Salomo Lalai 2 - Ṅmãle̱ Kroṅkroṅ Le̱

¹ Mi le̱ Šaron fo̱fo̱i ke̱, dšō̱i amli ofló̱-fo̱fo̱i dšimi.

² Bo̱ni ofló̱-fo̱fo̱i yo̱ ye̱ ṅmei ateṅ le̱, nakai mišienye le̱ tamo̱ ye̱ biyei le̱ ateṅ.

³ Bo̱ni akututšo yo̱ ye̱ kōṅtšei ateṅ le̱, nakai misuolo̱ le̱ yo̱ ye̱ bihĩĩ le̱ ateṅ. Ehō̃ṅ le̱ mlĩ mitaoo̱ matá, ni eyibii le̱ ṅõ minā.

⁴ Ekplami ke̱-te weintšũ le̱ṅ, ni eflaṅā ni mã mino̱ dši suomo̱.

⁵ Nyeke̱ weinyibii atatalei awadšeami, nyeke̱ akutui adšō̱a mitšui he; edšake̱ suomo̱ *ewomi hela. *5,8.

⁶ Enineabe̱ku ye̱ miyitšo šiši, ni eninedšũrõ mīlōmi atū. *5,8.

⁷ Nye Ierusalem biyei, mina soṅãii ke̱ ṅãno̱ ofroteyei ake̱: Nyekahosoa ni nyekatšĩea misuomo̱ le̱ hĩe, ke̱-yaši be ní le̱dientše̱ esumoo̱! 3,5; 8,4.

⁸ Misuolo̱ le̱ gbē ne̱! Na, ēba, ēhuru ye̱ gõdši le̱ ano̱, ētũmo̱ ye̱ goṅkpo̱i le̱ ano̱!

⁹ Misuolo̱ le̱ tamo̱ *soṅãi lo ofrote oblanyo. Na, edamo̱ wo̱gbogbo le̱ se̱, ēkwe̱ samfe̱dši le̱ amli, ēfli samfe̱dši ke̱ ame̱mli fo̱dši le̱ amli. *K. 17; Y. 8,14.

¹⁰ Misuolo̱ le̱ here no̱ ni ekē̱mi ake̱: Te ši ní oba wo̱te, mišienye, mimo ní he yo̱ fe̱o!

¹¹ Edšake̱ na, fẽibe le̱ eho, nyoṅmo̱ne̱mo̱ le̱ ekpa ni efõ kwrā;

¹² fo̱fo̱i mīpue ye̱ šikpoṅ le̱ no̱, lala be le̱ eše̱, ní ānu kose̱-okpo gbē ye̱ wo̱šikpoṅ le̱ no̱;

¹³ agbãmitšo mīhã eyibii ṅmlikitii le̱ mītšutšui, ni weintšei hũ egbagbā afofroi ni dšeo̱ ṅma. Te ši ní oba wo̱te, mišenye, mimo ni he yo̱ fe̱o!

¹⁴ Mikpo ní oyo̱ te̱sā fo̱dšiaṅ, ye̱ tēmo̱he ní kwo̱, hã ni mana ohĩe, hã ní manu ogbē. Edšake̱ ogbē ṅõ, ni *ohĩe ye̱ fe̱o. *4,7.

¹⁵ Nyemõmo̱a oso̱i nyehãawo, oso̱i bibii ní fiteo̱ weintromi le̱; edšake̱ wo̱weintšei le̱ egba afofro.

¹⁶ Minõ dši misuolo̱ le̱, ni mi hũ enõ dšimi, ofló̱-fo̱fo̱ii ateṅ elè̱o̱ etōi le̱ ye̱. 6,3.

¹⁷ Misuolo̱, tšṍ ohe ni *ofe tamo̱ soṅãi lo ofrote oblanyo ye̱ gõdši ní agblagbla mli le̱ ano̱, ke̱-yaši beyino̱ ní hũlũ nā aaba ši, ni susumai aalādše. *8,14.