Yeremia 12 - Ṅmãle̱ Kroṅkroṅ Le̱

¹ Iehowa, kē̱ mike̱o kodšo le̱, onõ dša; kẽle̱ mike̱o aatao sane nā: *Mẽhewo̱ ni meifõdšĩ agbe̱ dsaä hãaame̱ ni kùtũmpo̱foi ahe dšo̱ö̱ame̱ le̱? *Hiob 21,7. Lal 73,3.

² Ote̱oo̱ame̱, ni ame̱fãi mõmoo̱ ši; ame̱dăraä, ni ame̱woo̱ yibii; oke̱ ame̱nābu teṅ dšeke̱e̱, ši oke̱ ame̱sabai ateṅ dšeke̱!

³ Ši bo, Iehowa, olemi; onaämi ni okaä mitšui okwe̱o̱ bo̱ni eyo̱ ye̱ ogbe̱fãṅ: fãmo̱ame̱ tamo̱ toi ní ayagbeame̱, ni odšō̱ ame̱no̱ oto gbē gbĩ le̱!

⁴ Mẽ beyino̱ noṅṅ po šikpoṅ le̱ aaye ṅko̱mo̱ ni ṅã le̱ fẽ no̱ bāi aagbĩ ke̱-yaši? Eno̱ bii le̱ anõfõṅfemo̱ hewo̱ le̱ *koloi ke̱ lofõdši fẽ etã; edšake̱ ame̱kē̱o̱ ake̱: Enaṅ wo̱nāgbē! *9,10.

⁵ Ke̱dši oke̱ nādšiatše̱mei dšo foi ni ame̱hã edše otšine le̱, bĕle̱ té oofe tēṅ ní oke̱ okpo̱ṅo̱i aada foiṅ? ni toiṅdšo̱le̱ šikpoṅ le̱ no̱ le̱ oye̱ ſeſēſe moṅ, ši té obafe tēṅ ye̱ Iordan he kō-hayīi le̱ amliṅ?

⁶ Edšake̱ onyemimei le̱ ke̱ otše̱ we le̱, ame̱ tete ame̱yeo̱ ohe kũtũmpo̱o, ame̱ tete ame̱blo̱ō̱ wā ke̱-nyieo̱ ose̱; kē̱ ame̱-do̱ko̱ ame̱nā ame̱hão tete le̱, kāheame̱ oye!

⁷ Mišĩ miwe le̱, miše̱ migbe̱fãṅnõ le̱ mifõ; mike̱ noni misusuma sumoo̱ dšogbāṅ le̱ ewo ehenye̱lo̱i adeṅ.

⁸ Migbe̱fãṅnõ le̱ etšṍ tamo̱ dšata ní yo̱ kō mli ewomi; ewó egbē no̱ ewomi: nohewo̱ le̱ mīnye̱le̱!

⁹ Ani migbe̱fãṅnõ le̱ etšṍ lōflo lōyelo̱ ke̱ ehe ṅwãtãṅwãtã ehãmi? ani lofõdši lōyelo̱i ebo̱lele̱ ke̱-kpe? nyeyaä nyeyabuaä ṅãṅ koloi fẽ nā ke̱-baä ní ame̱baye nii!

¹⁰ Kolokwe̱lo̱i babaō efite miweintrom le̱, ame̱nānā migbe̱fãṅnõ le̱ no̱, ame̱tšṍ migbe̱fãṅnõ fe̱fe̱o le̱ ṅã kpatā.

¹¹ Ame̱kpãtã ehĩe butū; eyeo̱ mihe ṅko̱mo̱, ehĩe ekpãtã, ni akpãtã šikpoṅ le̱ fẽ-kwa hĩe; ši mokomoko be̱ ní ṅõ-woo̱ etšuiṅ!

¹² Hĩekpãtãlo̱i eba ṅã le̱ no̱ gõdši kpatāi le̱ fẽ no̱; edšake̱ Iehowa klante le̱ miye nii ke̱-mīdše̱ šikpoṅ le̱ nāgbēhe ke̱-yaši šikpoṅ le̱ nāgbēhe kroko le̱; helo ko helo ko be̱ hedšo̱le̱.

¹³ Ame̱dũ ṅmā̃, ši ame̱kpa ṅmei; ame̱gbo deṅme, ši ame̱náá se̱ ye̱ he; ni nyehĩe aagboi ye̱ nyenibānii le̱ ahewo̱ ye̱ Iehowa mlifũ ní nā wa le hewo̱. 5 Mose 28,38. Hos. 8,7.

¹⁴ Ne̱ke̱ Iehowa kē̱ ye̱ mihegbomei fõdsi fẽ ní taä gbe̱fãṅnõ ní mike̱-hã mimaṅ Israel ake̱ ame̱ye le̱ he le̱ ahewo̱: Na, mafãame̱ ke̱-adše̱ ame̱sikpoṅ le̱ no̱, ni mafã Iuda we le̱ hũ ke̱-adše̱ ame̱teṅ!

¹⁵ Ni aaba mli ake̱, beni mifãame̱ se̱ le̱, makũ se̱ mahã mimũsũṅ atšõmi ye̱ ame̱he, ni mike̱ame̱ aakũ se̱ ke̱-aba, mo-fẽmo aaba egbe̱fãṅnõ ke̱ ešikpoṅ ne̱.

¹⁶ Ni aaba mli ake̱, ke̱dši ame̱akase mimaṅ le̱ gbè̱i le̱ dšogbāṅ, ni *ame̱ke̱ migbe̱i aakã kitã ake̱: Gbĩĩabo̱ ní Iehowa hĩe kã ne̱! tamo̱ bo̱ni ame̱tšõ mimaṅ le̱ Baal kitãkãmo̱ le̱, no le̱ aaṅõame̱ amãmo̱ mimaṅ le̱ teṅ. *4,2. 5 Mose 3,19.

¹⁷ Ši ke̱dši ame̱boṅ toi le̱, no le̱ mafã nakai dšeṅmaṅ le̱ maſie, mafãame̱ ni mafiteame̱, Iehowa kē̱.