Mateo 25 - Ṅmãle̱ Kroṅkroṅ Le̱

¹ No mli le̱ ṅwei maṅtše̱yeli le̱ aatamo̱ oblayei nyoṅma ní ko̱lo̱ ame̱kanei ake̱ ame̱yakpē ayemforowu. Luk. 12,35. 36. Kpods. 19,7.

² Ši ame̱teṅ mei enumo̱ le̱ nilelo̱i dši-ame̱, ni mei enumo̱ le̱ kwašiaiṅ.

³ Mei ní dši kwašiai le̱ hole ame̱kanei le̱, ši ame̱ṅōõ mũ ame̱fataa he.

⁴ Ši nilelo̱i le̱ ṅõ mũ wo ame̱to̱i amli ame̱fata ame̱kanei le̱ ahe.

⁵ Ni beni ayemforowu le̱ tše̱ le̱, wo̱ ye ame̱fẽ ni ame̱wo̱wo̱i.

⁶ Ši nyōṅ teṅ le̱ anu blo̱mo̱ ake̱: Na, ayemforowu le̱ miba ēé! nyedšea kpo, nyeyakpēale̱!

⁷ Ke̱ke̱ ni nakai oblayei le̱ fẽ te ši ni ame̱sā ame̱kanei le̱.

⁸ Ni kwašiai le̱ kē̱ nilelo̱i le̱ ake̱: Nyehãawo̱ nyemũ le̱ eko, edšake̱ wo̱kanei le̱ mīgboi.

⁹ Ši nilelo̱i le̱ here no̱ ame̱kē̱: Ekole̱ ebaše̱ṅ wo̱ke̱nye fẽ; ši moṅ nyeyaä mei ní hõo̱ le̱ aṅõ nyeyahea eko nyehãa nyehe.

¹⁰ Ši beni ame̱te hemo le̱, ayemforowu le̱ ba, ni mei ni esā amehe eto le̱ ke̱le̱ te yōkpēmo̱he le̱, ni aṅã́ šĩnā le̱.

¹¹ No se̱ le̱ oblayei krokomei le̱ hũ ba ni amebakē̱: Nuṅtšo̱, Nuṅtšo̱, gblemowo̱! Luk. 13,25. 27.

¹² Ši ehere no̱ ekē̱: Le̱le̱ṅ, mīkē̱nye ake̱ mileenye. 7,23.

¹³ Nohewo le̱ nyesraä, edšake̱ nyelee nõ gbĩ lo nõ ṅmle̱tſā no̱ [ni gbomobi le̱ baã]. 24,42.

¹⁴ Ši tamo̱ nū ko ni beni *ebadom le̱, etšé̱ etšũdši, ni etu enibii ewo ame̱deṅ; *21,33.

¹⁵ ni ehã mokome talentai enumo̱, mokome hũ enyo̱, ni mokome hũ ekome, bo̱ni mofẽmo aanyẽ akwe̱; ni amrõ le̱ edom. Rom. 12,6.

¹⁶ Ši moni ná talentai enumo̱ le̱ te ni eyatšṍmo̱ he, ni ená talentai enumo̱ ebo̱ he.

¹⁷ Nakai noṅṅ moni ná enyo̱ le̱ hũ yaná enyo̱ ebo̱ he,

¹⁸ Ši moni ná ekome le̱ te eyatša šikpoṅ, ni eṅõ enuṅtšo̱ le̱ šika le̱ etē.

¹⁹ Ši ye̱ mli āhũ le̱, tšũdši ne̱ anuṅtšo̱ le̱ ba, ni eke̱ame̱ babu akontā.

²⁰ Ni moni ná talentai enumo̱ le̱ ba, ni eke̱ talentai enume̱ kroko hũ babe̱ he ekē̱: Nuṅtšo̱, oṅõ talentai enumo̱ ohãmi, na, mike̱-ná talentai enumo̱ hũ mifata he.

²¹ Enuṅtšo̱ le̱ kē̱le̱ ake̱: *Ahekō, tšũlo̱ kpakpa ke̱ ano̱kwafo, oye ano̱kwa ye̱ nii fiō he, mahã oye nii pī atše̱: botemo̱ onuṅtšo̱ mīše̱ le̱ mli. *K. 23; 24,45-47. Luk. 16,10.

²² Ši moni ná talentai enyo̱ le̱ hũ ba ni ebakē̱: Nuṅtšo̱, oṅõ talentai enyo̱ ohãmi, na, mike̱-ná talentai enyo̱ hũ mifata he.

²³ Enuṅtšo̱ le̱ kē̱le̱ ake̱: *Ahekō, tšũlo̱ kpakpa ke̱ ano̱kwafo, oye ano̱kwa ye̱ nii fio he, mahã oye nii pī atše̱: botemo̱ onuṅtšo̱ mīše̱ le̱ mli. *K. 21.

²⁴ Ši moni ná talenta kome le̱ hũ ba bakē̱: Nuṅtšo̱, mileo ake̱ yiwalo̱ dšio; okpaä nii ye̱ heni odũko noko ye̱, ni obuaä nii anā ye̱ heni oſãko noko ye̱;

²⁵ ni no hã miše gbeyei, ni mite mike̱ otalenta le̱ yatē šikpoṅ; na onii.

²⁶ Ši enuṅtšo̱ le̱ here no̱ ni ekē̱le̱ ake̱: Tšũlo̱ fõṅ ke̱ anihaolo̱l ní ole ake̱ mikpaä nii ye̱ heni midũko noko ye̱ ni mibuaä nii anã ye̱ heni miſãko noko ye̱ le̱,

²⁷ kũle̱ ogbe̱nã dši ake̱ oṅõo̱ mišika le̱ owoo tšakelo̱i adeṅ, ni ké̱ miba ní mibahe minii ke̱ ehekpa.

²⁸ Nohewo̱ le̱, nyehea talenta le̱ ye̱ edeṅ ni nyeṅõ-hãa moni yo̱ talentai nyoṅma le̱.

²⁹ Edšake̱ mofẽmo ní yo̱ noko le̱, aahãle̱, koni ená ní ateke no̱; ši moni be̱ noko le̱, aahe noni eyo̱ le̱ tete ye̱ edeṅ. 13,12.

³⁰ Ni tšũlo̱ ni he be̱ se̱námo̱ ko ne̱, *nyetšiale̱ nyewoa gbe̱se̱ duṅ le̱ mli; dše̱i yāfó ke̱ nyãnyõdši ašišikpemo̱ aahĩ! *8,12.

³¹ Ši beni gbomobi le̱ aaba ye̱ enumnyam le̱ mli, ni bo̱foi kroṅkroṅi le̱ fẽ aafata ehe le̱, no mli le̱ eetá enumnyam sẽĩ le̱ no̱; 16,27. Kpods. 20,11-13.

³² ni *aabua dšeṅmãdši le̱ fẽ nā ye̱ ehĩe, ni eegbla ame̱mli, take̱ bo̱ni tōkwe̱lo̱ gblaã gwanteṅi ke̱ abotiai amli le. *Rom. 14,10.

³³ Ni eeṅõ gwanteṅi le̱ edamo eninedšŭrõ no̱, ši abotiai le̱, eeṅõame̱ edamo ebe̱ku no̱. Ezek. 34,17.

³⁴ Ke̱ke̱ le̱ maṅtše̱ le̱ aakē̱ mei ní yo̱ eninedšŭrõ no̱ le̱ ake̱: Nyebaä, nye mei ní mitše̱ edšō̱nye, nyebaṅõa maṅtše̱yeli le̱ nĩ asa atonye ke̱-dše̱ dšeṅ šĩšĩdšē le̱!

³⁵ Edšake̱ hõmo̱ yemi, ni nyehãmi nii miye; kũmai yemi, ni nyehãmi nu minu; gbo̱ dšimi, ni nyehã mibato nyeṅõ; Ies. 58,7.

³⁶ minyie yayai, ni nyewomi atade; mihe ye, nĩ nyebasrami; awomi tšũṅ, ni nyeba miṅõ.

³⁷ Ke̱ke̱ le̱ dšalo̱i le̱ aaherele̱ no̱ ame̱akē̱ ake̱: Nuṅtšo̱, té gbĩ ní wo̱nao ake̱ hõmo̱ mīyeo, ni wo̱hão nii oyeṅ? alo ake̱ kũmai mīyeo, ni wo̱hão noko onuṅ? 6,3.

³⁸ Ni té gbĩ ní wo̱nao ake̱ gbo̱ dsio, ni wo̱hã obato wo̱ṅõ? alo ake̱ onyie yayai ni wo̱woö atadeṅ?

³⁹ Asaṅ té gbĩ ní wo̱nao ake̱ ohe miye alo awoõ tšũṅ, ni wo̱ba oṅõṅ?

⁴⁰ Ni maṅtše̱ le̱ aahere no̱ ekē̱ame̱ ake: Le̱le̱ṅ, mīkē̱nye ake̱: Gbĩĩabo̱ kẽ ní nyefe nyehã minyemimei ne̱ ateṅ bibiō kome le̱, mi noṅṅ nyefe nyehã le̱. Abe̱i 19,17. Heb. 2,11.

⁴¹ Ke̱ke̱ le̱ eekē̱ mei ní yo̱ ebe̱ku no̱ le̱ hũ ake̱: Nyedšea mino̱, nye mei ní alomo̱nye, nyeyaä nāno̱ la le̱ ni asā ato abonsam ke̱ ebo̱foi le̱ mli! 7.28. Kpods. 20,10. 15.

⁴² Edšake̱ hõmo̱ yemi, ni nyehããmi nii maye; kũmai yemi, ni nyehããmi nu manu;

⁴³ gbo̱ dšimi, ni nyehãã mabato nyeṅõ; minyie yayai, ni nyewoomi atade; mihe ye ni asaṅ awomi tšũṅ, ni nyebasraami.

⁴⁴ Ke̱ke̱ le̱ ame̱ hũ ame̱aherele̱ no̱ ame̱-akē̱ ake̱: Nuṅtšo̱, té gbĩ ní wo̱nao ake̱ hõmo̱ mīyeo alo kũmai mīyeo alo gbo̱ dsio alo onyie yayai alo ohe miye alo awoö tšũṅ, ni wo̱basúmo̱o̱oṅ?

⁴⁵ Ke̱ke̱ le̱ eehereame̱ no̱ eekē̱ ake̱: Le̱le̱ṅ, mīkē̱nye ake̱: Gbĩĩabo̱ kẽ ní nyefee nyehãã mei bibii kwrā ne̱ ateṅ mokome le̱, nyefee nyehããmi hũ!

⁴⁶ Ni mene̱mei le̱, ame̱ate nāno̱ hedšramo̱ mli; ši dšalo̱i le̱ aate nāno̱ wala mli. Ioh. 5,29.