Salomo Lalai 4 - Ṅmãle̱ Kroṅkroṅ Le̱

¹ Na, ehe ye̱ fe̱o, mišienye! na, ohe ye̱ fe̱o, ní ohĩmeii *tamo̱ okpo hĩṅme̱ii ye̱ ohĩehãnõ le̱ mli. †Oyitšo̱i tamo̱ tōabotiai aku ní bumo̱ ši ye̱ Gilead goṅ le̱ he. *5,12; †6,5.

² *Onyãnyõdši tamo̱ tōiku ní aku ame̱hetšo̱i ní dše̱ hedšūhe, ní ame̱fẽ-kwa ame̱fo̱fō̱ enyo̱nyo̱, ni ame̱teṅ ekomeflo ešãko. 6,6.

³ Onābu tamo̱ kpã tšuru, ni odāṅ ye̱ fe̱o. *Odabii tamo̱ granata fē̱i ye̱ ohĩe-hānõ le̱ mli. 6,7.

⁴ Okue̱ *tamo̱ David mō̃ ni kwo̱ ní amã ní ato tawūnii ye̱ mli le̱: tše̱ni bibii akpe tšotšõro he ke̱ ekãlo̱i etše̱ni wudši le̱ fẽ. 7,5.

⁵ *Ofufo̱i enyo̱ te tamo̱ yō̱bii enyo̱, alo soṅãibii hãdši ní yeo̱ nii ye̱ ofló̱-fo̱fo̱ii ateṅ. 7,4.

⁶ Mate mire goṅ te ke̱ kro̱bo̱o goṅkpo̱ te no̱ mayašẽra ši, *ke̱-yaši beyino̱ ni hũlũ nā aaba ši ni susumai aalādše. *2,17.

⁷ Ohe ye̱ fe̱o ke̱-yi ši, mišienye, ní kpa ko kpa ko be̱ ohe! Lal. 45,14.

⁸ Oke̱mi adše̱ Lebanon, ayemforo, oke̱mi adše̱ Lebanon ke̱-ya, dše̱ Amana yiteṅ oba ní wo̱te, dše̱ Senir ke̱ Hermon, dše̱ dšatai asihĩle̱hei, dše̱ kŏtše̱mei agõdši le̱ ano̱ oba ni wo̱te!

⁹ Minyemi, ayemforo, oṅõ mitšui! Oke okwe̱mo̱ ní okwe̱mi šikome le̱ ke̱ okue̱nii le̱ ateṅ ekome eṅõ mitšui.

¹⁰ Minyemi, ayemforo, osuomo̱ le̱ ye̱ fe̱o pi! Osuomo̱ le̱ ṅō āhũ fè wein, omũ le̱ dšeo̱ ṅma fè tšofãi-ke̱-ṅmai sro̱toi fẽ!

¹¹ Ayemforo, onābui tšereo̱ wò ſieo̱ ši; wò ke̱ fufo̱ ye̱ olile̱i šiši, ni oheboi le̱ amli ṅma tamo̱ Lebanon ṅma.

¹² Minyemi ayemforo te tamo̱ trom ní aṅmẽ nā ke̱ nu ní baä ní aṅmẽ nā ke̱ nubu ní aso̱o nā.

¹³ Otšeifo̱bii le̱ tamo̱ granatai atrom fe̱he̱o ke̱ tšeiayibii ní dšra wa, kofer fo̱fo̱i, ke̱ nardo fiā,

¹⁴ nardo ke̱ karkom, kānē ke̱ sinamon ke̱ kro̱bo̱o tšei fẽ, mire ke̱ aloë ke̱ tšofāi-ke̱-ṅmai titrii le̱ fẽ.

¹⁵ Tromi ateṅ nubu ke̱ wala nubu, ke̱ fāi ní dše̱o̱ Lebanon no̱ hoo̱ dšio.

¹⁶ Te ši, kōyigbe̱ kō̱yo̱, ni oba, wuoyigbe̱ kō̱yo̱, ní obatſa ye̱ mitrom le̱ mli, ni etšofãi-ke̱-ṅmai atšere aſíe ši! Hă misuolo̱ le̱ aba etrom le̱ mli, ni ebaye etšeiayibii ní dšra wa le̱.