Yeremia 15 - Ṅmãle̱ Kroṅkroṅ Le̱

¹ Ni Iehowa kē̱mi ake̱: Kē̱ *Mose ke̱ Samuel damo mihĩe tete po le̱, mitšui be̱ ne̱ke̱ maṅ ne̱ he; ſiemo̱ame̱ ke̱-dše̱ mihĩe, ní ame̱ya! *Lal. 99,6. Ezek. 14,14.

² Ni aaba mli ake̱ kē̱ ame̱kē̱o ake̱: Nẽgbe̱ wo̱ya? le̱, okē̱ame̱ ake̱: Boni Iehowa kē̱ ne̱: Moni sa *gbĕle le̱, aya gbĕie mli; moni sa klante le̱, aya klante mli, ni moni sa hõmo̱ le̱, aya hõmo̱ mli, ni moni sa nomṅō̃ le̱, aya nomṅō̃ mli! 43,11. Zak 11,9.

³ Ni mahã *nibii sro̱toi edſe̱ aba ame̱no̱, Iehowa kē̱: Klante ní ake̱-agbe-ame̱, ke̱ gbēí ní aašãtãame̱, ke̱ ṅwei lofõdsi ke̱ šikpoṅ no̱ koloi ní aayeame̱ ní ame̱kpãtã ame̱hĩe. *Ezek. 14,21.

⁴ Ni mahã agbe̱ame̱ aſã šikpoṅ le̱ no̱ maṅtše̱yelihei le̱ fẽ *ye̱ Manase, Hezekia bi, ní dši Iuda maṅtše̱ le̱, ke̱ nibii ní efe ye̱ Ierusalem le̱ ahewo̱. *2 Maṅ. 21,11-16; 23,26.

⁵ Edšake̱ namo aanao mo̱bo̱, Ierusalem? ni namo aayeo ṅko̱mo̱? ni namo aagba ababi ohedšo̱le̱ ši?

⁶ Oše̱mi ofo, Iehowa kē̱, okũ ose̱ ke̱-te se̱se̱: nohewo̱ le̱ mikpã minine mli ye̱ ono̱, ni mafiteo; etomi ke̱ mũsũṅtšõle̱.

⁷ Ni mike̱ *šātšene aaša ame̱mli ye̱ šikpoṅ le̱ agbói le̱ anā; makpakpā ame̱-bii ye̱ ame̱he, mafite mimaṅ le̱, edšake̱ ame̱kũũ ame̱se̱ ke̱-dše̱e̱ ame̱gbè̱i le̱ ano̱! *Mat. 3,12.

⁸ Ame̱yei okũlafoi le̱ aafá ahãmi fè ṅšo̱nā šia. Mike̱ hĩekpãtãlo̱ aaba ame̱teṅ oblahīĩ anye no̱ ſane; mahã ṅmiṅmi ko̱ tšuifā̃-sane aba eno̱ trukā.

⁹ Yō ní efo̱ kpawo le̱ eto̱ biti, eṅõ emumo̱ ehã; *ehũlũ enyõ ši ſane fintī̃; ehĩe egbo, ni ehĩe eſie ši: ni ame̱teṅ mei ní eſe̱ le̱, madšieame̱ mahã klante ye̱ ame̱henye̱lo̱i le̱ ahĩe, Iehowa kē̱. *Amos 8,9.

¹⁰ Kpóo hãmi, *minye, ake̱ ofo̱mi, mi ní šikpoṅ mū le̱ fẽ ke̱mi béo̱ ni ame̱ke̱mi tāa nā! Mifeko moko noko, ni asaṅ moko hũ efakomi noko; kẽle̱ mei fẽ-kwa lomoo̱mi! *20,14.

¹¹ Iehowa kē̱: Mawoö hewale̱ ni abi ahão, le̱le̱ṅ ake̱ mahã henye̱lo̱ tete akpao fai ye̱ nõfõṅ be ke̱ fĩmo̱ be mli!

¹² Ani dade ko ye̱ ní aanyẽ kōyigbe̱ dade lo akō̱ble akũ? —

¹³ Nyenii ke̱ nyedſetrii le̱, mahã aha ní awoo nyõmo̱, ye̱ nyehe ešai fẽ ní nyefe ye̱ nyekpokpai fẽ no̱ le̱ hewo̱;

¹⁴ ni mahã osúmo̱ ohenye̱lo̱i le̱ ye̱ šikpoṅ ko ni olee no̱; edšake̱ mimliſũ le̱ tamo̱ la ni aše̱re ni eetšo ye̱ nyeno̱. —

¹⁵ Bo, Iehowa, ole! kaimo̱mi ni osrami, ni oto̱ mihe owele ye̱ mei ní waä-mi yi le̱ ano̱; oke̱ otšui ši ni oṅmẽo̱ ohãa-ame̱ le̱ akaṅõmi ke̱-mīya; ná ole ake̱ ohewo̱ mináa ahorabō̱!

¹⁶ Ké̱ mina owiemo̱i le̱ *miyeo̱; owiemo̱i le̱ dši mimīše̱ ke̱ mitšui mliflimo̱; edšake̱ aṅõ ogbe̱i awomi, Iehowa, Zebaot Nyoṅmo̱. *Ezek. 3,1-3.

¹⁷ Mitáá fe̱oyelo̱i agwabō̱ mli mimli efliimi; onine hewo̱ le̱ mikometō mitáa ši; edšake̱ owomi obõ ke̱ mlila.

¹⁸ Mẽba minōnā le̱ kã he dã, ni *mifla le̱ ewo wu, ni ekplẽẽ tšámo̱ ne̱? Otšṍ tamo̱ fā ni lakaä mo, lo nu ní baa dā ohãmi. *30,12.

¹⁹ Nohewo̱ lo̱ bo̱ni Iehowa kē̱ ne̱: Ke̱dši okũ ose̱ le̱, no le̱ maṅõo ke̱-aba ekoṅ ní obadamo̱ mihĩe; ni ke̱dši odšie nii kro̱ṅṅi ni mũdši be̱ mli le̱, no le̱ ootamo̱ minābu! Ame̱ ame̱akũ ame̱se̱ ke̱-aba oṅõ, ši bo le̱ okũṅ ose̱ ke̱-yaṅ ame̱ṅõ.

²⁰ Ni *maṅõo mafe akō̱ble gbogbo ní wa mahã ne̱ke̱ maṅ ne̱, ni ame̱ke̱o aawu, ši ame̱nyẽṅo; edšake̱ mike̱o ye̱ ni mahere oyiwala, ni madšieo, Iehowa kē̱. *1,18.

²¹ Ni madšieo ke̱-adše̱ meifõdši adeṅ, ni makpõo ke̱-adše̱ yiwalo̱i adeṅ.