Romabii 10 - Ṅmãle̱ Kroṅkroṅ Le̱

¹ Anyemimei, noni mitsui ſeo̱ ke̱ fai ni mikpaä Nyoṅmo̱ mihãa Israel dši ake̱ ahere ame̱yi wala.

² Edšake̱ miye ame̱he odase ake̱ ame̱hĩe do̱o̱ ye̱ Nyoṅmo̱ he moṅ, ši dšee nilē nā.

³ Edšake̱ ní ame̱lee Nyoṅmo̱ dšale̱ le̱, ši ame̱dientše̱ ame̱dšale̱ moṅ ame̱taoo̱ ame̱ṅõ-mã ši hewo̱ le̱, ame̱baa ame̱he ši ame̱hãã Nyoṅmo̱ dšale̱ le̱. 9,31. 32.

⁴ Edšake̱ Kristo *dši mla le̱ nāgbē, ni le̱ dši dšale̱ †hã moſẽmo ní heo̱ yeo̱ le̱. *Mat. 5,17. Heb. 8,13. †Ioh 3,18.

⁵ Edšake̱ Mose *ṅmã ye̱ dšale̱ ní dše̱ mla mli le̱ hewo̱ ake̱: “Gbomo ní yeo̱ ene̱mei ano̱ le̱ yi aaná wala ye̱ mli.” *3 Mose 18,5.

⁶ Ši bo̱ni dšale̱ ní dše̱ hemo̱-ke̱-yeli mli le̱ kē̱o̱ ne̱: *“Kākē̱ ye̱ otšui mli ake̱: Namo aakwo̱ ke̱-ate ṅwei?” no dši, koni eyaṅõ Kristo ke̱-kpleke ši; *5 Mose 30,12. 13.

⁷ alo: “Namo aakpleke ši ke̱-ate šišibu le̱ṅ?” no dši, koni eyaṅõ Kristo ke̱-dše̱ gbohĩĩ ateṅ ke̱-ba.

⁸ Ši moṅ té ekē̱o̱ tēṅ? *“Be̱ṅke̱mo̱ wiemo̱ le̱ ebe̱ṅke̱o ye̱ odā mli ke̱ otšui mli fẽ;” no noṅṅ dši hemo̱-ke̱-yeli wiemo̱ le̱ ni wo̱šie̱o̱ le̱. *5 Mose 30,14.

⁹ Ši ke̱dši oke̱ onābu dšadše ake̱ Iesu *dši Nuṅtšo̱ le̱, ni ohé oye ye̱ otšui mli ake̱ Nyoṅmo̱ tēle̱ ši ke̱-dše̱ gbohĩĩ ateṅ le̱, aahere oyiwala. *2 Kor. 4,5.

¹⁰ Edšake̱ tšui ake̱-heo̱ ayeo̱ ke̱-še̱o̱ dšale̱ he, ni nābu ake̱dšadšeo̱ ke̱-še̱o̱ yiwalaheremo̱ he.

¹¹ Edšake̱ ṅmãle̱ le̱ kē̱o̱ ake̱: *“Mofẽmo ní heo̱ eno̱ yeo̱ le̱, ehĩe gboṅ.” *Ies 28.16.

¹² Edšake̱ *sro̱to ko be̱ Iudanyo ke̱ Helanyo teṅ: edšake̱ Nuṅtšo̱ kome ame̱fẽ ame̱yo̱, ni niiatše̱ bũ dšile̱ hã mei fẽ ní boo̱ tšé̱o̱le̱ le̱. *Bo̱f. 10,34; 15,9.

¹³ Edšako̱ *“mofẽmo ní aabo atšé̱ Nuṅtšo̱ le̱ gbe̱i le̱, aahere eyiwala.” *Ioel 3,5.

¹⁴ Ši té aafe tẽṅ ní ame̱abo ame̱tšé̱ moni ame̱hekole̱ ame̱yeko le̱? ni té aafe tēṅ ni ame̱ahe moni ame̱nuko ehe sane le̱ ame̱yeṅ? ni asaṅ tē aafe tēṅ ni ame̱-anu ké̱ šie̱lo̱ ko be̱ le̱?

¹⁵ Ni té aafe tēṅ ní ame̱ašie̱, ké̱ atšũkoame̱ le̱? take̱ bo̱ni *aṅmã ake̱: “Kwe̱ bo̱ni hedšo̱le̱ he sanekpakpa-šie̱lo̱i ní šie̱o̱ nikpakpai le̱ anãdši yo̱ fe̱o hã!” *Ies. 52,7.

¹⁶ Ši kẽle̱ dšee meifẽbo sanekpakpa le̱ toi. Edšake̱ Iesaia *kē̱o̱ ake̱: “Nuṅtšo̱, namo ehé wo̱sane le̱ eye?” *Ies. 53,1.

¹⁷ Bĕle̱ *hemo̱-ke̱-yeli le̱ sane toibō mli dše̱o̱, ni sane toibō hũ tšṍo̱ Nyoṅmo̱ wiemo̱ le̱ no̱ ke̱-baã. *Ioh. 17,20.

¹⁸ Ši mīkē̱ ake̱: Aso nu ame̱nuu? Le̱le̱ṅ ake̱ *ame̱gbē edšidše ke̱-te šikpoṅ mū le̱ fẽ no̱, ni ame̱wiemo̱i le̱ eše̱ dšeṅ nāgbēhei le̱. *Lal. 19,5.

¹⁹ Ši mīkē̱ ake̱: Aso le Israel lee? Mose etšṍ hĩe ekē̱ ake̱: *“Mahã nyeye maṅ ni dšee maṅ ko he awuṅã; ni mike̱ maṅ ko ní lee noko aawonye mlila.” *5 Mose 32,21.

²⁰ Ni Iesaia ke̱ ekã *kē̱: “Mihã mei ní taoomi le̱ nami, ni midšie mihe kpo mitšõ mei ní biko miši le̱.” *Ies. 65,1.

²¹ Ši Israel le̱, *ekē̱ame̱ ake̱: “Dā dšenamo̱ migbe̱o̱ minidšiaṅ mihăa maṅ toigbolo̱i ke̱ sanenādšielo̱i le̱.” *Ies. 65,2.