Salomo Lalai 6 - Ṅmãle̱ Kroṅkroṅ Le̱

¹ Nẽgbe̱ osuolo̱ le̱ ete, bo moni ohe yo̱ fe̱o fè fẽ ye̱ yei ateṅ? Nẽgbe̱ osuolo̱ le̱ etšṍ? ní wo̱ke̱o fẽ ayataole̱.

² Misuolo̱ le̱ ekpleke ši *ke̱-te etrom le̱ mli ye̱ tšofã-ke̱-ṅma akofii le̱ ahe, koni eyalè̱ ehe ye̱ tromi le̱ amli ni etšere̱ ofló̱-fo̱fo̱ii. *4,16.

³ Misuolo̱ le̱ nõ dšimi, ni mi hũ minõ dši misuolo̱ le̱, le̱ moni lè̱o̱ ehe ye̱ ofló̱-fo̱fo̱ii ateṅ le̱. 2,16.

⁴ Mišienye, *ohe ye̱ fe̱o tamo̱ Tirza, ohe ye̱ ako̱no̱ tamo̱ Ierusalem, ohe ye̱ gbeyei tamo̱ tabilo̱i ni hĩe aflaṅāi. *1,15.

⁵ Dšiemo̱ ohĩṅme̱ii ye̱ mino̱, ši ame̱hãa mišeo̱ gbeyei. *Oyitšo̱i tamo̱ tōabotiai aku ní bumo̱ ši ye̱ Gilead goṅ le̱ he. *4,1.

⁶ *Onyãnyõdši tamo̱ tōiku ni dše̱ hedšūhe, ní ame̱fẽ-kwa ame̱fo̱fō̱ enyo̱nyo̱, ni ame̱teṅ ekomeflo ešãko. 4,2.

⁷ *Odabii tamo̱ granata fē̱i ye̱ ohĩehānõ le̱ mli. *4,3.

⁸ Maṅnyemei le̱, ame̱yi nyoṅmai-ekpa, ní hemei le̱, ame̱yi nyoṅmai-kpãnyo̱, ni *oblayei le̱, alee ame̱yibo̱. *Lal. 45,15.

⁹ Ši mokōme dši *mikpo, mimo ní eye emū le̱; enye bi kome dšile̱; moni fo̱le̱ le̱ suomo̱bi dšile̱. Biyei le̱ nale̱, ni amedšō̱le; maṅnyemei ke̱ hemei dšie eyi. *5,2.

¹⁰ Namo dši yō ni pueo̱ tamo̱ dšetše̱remo̱, ni ehe yo̱ fe̱o tamo̱ nyoṅtšēre, ni ehe tše ake̱ hũlũ, ni ehe yo̱ gbeyei tamo̱ tabilo̱i ní hĩe aflanãi ne̱?

¹¹ Mikpleke ši ke̱-te ṅme̱i atrom le̱ mli, koni mayakwe̱ dšō̱ leṅ dſe̱i frõfro le̱, ni makwe̱ ake̱ weintšo le̱ mīfro̱ke, ni granatai le̱ mīgba afofro lo.

¹² Milee ake̱ misusuma eṅõmi etá mimaṅbii abladei le̱ aſīli le̱ mli.