Nahum 1 - Ṅmãle̱ Kroṅkroṅ Le̱

¹ Ninive kodšomo̱ he gbale̱. Nahum, Elkošnyo le̱, ninā wolo.

² Mawu *awuṅãyelo̱ ke̱ oweleto̱lo̱ dši Iehowa; oweleto̱lo̱ dši Iehowa, ni emlifũ wa. Oweleto̱lo̱ dši Iehowa hā ehetšẽlo̱i, ni eke̱-too̱ ehãa ehenye̱lo̱i. *2 Mose 20,6. 5 Mose 4,24.

³ Iehowa mli fũũ mrā, ni ehewale̱ le̱ da kple, ni *ehãã no̱tõlo̱ aṅõ ehe aye. Iehowa le̱, ahum ke̱ lasũogbĕle mli egbe̱ le̱ kã, ni atatu le̱, enaneši mlu ni. *2 Mose 34,7.

⁴ Eṅã̀a ṅšo̱ yi, ni ehãa emī̃o̱, ni ehãa fāi fẽ mī̃o̱. Bašan ke̱ Karmel fẽ ṅălãa, Lebanon afofroi le̱ ṅălãa!

⁵ *Gõdši hosoo̱ ye̱ ehĩe, ni goṅkpo̱i hũ sĕreo̱; šikpoṅ le̱ wóo̱ ehe no̱ ye̱ ehĩe, ke̱ dšeṅ ke̱ emli bii le̱ fẽ! *Lal. 97,5.

⁶ Namo aanyẽ emlila le̱ nā adamo̱? ni namo aanyẽ ši ahĩ ye̱ emlifũ ní nā wa le̱ mli? Ehĩedō̱ le̱ fo̱seo̱ ſieo̱ ši tamo̱ la, ni te̱sāi gblaä ye̱ ehĩe.

⁷ Iehowa *hĩ, mō̃ ní wa dšile̱ ye̱ fĩmo̱ gbĩ no̱; ni †ele mei ni baäle̱ abo le̱. *5 Mose 4, 31. †Lal. 1,6.

⁸ Ši eke̱ nu babaō ni hoo̱ aahã emā̃he le̱ alādše, ni ehenye̱lo̱i le̱, eke̱ duṅ tiuo̱ame̱!

⁹ Meni nyedſẽṅo̱ nyešio̱ Iehowa? Ebafo se̱! ni fĩmo̱ eteṅ ši noni dši ši enyo̱.

¹⁰ Ši ké̱ ame̱tõtõ tamo̱ ṅmei, ni ame̱fo̱ tšō ke̱ ame̱dā̃ le̱, aašãame̱ kwrakwra tamo̱ gbetšelii gbĩdši pe̱.

¹¹ Moko edše̱ omli ni dſẽṅo̱ Iehowa he efõṅ, ni etoo̱ eyiṅ efõṅ.

¹² Bo̱ni Iehowa kē̱ ne̱: Kē̱ ame̱dše mli šišiši, ni ame̱yi fá po le̱, aaflo̱ame̱ aſie kẽ, ni eeho eya. Ni ké̱ mibao ši dšiṅṅ, mibaṅo ši doṅṅ.

¹³ Ši agbe̱ne̱ makũmo̱ epã le̱ mli ke̱-adše̱ ohe, ni matšĕre̱ okpãi le̱.

¹⁴ Ši Iehowa ewo kitã ye̱ ohe ake̱: ogbe̱i le̱ náṅ seši doṅṅ! Maflo̱ amãgã ke̱ wo̱ṅ ke̱-adše̱ onyoṅmo̱ le̱ we le̱, masā ogbonyobu mato, edšake̱ oye̱ fle̱fle̱ tšṍ!