Mateo 9 - Ṅmãle̱ Kroṅkroṅ Le̱

¹ Ni ebote le̱le̱ mli, ni efo ṅšo̱ le̱, ni eba *le̱dientše̱ emã le̱ṅ. *4,13.

² Ni na, ake̱ moko ní yeo̱ kū̃mo̱-hela ní kã sā no̱ ba éṅõ. Ni beni Iesu na ame̱hemo̱-ke̱-yeli le̱, ekē̱ helatše̱ le̱ ake̱: Bi, hã otšui anyõ omli, aṅõ ohe ešai le̱ afao!

³ Ni na, woloṅmãlo̱i le̱ ateṅ meikomei kē̱ ye̱ ame̱mli ake̱: Musú mone̱ boö ne̱. Mar. 2,7.

⁴ Ni beni Iesu na ame̱dſëṅmo̱i le̱, ekē̱: Mẽhewo̱ ni nyedſẽṅo̱ niifõdši ye̱ nyetšuii amli ne̱? 12,25. Ioh. 2,25.

⁵ Edšake̱ noni aake ake̱: Aṅõ ohe ešai le̱ afao le̱, alo noni aakē̱ ake̱: Te ši ní onyie le̱, té emli noni kē̱mo̱ dšraaṅ?

⁶ Ši beni afe ní nyená nyele ake̱ gbomobi le̱ ye̱ hegbe̱ ye̱ šikpoṅ le̱ no̱ ake̱ eṅõo̱ ešai efaä le̱, — ke̱ke̱ le̱ ekē̱ helatše̱ le̱ ake̱: Te ši, wó osā le̱, ni oya owe!

⁷ Ni ete ši ete ewe.

⁸ Ši beni mei le̱ na le̱, ame̱nã kpe̱ ame̱he, ni ame̱wo Nyoṅmo̱ hĩe nyam ake̱ éṅõ ne̱ke̱ hegbe̱ éhã gbomei.

⁹ Ni beni Iesu dše dše̱i eyaä le̱, ena nū ko ni atšé̱o̱le̱ Mateo tá ntōhemo̱he le̱, ni ekē̱le̱ ake̱: Nyiemo̱ mise̱! Ni ete ši enyie ese̱.

¹⁰ Ni eba mli ake̱, beni etá niyenii aši ye̱ šĩa le̱, na, ntōhelo̱i ke̱ ešafelo̱i babaō ba, ni ame̱ke̱ Iesu ke̱ ekaselo̱i le̱ baye nii.

¹¹ Ni beni Farisifoi le̱ na le̱, ame̱bi ekaselo̱i le̱ ake̱: Mẽhewo̱ nyetšõlo̱ le̱ ke̱ ntōhelo̱i ke̱ ešafelo̱i yeo̱ nii ne̱? Luk. 15,2.

¹² Ši beni Iesu nu le̱, ekē̱ame̱ ake̱: Mei ní yo̱ hewale̱ le̱, tšofãtše̱ he ehīaa-ame̱, ši moṅ mei ní he yeo̱ le̱.

¹³ Ši nyeyaä ni nyeyakasea noni dši ene̱ šiši: *“Mo̱bo̱nale̱ mitaoo, ni dšee afo̱le!” Edšake̱ mibaa dšalo̱i atšé̱mo̱, †ši ešafelo̱i moṅ ní ame̱tšake ame̱tšui. *Hos. 6,6. 1 Sam. 15,22. †Mat, 18,11.

¹⁴ Ke̱ke̱ ni Iohane kaselo̱i le̱ ba eṅõ ni ame̱kē̱: Mẽhewo̱ wo̱ ke̱ *Farisifoi le̱ fo̱ö̱ ṅmā̃hīle̱, ni okaselo̱i le̱ ehĩĩ ṅmā̃ le̱? *Luk. 18,12.

¹⁵ Ni Iesu kē̱ame̱ ake̱: Ani yōkpēmo̱ le̱ he bialo̱i le̱ aanyẽ aye ṅko̱mo̱ gbĩĩ abo̱ ni ayemforowu le̱ ke̱ame̱ yo̱ le̱? Ši gbĩĩ aaba momo, ní aaṅõ *ayemforowu le̱ ke̱-adše ame̱teṅ ke̱-ate, ni no dãni ame̱ahĩ ṅmä. *Ioh. 3,29.

¹⁶ Ši moko eṅõõ mamanā hē etáá atade momo; edšake̱ noni aṅõ-tá ní kũle̱ aṅõ-tšĩ flo̱ le̱, yeo̱ atade le̱, ni flo̱ le̱ lē̱o̱ moṅ fè tšutšu le̱. Ioh. 1,17.

¹⁷ Asaṅ aṅõõ wein hē awoo woloto̱i memedši amli; no le̱ woloto̱i le̱ aafle̱, ni wein le̱ aaſie ši, ni woloto̱i le̱ aafite; ši wein hẽ le̱, woloto̱i hēi amli moṅ ake̱-woo̱, ni enyo̱ le̱ fẽ fitee.

¹⁸ Beni ewieo̱ wiemo̱i ne̱ etšõo̱ame̱ le̱, na, onukpa ko ba bakotole̱ ekē̱: Mibiyō édše mli amrõ ne̱; ši ba ní obaṅõ onine oṅmẽ eno̱, ni ehĩe atsẽ.

¹⁹ Ni Iesu te ši ni eke̱ ekaselo̱i le̱ nyie ese̱.

²⁰ Ni na, yō ko nī he yeo̱ ko̱ láfo̱semo̱ afii nyoṅma ke̱ enyo̱ le̱ badše ese̱gbe̱ eta etade nāmū le̱ he.

²¹ Edšake̱ ekē̱ ye̱ emli ake̱: Ke̱dši miná *etade le̱ he mita ke̱ke̱ le̱, mihe aawami. *14,36.

²² Ši Iesu tšṍ ehe, ni beni enale̱ le̱ ekē̱: Biyō, hã otšui anyõ omli, ohemo̱-ke̱-yeli le̱ éhere oyiwala! Ni yō le̱ he wale ye̱ no ṅmle̱tſā le̱ no̱ noṅṅ.

²³ Ni beni Iesu ba onukpa le̱ we le̱ ni ena ble̱kpãlo̱i ke̱ mei pī ní feo̱ hō le̱,

²⁴ ekē̱ame̱ ake̱: Nyeyaä se̱, edšake̱ oblayō le̱ gboko, ši wo̱ ke̱ke̱ ewoo. Ni ame̱ṅmõle̱. Ioh. 11,11. 14. 25.

²⁵ Ši beni aſie mei le̱, ete tšũ le̱ṅ, ni emo no nine ši, ni oblayō le̱ te ši.

²⁶ Ni ne̱ke̱ sane ne̱ dšidse ye̱ dše̱i šikpoṅ mū le̱ fẽ no̱.

²⁷ Ni beni Iesu dše dše̱i ehoo le̱, ſilafoi enyo̱ nyie ese̱ ni ame̱blo̱ö̱ ame̱kē̱o̱ ake̱: Nawo̱ mo̱bo̱, David bi!

²⁸ Ši beni ebote šĩa le̱, ſilafoi le̱ ba eṅõ; ni Iesu biame̱ ake: Nyeheo̱ nyeyeo̱ ake̱ manyẽ ene̱ mafe lo? Ame̱kē̱le̱ ake: Hẽ, Nuṅtšo̱!

²⁹ Ke̱ke̱ ni etra ame̱hĩṅme̱ii le̱ ahe ni ekē̱: *Bo̱ni nyeheo̱ nyeyeo̱ le̱, áfe nakai ahãnye. *8,13.

³⁰ Ni ame̱hĩṅme̱ii le̱ gble. Ni Iesu bo̱ame̱ ko̱ko̱ ake: Nyekakwe̱a ní moko mile! 8,4.

³¹ Ši ame̱ le̱, beni ame̱dše dše̱i le, ame̱yadšie eyi ye̱ dše̱i niiaṅ fẽ.

³² Ši beni nomei dšeo̱ kpo le̱, na, ake̱ mumui ko ní daimonio yo̱ emli ba eṅõ.

³³ Ni beni efa daimonio le̱, mumui le̱ wie. Ni mei le̱ anā kpe̱ ame̱he ame̱kē̱: Anako ne̱ke̱ noko pẽṅ ye̱ Israel!

³⁴ Ši Farisifoi le̱ kē̱: Daimonioi alumo̱ le̱ nā efãa daimonioi le̱! 12,24.

³⁵ Ni Iesu *kpa mãdši le̱ ke̱ akrowai le̱ fẽ no̱, ni etšõo̱ nii ye̱ ame̱kpēhei le̱, ni ešie̱o̱ maṅtše̱yeli le̱ he sanekpakpa le̱, ni etšáa hela-fẽ-hela ke̱ hedšramo̱-fë-hedšramo̱ ye̱ mã le̱ṅ. *4,23.

³⁶ Ši beni *ena mei babaō le̱, emũsŭṅ tšõle̱ ye̱ ame̱hewo̱, ake̱-ni eto̱ame̱ ni ame̱fe yuyā tamo̱ †tōi ní be̱ kwe̱lo̱ le̱. *14,14. Mar. 6,34. †Ezek. 34,5.

³⁷ Ke̱ke̱ ni ekē̱ ekaselo̱i le̱ ake̱: Nikpamo̱ le̱ fá moṅ, ši nitšulo̱i le̱ fáá. Luk. 10,2.

³⁸ Nohewo̱ le̱ nyekpaä nikpamo̱ nuṅtšo̱ le̱ fai, koni ewo nitšulo̱i agbe ke̱-ba enikpamo̱ le̱ mli!