Yeremia 10 - Ṅmãle̱ Kroṅkroṅ Le̱

¹ Israel we, nyeboa wiemo̱ ní Iehowa kenye wieo̱ toi:

² Bo̱ni Iehowa kē̱ ne̱: Nyekakasea dšeṅmãdši le̱ agbe̱ le̱, ni nyekasea ṅwei okadii le̱ agbeyei, edšake̱ dšeṅmãdši le̱ šeo̱ nomei!

³ Edšake̱ mãdšimãdši le̱ akusumi le̱, yakayakanii ni: edšake̱ *ame̱yafoo̱ tšo ye̱ kō mli, ni ṅālo̱ ke̱ lema tšuo̱ he nii; *Ies. 44,10-20.

⁴ ake̱ dſie̱te̱i ke̱ šika wulaäle̱, ake̱ ple̱kobii ke̱ hamle kălaä, ní ekakpo̱.

⁵ Ame̱tamo̱ agorigo ṅmõ mli koloi-afiemo̱nō, ši ame̱nyẽẽ ame̱wie; holemo̱ aholeo̱ame̱, edšake̱ ame̱fãã ame̱nane: nyekašea-ame̱ gbeyei; edšake̱ ame̱nyẽẽ efõṅ ko ame̱fe, ekpakpafemo̱ hũ be̱ ame̱-deṅ!

⁶ Iehowa, mokomoko be̱ ní tamo̱o! bo le̱ odše agbo, ni ogbe̱i hũ dše agbo ke̱ hewale̱.

⁷ Namo po šeṅo gbeyei, bo dšeṅmãdši amaṅtše̱? Edšake̱ bo noṅṅ esa; edšake̱ dšeṅmãdši le̱ anilelo̱i le̱ fẽ ateṅ ke̱ ame̱maṅtše̱yelihei le̱ fẽ mli le̱, mokomoko be̱ ní tamo̱o!

⁸ Ame̱fē le̱ bului ke̱ kwašiai so̱ṅṅ ni: yakayakanii atšo̱semo̱, tšo ni!

⁹ Ake̱ dſie̱te̱i ní atſia dše̱o̱ Taršiš baä, ake̱ šika hũ dše̱o̱ Ufaz baä, ṅālo̱ nitšumo̱ ke̱ šikaṅālo̱ ninenā nitšumo̱ ni; abuo̱ame̱ mama blū ke̱ mama afaseo tšuru, ṅālo̱i anitšumo̱ so̱ṅṅ ni.

¹⁰ Ši Iehowa dši ano̱kwa Nyoṅmo̱ le̱, Nyoṅmo̱ hĩekãlo̱ ke̱ nāno̱ maṅtše̱ ni; emlifũ hãa šikpoṅ le̱ hosoo̱, ni dšeṅmãdši le̱ nyẽẽ emlila le̱ nā adamo̱.

¹¹ Bo̱ni nyekē̱ame̱ ne̱: Nyoṅmo̱i ní dšee ame̱ ame̱fe ṅwei ke̱ šikpoṅ le̱, ame̱hĩe aakpãtã ke̱-adše̱ šikpoṅ le̱ no̱ ke̱ ṅwei šiši ne̱!

¹² Le̱ efe šikpoṅ le̱ ye̱ ehewale̱ nā, le̱ noṅṅ eṅõ dše le̱ emã ši ye̱ eṅā nā, ni elē̱ ṅwei mli ye̱ enilẽ nā.

¹³ Kē̱ ewo egbē le̱, nu pī baä ṅwei, ni ehãa afuai tetēo̱ ši ke̱-dše̱o̱ šikpoṅ le̱ nāgbēhei le̱; efeo̱ srawai efataä nyoṅmo̱ne̱mo̱ he, ni efãa kō̱yo̱ kpo ke̱-dše̱o̱ enitōhei le̱. Lal. 135,7. Hiob 38,24-30.

¹⁴ Koloi dši gbomei fẽ, ni ame̱lee nii; šikaṅālo̱-fẽ-šikaṅālo̱ hĩe egbo ye̱ emãgã hewo̱; edšake̱ emãgã ni eſie le̱, apasa ni, ni mumo̱ ni amũo̱ be̱ ame̱mli.

¹⁵ Yakayakanii ni, hefe̱oyeli nitšumo̱ ni; ame̱sramo̱-be le̱ṅ le̱ ame̱hĩe aakpãtã.

¹⁶ Moni dši Iakob *gbe̱fãṅnõ le̱ tamo̱o̱ ene̱mei; edšake̱ le̱ dši nii fẽ-kwa šõlo̱, ni Israel dši †egbe̱fãṅ-akutšo: Iehowa Zebaot dši egbe̱i. *Lal. 16,5. †5 Mose 32,9,

¹⁷ Buamo̱ onibii le̱ anā ke̱-dše̱ šikpoṅ le̱ no̱, bo moni ohĩo̱ maṅ ní abo̱ nsra awo he le̱ mli le̱!

¹⁸ Edšake̱ bo̱ni Iehowa kē̱ ne̱: Na, agbe̱ne̱ mibafõ šikpoṅ le̱ no̱ bii le̱ tamo̱ afõo̱ akromia, ni mahaoame̱, koni amenu he!

¹⁹ Kpóo hãmi ye̱ mihedšramo̱ le̱ hewo̱! mipilamo̱ le̱ mīwa mihe; šĩ mi le̱ mikē: Mihela ni, ni *mamõ mli! *Lal. 77,11.

²⁰ Mibū le̱ efite, ni mitãṅkpēi le̱ fẽ etšere̱; mibii le̱ edše mihe ete, ni ame̱be̱: mokomoko be̱ ni aaši mibū le̱ doṅṅ, lo ni eewo mibū le̱ he mamai le̱!

²¹ Edšake̱ tōkwe̱lo̱i le̱ etšṍmo̱ koloi, ni ame̱bii Iehowa ši, nohewo̱ le̱ ehĩĩ hããame̱, ni ame̱tōikui le̱ fẽ egbe eſã.

²² Ānu gbē ko, na, ēba, ke̱ hofemo̱ babaō ní dše̱ kōyigbe̱ šikpoṅ le̱ no̱, ko-ni abafe Iuda mãdši le̱ amaṅfõ ke̱ ṅãṅgbēi ašihĩle̱he!

²³ Iehowa, mile ake̱ gbomo gbe̱ be̱ le̱dientše̱ edeṅ, ni adesã ní nyie ne̱, bo̱-ni eetšṍ edsadše enãdšifãmo̱i ehã le̱, ebe̱ edeṅ. Abe̱i 16,9. Dsads. 9,11.

²⁴ Iehowa, kãmi, ši bo̱ni sa ke̱ke̱, dšee ye̱ omliſũ mli, koni okaplenēmi! 46,28. Lal. 6,2. Hab. 1,12.

²⁵ *Fo̱semo̱ omlila oſie dšeṅmãdši ní leeo le̱ ke̱ wekui ni tšé̱é̱ ogbe̱i le̱ ano̱; edšake̱ ame̱tšere̱ Iakob, ni ame̱yele̱ amegbe nā kwrā, ni ame̱fe ešihĩle̱he le̱ amaṅfõ. *Lal. 79,6.