Mateo 24 - Ṅmãle̱ Kroṅkroṅ Le̱

¹ Ni Iesu mīdše kpo ye̱ so̱lemo̱we le̱, ni eya. Ni ekaselo̱i le̱ ba eṅõ ní ame̱batšõle̱ so̱lemo̱we le̱ tšũi le̱,

² Ši Iesu kē̱ame̱ ake̱: Nto nyemīna nii ne̱ fẽ? Le̱le̱ṅ, mīkē̱nye ake̱: Ašĩṅ te̱ kome ye̱ eko no̱ ye̱ bie̱ ní akpaṅ aluṅ ši. Luk. 19,44.

³ Ši beni etá ši ye̱ Mũgoṅ le̱ no̱ le̱, ekaselo̱i le̱ ba eṅõ ye̱ afã ame̱bakē̱: Tšõmo̱wo̱ beyino̱ ní aafe nii ne̱, ni meni dši obā le̱ ke̱ dše ne̱ṅ nāgbē le̱ he okadi?

⁴ Ni Iesu here no̱ ekē̱ame̱ ake̱: Nyekwe̱a ní ahĩa koni moko akabalakanye.

⁵ Edšake̱ *mei pī ke̱ migbe̱i aaba ni ame̱akē̱ ake̱: Mi dši Kristo le̱! ni ame̱alaka mei pī. *K. 24. Bo̱f. 5,36. 37. 1 Ioh. 2,18.

⁶ Ši nyeanu tai ke̱ tai atãtšĩĩ ahe; nyekahãa no mīfãa nyetšui; ši dša nii ne̱ fẽ eba mlĩ dã, ši kẽle̱ nāgbē le̱ še̱ko.

⁷ Ši maṅ aate ši awo maṅ, ni maṅtše̱yeli aate ši awo maṅtše̱yeli; ni hõdši ke̱ tšēṅemo̱-helai ke̱ šikpoṅhosomo̱i aaba hei sro̱toi fẽ.

⁸ Ši ene̱mei fẽ le̱ kõmo̱i le̱ abõimo̱ṅ.

⁹ No be le̱ mli le̱ ame̱adšienye ame̱wo amanehũlũ mli, ní agbenye; ni migbe̱i le̱ hewo le̱ dšeṅmãdši fẽ aanye̱nye. 10,17. 22. Ioh. 16,2.

¹⁰ Ni no be le̱ mli le̱ mei pī anane aatõtõ, ni ame̱atšõtšõ ame̱nanemei ase̱gbe̱, ni ame̱anye̱nyé̱ ame̱he.

¹¹ Ni amale-gbalo̱i pī aate ši, ni ame̱alaka mei pī. 7,15. 1 Ioh. 4,1.

¹² Ni noni mlakwamo̱ bafá hewo̱ le̱, mei pī asuomo̱ le he aadšo. 2 Tes. 2,10. 2 Tim. 3,1-5.

¹³ Ši moni hĩeo̱ mli ke̱-yawulaä ši le̱, le̱ aahere eyiwala. 10,22. Kpods. 13,10.

¹⁴ Ni aasie̱ maṅtše̱yeli le̱ he sanekpakpa ne̱ atšõ *dše ne̱ṅ fẽ, ní ake̱-ye dšeṅmãdši le̱ fẽ †odase; ni no dãni nāgbē le̱ aaba. *28,19. †10,18.

¹⁵ Nohewo̱ le̱, ké̱ nyena amaṅfõ-nihĩnii le̱ ní gbalo̱ Daniel wie he le̱ ake̱ emã hekroṅkroṅ le̱ (moni kaneo̱ le̱, hã ni eyo se̱!): Dan. 9,26. 27; 12,11.

¹⁶ no le̱ mei ní yo̱ Iudea le̱ adšo foi aya gõdši le̱ ano̱;

¹⁷ moni yo̱ tšũyiteṅ le̱, ekakpleke ši eyako̱ noko ke̱-dše̱ ešĩa; Luk. 7,31.

¹⁸ ni moni yo̱ ṅmõši le̱, ekakũ ese̱ eyakŏ̱lo̱ etadei.

¹⁹ Ši mihã mei ní hĩe ho̱ ke̱ mei ní hãa fuſo̱ ye̱ no gbĩĩ le̱ amli le̱ kpóo!

²⁰ Ši nyeso̱lea, koni nyefoĩdšē le̱ akaba ye̱ fẽibe le̱ mli alo ye̱ *hedšō̱mo̱gbī le̱ no̱. *Bo̱f. 1,12.

²¹ Edšake̱ no be le̱ mli le̱ amanehũlũ babaō aaba, ní anako no̱ dã ke̱-dše̱ dše le̱ṅ šišidšē mli ke̱-baši ṅme̱ne̱ṅmene̱, ni asaṅ anaṅ eno̱ gbĩkogbĩko doṅṅ. Dan. 12,1.

²² Ni ké̱ afoo no gbĩĩ le̱ ano̱ kpitiō le̱, kũle̱ ahereṅ helo ko helo ko yiwala; ši mei ni ahala le̱ ahewo̱ le̱ aafo no gbĩĩ le̱ ano̱ kpitiō.

²³ No mli le̱, ke̱dši moko kē̱nye ake̱: “Na, Kristo le̱ ye̱ bie̱ lo bie̱” le̱, nyekahea nyeyea.

²⁴ Edšake̱ amalekristoi ke̱ amalegbalo̱i aate ši ni ame̱afe okadii wudši ke̱ aſãii ame̱tšō, ni aabo kũle̱, aalaka mei ní ahala le̱ tete. K. 5. 11. 5 Mose 13,2-4. 2 Tes. 2,3. 9.

²⁵ Na, mikē̱nye mito.

²⁶ Nohewo̱ le̱, ke̱dši ame̱kē̱nye ake̱: “Na, eye̱ ṅã le̱ no̱” le̱, nyekayaä; lo “na, eye̱ piai le̱ amli” le̱, nyekahea nyeyea.

²⁷ Edšake̱ bo̱ni srawa dše̱o̱ bokã gblaä ke̱-yaä anai le̱, nakai noṅṅ gbomobi le̱ bā le̱ aatamo̱. Luk. 17,23. 24.

²⁸ Edšake̱ hefẽhe ní gbonyo kã le̱, dše̱i okropoṅi buaä ame̱he nā ye̱. Hiob 39,30. Hab. 1,8. Luk. 17,37.

²⁹ Ši no gbĩĩ le̱ ano̱ amanehũlũi le̱ ase̱ le̱, etše̱ṅ ni *hũlũ aawo duṅ, ni nyoṅtšẽre kpe̱ṅ doṅṅ, ni ṅulamii aatšere̱ ke̱-adše̱ ṅwei atſia ši, ni †ṅwei hewale̱i le̱ aahoso. *Ies. 13,10. †2 Pet. 3,10.

³⁰ Ke̱ke̱ ni gbomobi le̱ okadi le̱ aapue ye̱ ṅwei, ni no le̱ šikpoṅ le̱ no̱ akutšei le̱ fẽ *aawo yăra, ni ame̱ana gbomobi le̱ ake̱ †ēba ye̱ ṅwei atatui le̱ ano̱ ke̱ hewale̱ ke̱ anumnyam babaō. *Kpods. 1,7. †Mat. 26,44. Dan. 7,13. 14. Kpods. 19,11.

³¹ Ni eetšũ ebo̱foi le̱ ke̱ *te̱tre̱mantre̱ ní gbē wā, ni ame̱abua emei ní ahala le̱ anā ke̱-adše̱ kō̱yo̱i edſe̱ le̱ no̱, ke̱-adše̱ ṅwei nāgbēhe kome no̱ ke̱-yaši nāgbēhe kroko le̱ no̱. *1 Kor. 15,52. 1 Tes. 4,16. Kpods. 8,1. 2.

³² Ši nyekasea agbãmitšo abe̱ ní ebuo̱ le̱: beni enidši le̱ efro̱ke ni ebõi bāi fũmo̱ le̱, nyele ake̱ latšābe le̱ eše̱ etã.

³³ Nakai noṅṅ nye hũ, beni nyeana nii ne̱ fẽ le̱, nyelea ake̱ eše̱ agbói le̱ anā etã.

³⁴ Le̱le̱ṅ, mīkē̱nye ake̱: Ne̱ke̱ yino̱ ne̱ hoṅ, dša nii ne̱ fẽ eba mli dã.

³⁵ Ṅwei ke̱ šikpoṅ baho aya; ši miwiemo̱i le̱ hoṅ eyaṅ. 5,18.

³⁶ Ši no gbĩ le̱ ke̱ no ṅmle̱tſā le̱ mokomoko lee he eko, bo̱foi ní yo̱ ṅwei le̱ tete lee, [ni bi le̱ tete lee,] dša mitše̱ kome ke̱ke̱. 1 Tes. 5,1. 2.

³⁷ Ši bo̱ni Noa gbĩĩ le̱ fe le̱, nakai gbomobi le̱ bā le̱ hũ batamo̱. 1 Mose 6,11-13. Luk. 17,26. 27.

³⁸ Edšake̱ bo̱ni yo̱ ye̱ gbĩĩ ní nyie nuafua le̱ hīe le̱ amli, ni mei le̱ hīe niyeli ke̱ ninumo̱ ke̱ yōw̌ē̱ ke̱ gblãhãmo̱ mli āhũ ke̱-yaši gbĩ ní Noa yabote adeka le̱ mli, 2 Pet. 3,5. 6.

³⁹ ni ame̱hĩe be̱ ame̱he no̱ ke̱-yaši nuafua le̱ balōame̱ fẽ ke̱-te le̱, nakai noṅṅ gbomobi le̱ bā le̱ aatamo̱.

⁴⁰ No mli le̱ mei enyo̱ aahĩ ṅmõšĩ, aaṅõ mokome, ni aasĩ mokroko le̱. Luk 17,35. 36.

⁴¹ Mei enyo̱ aaw̌ie̱ ye̱ w̌ie̱ se̱; aaṅõ mokome, ni aašĩ mokroko le̱.

⁴² Nohewo̱ le̱ nyesraä, edšake̱ nyelee nõ ṅmle̱tſā no̱ ní nyenuṅtšo̱ le̱ baä. 25,13.

⁴³ Ši nyenáa nyelea ake̱, *ké̱ šĩatše̱ ko le nõ ṅmle̱tſā no̱ ní dšulo̱ baä le̱, kũle̱ eesra ni eṅmẽṅ gbe̱ ní agbu ewe le̱ awoṅ. *Luk. 12,39-46.

⁴⁴ Nohewo̱ le̱ nye hũ nyesãa nyehe nyetoa, edšake̱ nõ ṅmle̱tſā ní nyesusuu le̱ no̱ gbomobi le̱ baä. Kpods. 16,15.

⁴⁵ Bĕle̱ namo dši tšũlo̱ ano̱kwafo ke̱ nilele̱ mo̱ ní enuṅtšo̱ ṅõle̱ eto ewebii le̱ ano̱, koni ehãame̱ ame̱ṅmā̃ ye̱ be ní sa no̱ le̱?

⁴⁶ Adšō̱ nakai tšũlo̱ le̱, moni beni enuṅtšo̱ baä le̱, ní eebaninale̱ ake̱ ēfe nakai le̱.

⁴⁷ Le̱le̱ṅ, mīkē̱nye ake̱, eeṅõle̱ eto enii fẽ-kwa no̱. 25,21. 23.

⁴⁸ Ši ke̱dši nakai tšũlo̱ fõṅ le̱ aake ye̱ etšui mli ake̱: Minuṅtšo̱ le̱ mītši ebabe le̱ ēto; Dsads. 8,11.

⁴⁹ ni eebõi enanemei-tšũdši le̱ yī, ni eke̱ dā̃to̱lo̱i le̱ aaye ni eke̱ame̱ aanu le̱:

⁵⁰ nakai tšũlo̱ le̱ nuṅtšo̱ le̱ aaba ye̱ gbĩ no̱ ni ekwe̱e̱le̱ gbe̱ ke̱ ṅmle̱tſā no̱ ní elee,

⁵¹ ni eetsere̱ emli ni eehãle̱ egbe̱fãṅnõ ye̱ osatofoi le̱ ateṅ. *Dše̱i yāfó ke̱ nyãnyõdši ašišikpemo̱ aahĩ. *8,12.