, ke̱dši nyebomi toi le̱le̱ṅ, Iehowa kē̱, ní nyeke̱ dšatšu ko dšatšu ko tsṍṍ mã ne̱ṅ agbó le̱ṅ ke̱-baa mli ye̱ hedšō̱mo̱gbĩ lo̱ no̱, ši moṅ nyefe hedšō̱mo̱gbĩ le̱ kroṅkroṅ ni nyetšun nitšumo̱ ko nitšumo̱ ko yo̱ no̱ le̱:

²⁵ no le̱ maṅtše̱mei ke̱ lume̱i ní trá David maṅtše̱sẽi le̱ no̱ le̱ aatrá ſīlii amli ke̱ okpo̱ṅo̱i ano̱ ke̱-atšṍ mã ne̱ṅ agbói le̱ amli ke̱-aba mli, ame̱ ke̱ ame̱lumei ke̱ Iudahĩĩ ke̱ Ierusalembii le̱, ni maṅ ne̱ ahĩ ši ke̱-ate nāno̱.

²⁶ Ni aadše̱ Iuda mãdši le̱ amli ke̱ hei ní bole Ierusalem le̱ ke̱ Benyamin šikpoṅ le̱ no̱ ke̱ ṅãno̱ ke̱ gõdši le̱ ano̱ ke̱ wuoyigbe̱ le̱, ni aahĩe šā̃-afo̱lei ke̱ gbē-afo̱lei ke̱ niyenii-afo̱lei ke̱ kro̱bo̱o ke̱-aba, ni ake̱ yidšiemo̱-afo̱lei aaba Iehowa we le̱.

²⁷ Ši ke̱dši nyeboṅmi toi, ní nyeafe hedšō̱mo̱gbĩ le̱ kroṅkroṅ, ni nyekatĕre dšatšu ko dšatšu ko ke̱-mītšṍ Ierusalem agbói le̱ amli ye̱ hedšō̱mo̱gbĩ le̱ no̱ le̱: no le̱ maše̱re la ye̱ egbói le̱ amli, ni eešã Ierusalem mõdši le̱, ni anyẽṅ agbe.